بص يا باشا
انا عامل شروجي لكراسي العربيه كلها و للشنطه مكلفاني بالظبط 1200 جـ عندنا في إسكندريه
بالنسبة للترخيص أنا دافع 1350 جـ كله على بعضه مدة 3 سنيين
أما للتأمين بصراحه انا مش مأمن على العربيه و ده لأني شغال في شركة غبور و بشوف شركات التأمين بتعمل إيه في العملا بتوعها
و بصراحه كل شركات التأمين زباله الزباله
و من أهم الأشياء اللي إشتريتها :
* كلابش دركسيون للعربيه
* طقم دواسات و كلابش عجل ( دول أنا واخدهم هديه و أنا بستلم - نصيحه حاول تتبلطج عليهم و أنت بتستلم و طلعلك أي مصلحه طقم دواسات - كلابش - ... و ياريت لو عرفت تاخد خصم على الصيانه زي ما أنا ما عملت زبقى زي الفل )
* عطاء للعربيه
* جهاز إنذار علشان العربيه بتنزل من غيره لان لو حد خبطلك العربيه وهي وافقه و كده يعني و ممكن ده تركبه في التوكيل لو خايف على كهربة العربيه لكن لو تعرف حد كويس بره أعمل زيي و ركبه بره
* حاول تعمل السروجي بسرعه لان فرش العربيه و الأرضيه لونه بيج و بيتبهدل بسرعه و خلي لون الجلد قريب من لون الفابريكه
* كفر لطارة الدركسيون و دي بتحمي الطاره
نصيحه منى ليك
- حاول دايما تشيل إريل العربيه في العربيه و متركبهوش غير لما تبقى سايق لاني كذا مره الإريل كان هيتسرق بس ربنا ستر - و كمان الراديو كده كده بيشتغل من غير إريل
- أوعى تسيب حاجه مهمه في العربيه و تمشي لأن الحرامي ممكن يكسرلك زجاج الباب و هتروح تغيره في التوكيل زي حلاتي .
- لو مسافر ولا حاجه متخدش ملفات جامد بسرعه عاليه لأن العربيه ممكن تعملها معاك إلا إذا كان معاك هاس كتير في العربيه خد الملافات زي مأنت عاوز
- خلي بالك من المطبات العاليه و انت معاك ناس كتير لأن العربيه بتزل لتحت جامد