تحويل شيري ايه 11 إلى سيارة خطوة بخطوة

**samaty** · 18-04-2014 04:29 PM

عملت الموضوع الأول
الدايرة اتكلفت عليا 6 جنيه
تمن الكتاوت والكلبسات
محبتش أوصلها على الكتاوت الموجود بالعربية قلت أسيب كل حاجة على وضعها علشان لو الدايرة حصل بها مشاكل أبقى ارجع للنظام القديم
باقي المكونات جبتها من باور سبلاي بتاع كومبيوتر كان بايظ عندي
عندي عداد الحرارة 8 شرط
يعني النص على 4 شرط
ظبطت الدايرة على الشرطة التالتة
مشيت بالعربية مسافة 130 كم ودي ملاحظاتي
في المشي العادي سرعة من120 إلى 150 الحرارة بين 2.5 وتلاتة
مشيت على الأول وأربي ام عالي لفترة 5 دقايق الحرارة ارتفعت لقبل الشرطة الرابعة وثبتت
أول ما أقف والعربية دايرة الحرارة بتنزل لغاية 2 وترجع تطلع لتلاتة وتثبت

**samaty** · 18-04-2014 04:34 PM

العيب الجوهري هوا إن الدارة لما تكون العربية دايرة وهي واقفة أول ما المؤشر يجي للشرطة التالتة المروحة بتشتغل ثواني وتقف ثواني ومش بتسمح للمؤشر يتحرك فوق أو تحت

**ahmed2801** · 19-04-2014 07:05 AM

المشاركة الأصلية كتبت بواسطة samaty

أولا بالنسبة لتبريد السيارة
بداية الفكرة هي من عمل مؤشر الحرارة
مؤشر الحرارة ده عبارة عن عداد واصل ليه سلك كهرباء من الكونتاك والأرضي بتاعه واصل من خلال حساس الحرارة وده في أي عربية
يعني وظيفة الحساس إن كل لما العربية تسخن يوصل بالأرضي علشان العداد يرفع وطبعا توصيله بالأرضي بيختلف حسب درجة الحرارة
(تجربة عملية للتأكيد على ذلك)
افصل السلك الواصل للحساس وافتح الكونتاك من غير ما تدور لمس السلك بجسم العربية تلاقي المؤشر بتاع الحرارة رفع للآخر ولو سبت السلك مفصول عمر المؤشر ما هيتحرك مهما سخنت العربية
-------------------------------------------------------
الكلام العلمي
مؤشر الحرارة بالسيارة هو جلفانومتر متصل بكرباء الكونتاك ومتصل الأرضي عن طريق مقاومة متغيرة حراريا(حساس الحراوة)
--------------------------------------------------------
--------------------------------------------------------
الفكرة في إستغلال ذلك
دلوقتي أنا عندي نقطة عليها فولت متغير تبعا لدرجة حرارة العربية ( نقطة توصيل الحساس)
أنا عملت دايرة بمكبر عمليات تقارن الفولت ده بفولت آخر ثابت ( أحدده انا من خلال مفتاح)
بحيث لو الحرارة رفعت المراوح تشتغل
---------------------------------------------------------------------------
الكلام العلمي
تعطي رأس الحساس عند توصيلها بسلك المؤشر قراءة كهربية تتراوح بين 0 و 12 فولت وتتناسب عكسيا مع حرارة السيارة ( 12 فولت =< 25 درجة //// صفر فولت => 150 درجة)
تعتمد الفكرة على مقارنة هذا الفولت بفولت آخر يتم تحديده عن طرق مقاومة متغيرة بواسطة مقارن comprator يتم عمله باستخدام أي من مكبرات العمليات الشهيرة والمتداولة والتي يتناسب جهد تشغيلها مع كهرباء السيارة مثل ua741 او lm324 ثم استخدام خرج المقارنة للتحكم بمفتاح كهرباء التحكم ( relay) وذلك لتشغيل مراوح التبريد
------------------------------------
------------------------------------
------------------------------------
-----------------------------------
بالنسبة الاسبيراتير
مكان الاسبيراتير الالكتروني لو فكيته هتلاقي تحتيه طبة بلاستيك هتشتالها وتركب أسبيراتير فورد اسكورت أو اسبيراتير بيجو 504 بالزور بتاعه بالاضافة للموبينه وشكرا

شكرا على الشرح الوافى و المهم إستهلاك البنزين يا برنس!!!!

**ahmed2801** · 19-04-2014 07:32 AM

بالنسبة للتبريد الموضوع هايل للى بيعانى من مشكلة السخونة.... والعربية مظبوطة المؤشر يكون ف النصف يطلع سنة صغيرة وينزل سنه صغيرة لكن عموما هو مظبوط على النص مهما اختلفت ظروف التشغيل.... وحضرتك نسيت تقول أخدت اشارة انطلاق الشرارة منين ولا بعد توصيل اللاسبراتير بعمود الكامه جربت يدوى لحد ما وصلت للوضع الصحيح وشكرا.

**samaty** · 19-04-2014 09:37 AM

بالنسبة لاستهلاك البنزين
فولت التانك تماما
ركبت العربية ومشيت قطعت اول 2 كم في 55 دقيقة بسبب زحة الخروج من المدينة
ثم سفر على سرعة بين 90 و 140 لمسافة 65 كم
ثم سير لمسافة 5 كم على سرعة 20 إلى 25
ثم العودة بنفس الطريقة مع زيادة السرعة إلى 160 في طريق السفر
وآخر 2 كم أخدو 18 دقيقة
وأنا رايح التكييف شغال طول الطريق
وانا راجع بدون تكييف والاربع شبابك مفتوحين للآخر
فولت تاني لآخر التانك 16 لتر
بالنسبة للأسبيراتيرهوا على استقامة عمود الكامة وله وضعية واحدة للتركيب وظبطت الشرارة على الزمبة بتاع ظبط التقسيمة

**samaty** · 19-04-2014 09:39 AM

إن شاء الله يو الاتنين همشي تاني نفس المشوار
هفول من البنزينة اللي على الطريق
وأحسب الاستهلاك من غير الزحمة

**samaty** · 23-04-2014 11:14 AM

المشاركة الأصلية كتبت بواسطة crazy car

موضوع رائع جدا وافكار مبتكرة
بس سؤال معلش بقى يعنى الكاربرتير والمانوفولد والعمة بتوع فورد اسكورت يا ريت تفصيل لانى ان شاء الله بفكر اعمل كده فعلا وفورد موديل كام بالظبط والف شكر

هتروح لأي حد بتاع قطع غيار فورد استيراد
هتجيب منه كاربيراتير فورد اسكورت 1600 بالعمة بالمانفولد ( هو الاسكورت ال 1600 كانت من 1996 لحد 1999 وهي نفس الموتور) وهتجيب طرمبة بنزين خارجية أي نوع
هتجيب اسبيراتير اسكورت أو اسبيراتير بيجو 504 وهتجيب موبينة يباني استيراد
هتحل المانفولد بتاعك وتركب الجديد بحاجته وخد بالك الكربيراتير مالوش راجع بنزين
هتركب طرمبة البنزين على الخرطوم اللي جاي من التانك وتقفل خرطوم الراجع
هتلغي طرمبة البنزين اللي في التانك ( هترفع فرش الشنطة هتلاقي السلك بتاعها)
هتحل موبينة الكهرباء الالكترونية وهتلاقي تحتها طبة بلاستيك هتشيلها
لو هتركب اسبيراتير الفورد هيركب مباشرة
بالنسبة ليا ما لقيتش أسبيراتير فورد نظيف ومفيش عندنا في المنصورة كلها أي قطع غيار لفورد
فجبت اسبيراتير 504 جديد وقاعدة أسبيراتير 128 وركبتها مكان القاعدة اللي عندي وركبت الاسبيراتير ولما ضايقني بسبب الابلاتين جبت اسبيراتير شاهين وركبته بعد ما ركبتله عمود الاسبيراتير البيجو 504
بالنسبة ليك ممكن تجيب أسبيراتير شاهين الكتروني مباشرة وتشوف أي أسبيراتير بيجو 504 قديم أو تالف تاخد العمود بتاعه ( بس غير الشاكوش بواحد تركي لإن الشاكوش اللي فيه صيني ولدع من بعد أسبوع من التركيب بس كنت ماشي على 175 كم فمش عارف عمره قصير ولا ما بستحملش الأداء العالي بس الشاكوش التركي معايا ماشي زي الفل وبجري بالعربية بدون مشاكل وعامة جبت الشاكوش التركي من محل في الأرياف ب 15 جنيه)
أتمنى ان أكون قد افدتك
أسالك الدعاء لابنتي رقية بالشفاء