أرحموا أصحاب السيارات يرحمكم الله (منقول)

**besso** · 17-04-2014 10:35 PM

المشاركة الأصلية كتبت بواسطة zeco

والله يفندم انت راجل محترم وردك محترم وبناء بس للاسف احنا معندناش جميع المعلومات لان بعض المعلومات تحوم في اطار من السرية وفعلا الدوله لازم تاخد مقترحات وافكار من الشعب يريت البرلمان يشتغل بجد ساعتها هنبقى دوله عظمى

انا شاكر جدا لذوق حضرتك
وللاسف احنا عيبا اننا بفكر بعقليه قديمه او طريقه قديمه

ربنا يصلح الحال

**M R. Z E C O** · 17-04-2014 10:38 PM

امين يارب

**Ahmed_selmy** · 17-04-2014 11:25 PM

والله انا واحد من الناس اللى مستعد لللغاء الدعم وفى المقابل يلغوا جميع الضرايب اللى عليا والجمارك
ويكون الدعم مقصور على العاطلين ومحدودى الدخل (مثلا اللى دخلهم اقل من 2000 جنيه) و كبار السن (المعاشات ) و ذوى الاحتياجات الخاصه.
انما الدوله مش لاقيه فلوس ضيف على المواطن زود على المواطن....طيب هو المواطن حيجيب منين ....ما هو لازم حيمد ايده يسرق بقى يختلس او يرتشى ....وفى النهايه نقول فيه فساد
بالاضافه فين حساب دعم مصر اللى اتعمل....فين الفلوس اللى جايه من الدول العربيه؟؟؟؟

**paul_walker** · 18-04-2014 02:10 PM

شكلها هتبقى نقطة ومن اول السطر !!! -_-

**hhhhhm** · 28-04-2014 09:14 AM

المشاركة الأصلية كتبت بواسطة zeco

احنا بنحتسبوا في سبيل اللله لحد البلد متقف على رجليها

ربنا يجازيك ويجلزينا خير بأذن الله

**hhhhhm** · 28-04-2014 09:16 AM

المشاركة الأصلية كتبت بواسطة besso

بردو هانفضل دوله عايشه على الجبايه والضرائب (كارته من الاخر)

طول ما تفكيرنا متخلف كده مش هاتطلع خطوه واحده لقدام

يعنى هو ده فكر الحكومه مافيش طريقه تانى يسدوا بيها العجز غير برفع الاسعار ؟؟؟؟ طب وبالنسبه للمصانع اللى وقفت؟؟؟؟ واللى لسه هاتقف؟؟؟؟ طب هما مستعدين بقى للاسعار اللى هاتغلى على حس البنزين؟؟؟؟
طب فكروا يعملوا زى باقى دول العالم وينزلوا من اسعار السيارات؟؟؟؟؟ طب لغوا الدعم من المصانع كثيفه الاستهلاك اللى بتبيعلى بالسعر العالمى؟؟؟؟ طب ياترى عملوا خطه لمواجهه التكدس المرورى نتيجه ان ناس كتير هاتركن عربياتها بسبب الاسعار؟؟؟؟؟ طب فكروا فى تطوير منظومه النقل الجماعى ؟؟؟؟؟

الاجابه
جزر

طبعا بيتشطروا على المواطن لانه ساكت
العيب علينا

طول ما التفكير غبى هانفضل ورا

الله ينور على حضرتك وشكرا جزيلا على الرد

**hhhhhm** · 28-04-2014 09:17 AM

المشاركة الأصلية كتبت بواسطة dedi

وقانون المرور الجديد الذى غرامة النتظار صف تانى 2000 جنية او قطع الطريق او المعاكس تقريبا 5000 جنية غير الحبس وقانون الضرائب العقارية قريبا وارتفاع الكهرباء و البنزين قريبا
ممكن حد بيفهم و يفهمنى فلوس تحويلات المصريين فى الخارج و الغاز والبترول وقناة السويس ومناجم الذهب والضرايب العامة و المبيعات والعقارية والسياحة لما كانت موجودة وتصديرات المصانع الملوثة للبيئة والموجودة عندنا كل دة بيروح فين
الواحد خلاص طهق

والله عندك حق وشكرا جزيلا على الرد

**hhhhhm** · 28-04-2014 09:18 AM

المشاركة الأصلية كتبت بواسطة zeco

والله كلام حضرتك جميل ومفيش اتنين يختلفو علبه بس فعلا عيزين نغير فكرنا عشان نتقدم ايه بقى مقترحات حضرت مع الية التنفيذ

المقترحات كتير جدا والحلول كتير جدا بس مين يسمع يا أستاذ ذكى وشكرا جزيلا على الرد

**hhhhhm** · 28-04-2014 09:20 AM

المشاركة الأصلية كتبت بواسطة zeco

وانت زعلان من غرامة المعاكس دول بيشكلو خطر على حياتنا قبل ما يكون على حياتهم ولا السياحة المضروبة بالنار بسبب الاشاعات والعمليات الارهابية ولا شركات التنقيب البتتنطط علينا

كلامكحضرتك سليم بس لاحظ أن فى ناس راكبه عربيات تمنها 5000 جنيه يعنى ممكن فى مخالفه واحده يسيب العربيه للحكومه هههههههههههههههههههه الرحمه حلوه برده

**hhhhhm** · 28-04-2014 09:21 AM

المشاركة الأصلية كتبت بواسطة besso

مافيش حد فينا مختلف على ان البلد لازم تلغى موضوع الدعم العايم ده كلنا متفقين على كده
لكن الاسلوب هو اللى غلط كل الحكومات اللى فات بردو كانت بتفكر بنفس الطريقه
نرفع الاسعار ويولع المواطن

انت عايز توفر من فلوس الدعم اللى بتدفعها على البنزين
طب مش كان من باب اولى ان لما يطلع قرار زى ده اطلع قصاده قرارا بتخفيض جزء من الجمارك علشان اطمن الناس واخف من عليهم
وانك تستعد لتوفير مواصلات عامه محترمه علشان اسيب عربيتى واركب المواصلات واوفر للحكومه
وانك تستعد لتنظيم المرور بشكل افضل من كده بدل العشوائيه اللى عايشين فيها دى
كان المفروض تطلع للناس بخطه
تواجه بيها الازمه دى
عايز تدينى البنزين بسعر غير مدعم طب قلل من الجمارك
ياسيدى الغى الدعم من المصانع كثيفه الطاقه الاول يااما تخليه يبيبع بسعر قليل مش بسعر عالى

قول للناس ازاى هاتقدر تحكم سيطرتك على الاسعار وتمنعها من الارتفاع

ياسيدى ابسط شىء شوف الدول اللى حوالينا عملت ايه واعمل زيهم
مش قرارا فجائى كده وغير مدروس لا ومن ساعه مالحكومه جات وهى بتقول لا نيه لرفع الدعم او زياده الاسعار وفجاه تلاقى القرار نزل طب ازاى؟؟؟؟؟

ده معناه ان الحكومه ماعندهاش خطه اصلا

انا عندى فكره ياريت لو يفكروا فيها

دلوقتى عندنا مشكله فى الدعم بالنسبه للحكومه والجمارك بالنسبه للمواطن
طب ما انا ممكن احل المشكله دى
لو هانتكلم بالنسبه للوقود

قرار يطلع بتكهين السيارات مثلا ماقبل التمانينات بس يكون تفعيله بتاريخ قدام وليكن مثلا سنه او اتنين اىان كان بس قصاد كده تكون اسست لمصانع اعاده تدوير تكون مستعده انها تشترى من المواطن سيارته القديمه المهكعه دى خرده وقصاد كده تخفض من الجمارك بنفس المقدار اللى هاتعلى بيه سعر البنزين وتسيطر على الاسعار بانها تقل مش تزيد و لا الوكلاء يرفعوا اكتر

علشان انا لما اروح ابيع عربيتى القديمه يكون قدامى انى اشترى حاجه موديل حديث بسعر قريب منها

كده استفدنا من كل النواحى
ريحت المواطن وركبته عربيه نظيفه بسعر مناسب وكمان دفعته البنزين بسعره العالمى اول اقل شويه
حميت البيئه من الاضرارا الناجمه عن السيارات القدميه والتكنولوجيا العتيقه دى
وفرت من الاستهلاك الزائد من الوقود بسبب السيارات القديمه
انشئأت مصانع اعاده تدوير تحمى البيئه بردو
اسهمت فى تقويه الاقتصاد

فيه حاجه الكلام ده
انا مجبتش حاجه من عندى
العالم كله بيعمل كده

مش انا شوال فلوس عمال اشيل من جيبى وادى الحكومه
وبردو هى هاترجع تقوللى مافيش فلوس السنه اللى جايه

تقبل مرور ياباشا

ماشاء الله عليك هو ده الكلام الصح