الموضوع: أرجو من أهل العلم المساعده أعراض كثيرة و لا اعرف الاسباب

معايا اوبل فيكترا بي 2003 1600 سي سي منوال المكنه السودا المنصور المهم العربيه ماشاؤ الله عليها كانت زي الحلاوه و بعدين فجأه حسيتها كده بتطول في الدواره و حتى نغمة الدواره اختلفت و العربيه مبرجله و تحسها متلته و دخان اسود مصانع شديد من الشكمان ضعيفه جدا في السحب و خصوصا في المطالع و بعد المطبات المهم كشفت كمبيوتر قالي حساس كولنت و رشاش غيرت الرشاش و طلعت حساس الكولنت لقيته بوش نضفته و جيبت واحد جديد قمت قايس الاتنين بالافوميتر في الميه السخنه والبارده نفس القراءات تقريبا شغلت القديم و غيرت الرشاش بس العربيه ونضفت الايدل و الثروتل بدي اتظبطت بنسبه 70% يومين رجعت زي ما كانت بصيت في الحوض لقيت صوت تنفيس كده لقيت خرطوم الفاكيوم بتاع الماب مقطوع غيرته و من سعتها العربيه بتدور بصعوبه جدا و الار بي ام مش بيزيد عن ربع الواحد يعني فوق الزيرو بشويه و الموتور ميت ع الاخر و مش بيستجيب الدواسه اسف ع الاطاله بس اللي عنده معلومه يا ريت يفيدني و شكرا للاعضاء الكرام

لا غيرت رشاش استيراد بس بني و العربيه ايوه بتغيب في الدواره و في دخان اسود من الشكمان بس كل ده حاصل قبل ما اكتشف ان خرطوم الماب كان مقطوع لما غيرته زادت الطينه بله و مبقتش تستجيب للدعسه و الموتور تحسه ميت و الار بي ام فوق الزيرو بشويه