دا رأيي الشخصي برضه.
يا سيدي الفاضل أنت متعصب بسبب مشكلتك وأنا مقدر دا,
لكن خليني أوضح لك نقطتين.
أولاً: التوكيل فعلاً مالوش زنب في المشكلة اللي حصلت لك,, واللوم كله المفروض ترميه علي العامل اللي رفع البصمة,,
لأن حضرتك لو كنت واقف جمبه وشوفته حرك الخرطوم في أتجاه المروحة وبقي في طريقها المفروض لو مرجعهوش أنت ترجعه :original:
لأن فيه ناس كتيررررررر هنا مرخصة العربية في المنتدي ومحصلش الموقف دا معاهم,
يعني معني كدا أن اللي رفع البصمة رجع الخرطوم مكانه بعد ما أخد البصمة. :original:
وفيه ناس عاملة أكتر من 30 ألف كيلو لدلوقتي ومعندهاش أي مشكلة لا من الخرطوم ولا من المروحة يعني مش عيب صناعة. :original:
فأنت منتظر أعتذار علي أيه والمشكلة اللي حصلت معاك من الفني مش من بيجو,, !!
ثانياً: بالنسبة لموضوع أختبارات الأمان,اقتباس:
وفى الأخر ارجع و أقول, مش غريبه إن العربية مادخلتش إختبار الأمان الأوروبى, الله اعلم هاتاخد كام لو دخلت الإختبار, إحتمال ماتعديش زى العربيات الصينى.
فا الموضوع دا أتكلمنا فيه قبل كدا قبل ما تبدأ شك كتير وتفكير خاطئ بإن العربية معيوبة وعشان كدا مدخلتش أختبارات الأمان والكلام دا,
أنصحك تقرأ الموضوع دا عشان تعرف السبب في أنها مدخلتش أختبارات الأمان..
http://www.nilemotors.net/Nile/39648...post3875345551
ودا
http://www.nilemotors.net/Nile/39648...post3875345887
وممكن تقرا الكلام في دا,
http://www.nilemotors.net/Nile/397602-301.html
وبعدين تشوف الموضوع دا عشان تعرف البيجو 301 لما بتعمل حادثة موت صاحبها بيخرج منها ماشي علي رجليه أزاي والأمان عالي,
http://www.nilemotors.net/Nile/403785-301.htm
فاتعليقاً علي شكك بأن البيجو ممكن متعديش الأختار زي العربيات الصيني أنها ممكن متعديش الأختبارات أنت شفت الصور بنفسك..
يعني مهياش زي الصيني والكوري اللي بينزل فيها عربيات كتير من غير ABS ولا EBD ولا أيموبلايزر ولا أير باج,
أو أير باج واحدة والتانية أكسسوار في الهاي لاين فقط.
يعني بيجو مقصرتش لما نزلت عربية بالسعر دا, وبالأمان دا والثبات دا بالسعر دا. :original:
العربيات الكوري اللي بتعمل حادثة دي بتتقسم نصين أو بتدغدغ اللي في الكابينة,
http://www.nilemotors.net/Nile/361024-a.html
http://www.nilemotors.net/Nile/22995...post3875322175
أسعار قطع غيار الكوري بالمرة, اللي بينزل من غير 2 أيرباج إلا في الهاي لاين, ولا ABS+EBD إلا في الهاي لاين.
علي عكس البيجو اللي بتنزل 2 أير باج و ABS+EBD في كل الفئات.
http://www.nilemotors.net/Nile/376192-2013.html
راجع كلامك وشوف الفرق بنفسك.
المنتج متوافق مع بيئة العمل. :original:
بدليل إن فيه ملاك 301 كتير رخصو ومشيو بالعربية ومنهم اللي عدي 30 ألف من غير ما يقابل المشكلة دي.
ومنهم اللي بيقرا كلامنها دا دلوقتي ومحصلتلوش لأنه كان معاه عامل بيرفع البصمة عنده ضمير وكان واقف علي أيديه.
يعني القطع اللي حصل عندك بسبب أيد لعبت في مكان الخرطوم ومرجعتهوش مكانه, ولو كان العامل رجعه مكانه زي ما حصل مع باقي الأعضاء المحترمين مكنتش حصلت مشكلتك..
والحوادث حاجة تانية, ومحدش بيرمي اللوم علي صاحب العربية ومتدخلش الحوادث في الموضوع لأنها ملهاش علاقة بموضوع المروحة.
دي حاجة, ودي حاجة.
وربنا يستر طريقك وطريقنا كلنا.
طالما إن حضرتك بتتكلم عن الضمير, يبقى من باب اولى إن شركة بيجو يكون عندها ضمير و تنبه على العملاء الجدد من خلال مواقع التواصل الإجتماعى و منافذ التوزيع المعتمدة لما تبقى فى مشكلة متكررة زى قطع خرطوم مية الردياتير. أول حاجة قالهالى المهندس من شركة بيجو لما اتصلت بيهم و قولتله على المشكلة, قالى "إنت رخصت العربية؟"
الحاجة التانية بالنسب لموضوع إختبارات الأمان:
انا ماقلتش إنها مش امان, لكن المؤكد إن العربية مادخلتش إختبار الأمان الاوروبى و ماينفعش إن حضرتك تقول إنها امان بناءً على إفتراضات و مقارنات و إن واحد عامل حادثه "وربنا سترها" ولو حضرتك مش مقتنع باللى انا بقوله, إتفضل أقرأ التعليقات الموجوده تحت الفيديو على اليوتيوب: https://www.youtube.com/watch?v=sLjZn5wt6xI
إجمالاً و فى الأخر, لأ فى عيب فى تصميم الإطار الخارجى لمروحة الردياتير, و ماينفعش تقول ماهو فى ناس كتيرة رخصت و الفنى رجع الخرطوم و المفروض إن انا و الناس اللى وقعوا فى نفس المشكلة كان لازم ناخد بالنا, المفروض إن الشركة يا سيدى الفاضل تنبه على المشترين, المفروض إن الشركة تشطف الحد البارز القاطع للبلاستيك المحيط بالمروحة و سبب القطع.
انا مابدخلش الحوادث فى بعضها و لا حاجه, الإستاذ مارو اللى وقع فى نفس المشكلة قبلى بـ 3 شهور العربية طلعت دخان وهو ماشى بالعربية, لو الراجل ده ارتبك لما يلاقى محرك عربيته بيطلع دخان و هو على طريق سريع و فرمل, ممكن يعمل حادثه, لكن الحمد الله ربنا بيسترها.
لكن مش هانفضل نقول معلش و ربنا بيسترها و نبرر للشركات - مش معنى كده إنى لا قدر الله بتهمك بالتبرير, دى وجهات نظر - لغاية ماتقع مصيبه و نقول ياريت ضغطنا على الشركة إنها تنبه على العملاء من خلال المواقع و التليفون, وإنها تشوف حل للموضوع ده فى الإنتاج القادم.
ياسيدي أنا مش بقول أنك بتتهمني بالتبرير وأنا بقولك وجهة نظري زي ما وضحت لك.
وأنت ليك تتقبلها أو لأ. :original:
أنت بتقول
يعني هما في التوكيل بقي عندهم علم إن فيه ناس كتير وقعت بالمشكلة دي بعد الترخيص,,اقتباس:
أول حاجة قالهالى المهندس من شركة بيجو لما اتصلت بيهم و قولتله على المشكلة, قالى "إنت رخصت العربية؟"
بسبب أيد ناس معندهاش ضمير بتحرك الخرطوم من مكانه ومش بيرجعه لمكانه الطبيعي ودي عربية زيرو, يعني لو عنده ضمير المفروض يرجع الحاجة مكانها.
والخطوة القادمة إنهم يأما يعدلو دا في الموديل الجاي,, يا أما يحذرو العملاء سواء شفوي أو بأستيكر.
لكن في الوقت الحالي مش كل الناس حصلها دا,,
يعني سبب المشكلة أيد العامل المهمل اللي بيرفع البصمة مش التوكيل ولا شركة بيجو. :original:
وبالنسبة لموضوع أختبارات الأمان أما مش بفترض إن العربية أمان بناء علي صور حوادث ولا مقارنات,
أنت قلت وتسألت أنها مدخلتش الأختبارات ليه, وبدأت تشك شك مش في محله بإن فيه سبب لكدا,,
فوضحت لك السبب أنها مش موجهة للسوق الغربي اللي بيتعمل له أختبارات,,
وإن فيه عربيات أغلي منها بكتيرررر ومدخلتش أختبارات الأمان برضه. :original:
و انا - و اى عميل - مابنطلبش اكتر من كده, إن الشركة تنبه على الناس عند الشراء إنهم يخدوا بالهم و يراقبوا فنى الترخيص, وفى الإصدار القادم إن شاء الله يعملوا التعديل اللازم.
وعشان نفسى ليها حق عندى, فانا ملزم إنى اقول إنى لا مستنى إعتذار من الشركة (بناءً على تصميم الإطار الخارجى للمروحة و بناءً على عدم التنبيه على العملاء حتى الأن) و لا مستنى يغطوا تكاليف الإصلاح, لكن حق الناس عليا إنى لما اشوف خطأ إنى ألفت النظر ليه عشان ماحدش يقع فى نفس الخطأ, و الله اعلى واعلم النتيجة ساعتها ممكن تكون إيه.
فى نقطه مهمة لازم أذكرها, صحيح إن وجود الإيرباجز و نظم الفرامل abs + ebd بيضيف نقط إيجابية عند اختبار عوامل الأمان, لكن فى حاجات كتير ممكن تأثر على امان الركاب بما فيها تصميم الكراسى اللى جوه العربية.
حاجه اخيره, انا باشكرك جداً على حسن تفهمك لتعليقى على ردودك و إنك ما اخدتهاش على إنى باتهمك - لا قدر الله - بالتبرير لصالح الشركة, و إنك مقدر إن ده نقاش جماعى مفتوح للجميع لإبداء الرأى و الرأى الأخر من خلال الأدلة و التجارب الشخصية, و أتمنى إننا دائماً نكون كده فى مناقشتنا للوصول للأفضل و الأحسن.
ياباشا أنت راجل محترم, بأنك لما أكتشفك حاجة ممكن تكون سبب في مشكلة وحصلت معاك تنبه بيها غيرك عشان متحصلش معاه.
أنت ليك كل الشكر علي دا, وربنا يجعل دا في ميزان حسناتك.:tumb:
وإن شاء الله الموضوع دا ميتكررش مع حد تاني, ويبقي عمال رفع البصمة عندهم ضمير مع كل الناس,,
والشركة تعدل التصميم في الموديل الجديد أو يتم التنبيه علي الناس لحد ما يتعدل الموضوع دا.
وياباشا متشكرنيش علي حاجة,, أنا مجاش في بالي خالص موضوع الأتهام بالتبرير والكلام دا, :original:
أحنا زي مانت قلت بنتناقش عشان كل واحد يقول وجه نظره, ونوصل أفكارنا لبعض عشان نوصل للأفضل. :tumb:
تحياتي ليك.
و الله أنا خايف مشكلة التيل و البوجيهات تخلص على إستيكر برضه
و لما التيل يخلص على 10 آلاف زي مبيحصل ..التوكيل يقولي إحنا لازقين إستيكر بيقول إن التيل بيخلص على 10 آلاف :36_2_49[1]: