الموضوع: بالفيديو: خرطوم مية الردياتير المقطوع فى البيجو 301 (نتيجة سوء تصميم مروحة الردياتير)

المشاركة الأصلية كتبت بواسطة ahmed amin

أحنا معانا واحد هنا حصل له نفس مشكلتك,
والعربية أتنقلت لتوكيل بيجو بدون أي مصاريف.
وأتغير له الخرطوم بدون أي مصاريف, وحتي أتغريت له الميه من غير أي تكلفة.

طبعاً التصميم ناس كتير حذرت منه زي ما حضرتك عملت بردودك القديمة, وتشكر علي تحذيرك.
لكن برضه المفروض لما الفني يحرك الخرطوم عشان ياخد البصمة يرجعه زي ماكان والتوكيل مش ملزم أنه يغيرلك الحاجة دي في الضمان لأن مش عيب تصميم بمعني ان الخرطوم بيتقطع لوحده بالأستخدام الشخصي ليك بالعربية.
دا عيب ناتج عن تحريك حاجة من مكانها الطبيعي لمكان أخر, بغض النظر عن الحماية بتاعتها وإن شاء الله دا يتعدل في الموديلات الجاية وكل الناس اللي بتحذر من الموضوع دا عشان الجديد ميقعتش فيه مشكورين علي تنبيهاتهم.

كان ممكن تحاول توصل لدفع نص التكلفة مع التوكيل او متدفعش زي ما حصل قبل كدا مع زميل لينا هنا.
زياريت لو ترفق لنا الفاتورة اللي دفعت بيها المبالغ دي أحب أخد فكرة عنها.

لا شكر على واجب, لكن طبعاً ده عيب فى التصميم و هما ملزمين بتغييره بالكامل على حسابهم و مع تقديم الإعتذار كمان, مافيش حاجه إسمها إن تم إزاحة الخرطوم من مكانه يبقى مش مسؤليتهم, لأ مسؤليتهم بالكامل, وإن شاء الله نشوف راى بيجو فرنسا إيه لما احط الفيديو على صفحتهم قدام المستخدمين بتوعهم, لما يتحط إطار عامل زى الشفرة حوالين المروحة ويتسبب فى قطع الخرطوم.

وفى الأخر ارجع و أقول, مش غريبه إن العربية مادخلتش إختبار الأمان الأوروبى, الله اعلم هاتاخد كام لو دخلت الإختبار, إحتمال ماتعديش زى العربيات الصينى.

الحمد لله مشكلتى مش فى دفع فلوس التصليح, انا جايبها اوفر برايس عشان استلمها فى يومها, لكن بما إن الخطأ من عند الشركة فى تصميم إطار المروحة وعدم تنبيها على العملاء لغاية دلوقتى, تبقى الشركة مسؤلة عن تصليحها مع تقديم الإعتذار, لكن طبعاً إحنا فى مصر, الف مبروك عليكم وإلى الأمام دائماً. تحياتى

حاجة اخيرة للناس اللى مش عارفها, عيب التصميم هو إن المنتج يكون غير متوافق مع بيئة العمل, بما إن فى مصر بيتم أخذ بصمة الماتور - على عكس الدول المتقدمة - يبقى انا لازم كمصمم احط فى إعتبارى ازاى الفنى هاياخد البصمة, فغالباً هايقوم بإزاحة الخرطوم وده ممكن يتسبب فى قطعه بسبب الطرف الحاد لإطار المروحة, وممكن قدام واحد تانى يحصله حادثه على الطريق لما المحرك يولع قدامه, ساعتها بقى إبقوا إرموا اللوم على صاحب العربية.

المشاركة الأصلية كتبت بواسطة rotanamasoud

العقل والمنطق بيقول ان طول ما الخرطوم فى مكانه الصحيح لا توجد مشاكل واذا تحرك تحدث المشاكل اذا ده مش عيب صناعه

زى ماهما فى بعض دول إوروبا بيضيفوا نظام الـ esp مراعاة لبيئة العمل اللى فيها ثلج, وزى ماهاتلاقى التكييف اللى بينزل فى الخليج اكثر قوة عشان يتوافق مع بيئة العمل, يبقى انا لازم اراعى بيئة العمل المصرية, إلا إذا كان التعامل مع المصريين بيتم من منطلق إنهم عالم بيئة.

حاجة إخيرة, لما نعمل العقل و المنطق, يبقى إيه لازمة الصفارة اللى بتنبه لتركيب حزام الأمان؟ هو السواق مش عارف إيه اهمية حزام الأمان؟!! يا ساده فى مبدأ مصرى معروف فى السواقه "حاسب من خطأ غيرك", يبقى انا لازم احاسب من خطأ فنى البصمة و خصوصاً لما يكون وصل علم للشركة بالمشكلة دى قبل كده و الشركة مش مكلفه نفسها تنبه على الناس بأى طريقه.