الموضوع: سؤال بخصوص كهرباء التكييف

المشاركة الأصلية كتبت بواسطة exact

ولو اني زعلان من أستاذ zarif بس ما ينفعش ما اردش

زعلان منى انا
خير ياباشا
دانا عمرى ما اتاخرت على حد فى القسم
......
خير؟؟؟؟؟؟؟؟؟؟؟

زي مرد اخونا دي فيشة مقاومات تحديد سرعة مروحة البلاور بتاعة التكييف واسف علي التاخير في الرد لسه شايف الموضوع حالاً

المشاركة الأصلية كتبت بواسطة m.elgergawy

عندي مكنش راكب سير تكييف واول مركبته بسمع صوت كده على فترات كأن واحد بيسن سكينه ده صوت إيه ؟

السير عندك عايز يتشد
لو معاك مفتاح 12 و 17 قولى وانا ارفع لك صورة تشدة ازاى

او روح لاى بلية فى اى ورشة يشدة

المشاركة الأصلية كتبت بواسطة lutenit030

انا الحمدلله النهارده خلصت التركيب
التسقيع و انا على سرعه واحد كنت تقريبا سقعان بس انتوا عارفين الجو اصلا مش حر لسه بقى مش عارف
و وصلته على الكنترول و كان عندى ملحوظتين كنت عايز اجابه عليهم بعد اذنكم

1 - انا شغلت التكييف و نزلت بره العربيه و فتحت الكبوت مستنى اشوف الكمبريسور بيفصل و يشغل بعد زمن قد ايه المهم استنيت حوالى 3 دقايل مفصلش خالص متابعتش بقى اشوفه حيفصل ولا لأ عشان كنت مستعجل
ايه ملاحتكم فى الحكايه ديه؟ حد اخد باله من زمن تشغيل و فصل الكمريسور؟؟

2- لما بشغل التكييف و ال rpm بيبقى مثلا تحت الواحد بسنه بسيطه على السلانسيه الاقية نزل سنه كمان رغم ان شفت فى عربيه شيفروليه لانوس اول ما التكييف اشتغل ال rpm رفع لحد الواحد

اولا الف مبروك على التركيب
وعايز اعرف انت اللى وصلت ولا الكهربائى هوة اللى وصل

اجابة السؤال الاول : لو فية ترموستات يبقى التكييف هيفصل لكن لو مفيش هيفضل شغال علطول(غالبية الانوس كدة)

موضوع انك تسقع من الاولانى دة مجرد ايحاء نفسى لما تحط ايدك على فتحات التكييف لكن مفيش حد فى مصر بيسقع على الاولانى فى التكييف الانوس غير بالليل بس ولما يكون الجو الخارجى لطيف كمان ومساعد

عايز تعرف كفاءة التكييف شغلة بالنهار فى عز الحر على اقصى سرعتة وشوف ساعتها هيبقى احساسك اية