الشكل مهم فى الزواج لدرجة ايه؟

**mmohamed15** · 10-05-2014 05:57 PM

المشاركة الأصلية كتبت بواسطة qkash.com

اهم حاجة بعد التدين والادب والاخلاق
الروح السمحة الطيبة (حلاوة روحها) سيبك من جمال الشكل فيه حلول كتير لمشاكل الشكل

لازم تكون زوجتك طيبة وبالها طويل تستحملك وتتقبللك في كل تصرفاتك وصفاتك وطباعك...وابعد عن العصبية النكدية والزنانة

وعشان تبقي فاهم كلهم بيبانوا غير حقيقتهم فترة الارتباط والخطوبة تلاقيها حنونة وطيبة وبتسمع الكلام وتزعل لزعلك وتفرح لفرحك لكن بعد الجواز هتلاقي شخصية تانية خالص نكدية وكئيبة وتحب المشاكل ومعترضة دائماً علي كل شيء ومهما تعمل وتجيب وتصرف وتقيد صوابعك شمع ....في لحظة الغضب علي اتفه الامور هتقولك وهو انت بتعمل ايه؟؟؟؟ ولا حـــــــــــــــــاجة ......ناكرات لكل طيب وجميل

ومش هتفتكرلك الا السيء فاكر لما قولت فاكر لم عملت فاكر لما بصيت علي.....فاكر لما شاورت بايدك ..انت مجبتليش اي حاجة انا طلبتها منك

مش هتفتكرلك خير ابداً

اعانك الله

هههههههه حلو اوي الكلام بتاعك بس انت كده حطيت ايدك علي البلف علي رأي الرجل العناب انه كله بيبان علي حفيقته و شخصيته بتنكشف بعد الجواز و هو ده محور حديثنا انك تجبر نفسك علي واحده شكلها مش متقبله علشان بيقولي عليها عشريه و طيبه و حنينه و مش عارف ايه و بعد الجواز تبان علي اصلها و تاخد انت اكبر مقلب يعني لا شكل حلو و لا شخصيه كويسه و يبقي لبستها للأبد

**a raafat** · 10-05-2014 09:01 PM

ممممم مش عارف أقول ايه انا وضحت قبل كده فى اكتر من موضوع انى ضد جواز الصالونات ده خالص
بس سؤال هوه الناس اللى بتدخل بيوت الناس وتروح تشوف بنتهم ومتعجبهمش وبعدين يمشوا ويسيبوها بتعرفوا تناموا ؟ ضميركوا بيبقى مرتاح ؟ يعنى انا عن نفسى صعب عليا ادخل بيت ناس واشوف بنت واحس انها فرحانه بيا لكن هيا متعجبنيش وامشى واسيبها كده أكيد البنت هتتجرح وهتحس انها وحشه ومش مطلوبه
نفس احساس الراجل يعنى انا لو أتقدمت لواحده ورفضتنى هتضايق جدا وممكن أشيل أكره الجواز أصلا فنفس الفكره للبنت اكيد كون انها تبقى مرفوضه دى مش حاجه سهله عليها
مش عارف بقى هل انا اللى طيب زياده ومكبر المسائل ولا ايه بس يصعب عليا أكسر بخاطر واحده ولو أطرتنى الظروف أتجوز صالونات "لقدر الله " هحاول قدر الامكان مدخلش البيت غير لما أكون شوفت البنت ومتأكد انها عجبانى أنشاله حتى أقعد أسبوع أراقبها ههههههه

**qkash.com** · 10-05-2014 09:43 PM

المشاركة الأصلية كتبت بواسطة a raafat

ممممم مش عارف أقول ايه انا وضحت قبل كده فى اكتر من موضوع انى ضد جواز الصالونات ده خالص
بس سؤال هوه الناس اللى بتدخل بيوت الناس وتروح تشوف بنتهم ومتعجبهمش وبعدين يمشوا ويسيبوها بتعرفوا تناموا ؟ ضميركوا بيبقى مرتاح ؟ يعنى انا عن نفسى صعب عليا ادخل بيت ناس واشوف بنت واحس انها فرحانه بيا لكن هيا متعجبنيش وامشى واسيبها كده أكيد البنت هتتجرح وهتحس انها وحشه ومش مطلوبه
نفس احساس الراجل يعنى انا لو أتقدمت لواحده ورفضتنى هتضايق جدا وممكن أشيل أكره الجواز أصلا فنفس الفكره للبنت اكيد كون انها تبقى مرفوضه دى مش حاجه سهله عليها
مش عارف بقى هل انا اللى طيب زياده ومكبر المسائل ولا ايه بس يصعب عليا أكسر بخاطر واحده ولو أطرتنى الظروف أتجوز صالونات "لقدر الله " هحاول قدر الامكان مدخلش البيت غير لما أكون شوفت البنت ومتأكد انها عجبانى أنشاله حتى أقعد أسبوع أراقبها ههههههه

ياعم انت اللي طيب وحساس وابن ناس

لا الاهالي ولا البنات بقي يفرق معاهم الكلام ده...زي ماهو بيشوف كذا واحدة هي برده بتشوف كذا واحد وبيرفضوا شباب كتير والموضوع بقي عادي ومتداول جداً بين اسر كتير وشباب وبنات كتير

المشاعر والاحاسيس والزوق والخجل والمثالية كل ده مبقاش موجود...دلوقتي المصلحة بتحكم
بالنسبة للراجل لازم تبقي حلوة ومتربية وشيك وسمباتيك وتعليم عالي ومن عيلة محترمة...
وبالنسبة للبنت طبعاً لازم يكون مؤهل عالي ومرتبه كبير وشقة بتشطيبات الترا لوكس وعفش هاي ستايل وعربية وعيشة مرتاحة وفسح ورحلات وشهر عسل في اوروبا

**ahmed1981** · 11-05-2014 12:37 AM

المشاركة الأصلية كتبت بواسطة a raafat

ممممم مش عارف أقول ايه انا وضحت قبل كده فى اكتر من موضوع انى ضد جواز الصالونات ده خالص
بس سؤال هوه الناس اللى بتدخل بيوت الناس وتروح تشوف بنتهم ومتعجبهمش وبعدين يمشوا ويسيبوها بتعرفوا تناموا ؟ ضميركوا بيبقى مرتاح ؟ يعنى انا عن نفسى صعب عليا ادخل بيت ناس واشوف بنت واحس انها فرحانه بيا لكن هيا متعجبنيش وامشى واسيبها كده أكيد البنت هتتجرح وهتحس انها وحشه ومش مطلوبه
نفس احساس الراجل يعنى انا لو أتقدمت لواحده ورفضتنى هتضايق جدا وممكن أشيل أكره الجواز أصلا فنفس الفكره للبنت اكيد كون انها تبقى مرفوضه دى مش حاجه سهله عليها
مش عارف بقى هل انا اللى طيب زياده ومكبر المسائل ولا ايه بس يصعب عليا أكسر بخاطر واحده ولو أطرتنى الظروف أتجوز صالونات "لقدر الله " هحاول قدر الامكان مدخلش البيت غير لما أكون شوفت البنت ومتأكد انها عجبانى أنشاله حتى أقعد أسبوع أراقبها ههههههه

كلامك سليم جداً

النقطة دي مهمة ومن صميم الإسلام

الصح إن الواحد يحاول يشوف البنت اللي بيفكر يخطبها قبل ما يروح

يتصرف بأي طريقة

عشان ميجرحش البيت على الفاضي ويدخل ومتعجبوش
ويبقى قاعد محرج لأن الموضوع يعتبر منتهي

ويروح بيته ويبقى محتار يعتذر عن الموضوع بأي حجة

البنت طبعاً بتتضايق وبيأثر عليها نفسياً جداً

حاول بشتى الطرق تشوفها قبل ما تروح

موضوع الذهاب للبيت عشان تشوفها في الزيارة الأولى ده أخر حل وأسوأ حل
لكن احياناً بيضطر الناس ليه

-

**ahmed1981** · 11-05-2014 12:41 AM

ياما ناس إتجوزوا ملكات جمال
لكن سوء الخلق طلقهم بدري بدري
وعرفوا إنه مينفعش يبقى الأساس الوحيد اللي يبني بيت

ـ

**mmohamed15** · 11-05-2014 01:17 AM

المشاركة الأصلية كتبت بواسطة ahmed1981

ياما ناس إتجوزوا ملكات جمال
لكن سوء الخلق طلقهم بدري بدري
وعرفوا إنه مينفعش يبقى الأساس الوحيد اللي يبني بيت

ـ

يا باشا محدش قال ملكات جمال بس برضه انت مش بتشوف اللي بيتعرض علي الشباب شكلهم عامل ازاي بنات فعلا تحس ا ن فرصها في الجواز قليله قوي قوي نتيجه انت الشكل فيه حاجه تخليك متقبلهوش
طبعا دي خلقه ربنا و مش بنتعرض و لا بنتريق عليها بس برضه مينفعش ترتبط بوجده لما تبص في وشها تحس ان في حاجه مضيقاك و مش عارف تبصلها و ترتاح
مقولناش عايزين ملكه جمال العالم بس الرسول قالك و اذا نظر اليها اسرته مش و اذا نظر اليها رأئها نفرته
و لا ايه رأيك

**ahmed1981** · 11-05-2014 02:52 AM

المشاركة الأصلية كتبت بواسطة mmohamed15

مقولناش عايزين ملكه جمال العالم بس الرسول قالك و اذا نظر اليها اسرته مش و اذا نظر اليها رأئها نفرته
و لا ايه رأيك

سواء الراجل أو الست
لازم تاخد الشكل اللي تقتنع بيه ومتقبله
كلنا متفقين على النقطة دي

لكن البحث صعب ربنا يعينك

مرة قابلت واحد كان بيدور على عروسة بقاله خمس سنوات
عرفت منه إن السبب إنه مش لاقي الشكل واللون الأبيض اللي يعجبه
طبعاً لف على بيوت لا تعد ولا تحصى

في مرة من المرات كان بيكلم واحد على أخته
فبيقله أخت حضرتك بيضا
قاله أيوه
قاله بيضا بيضا يعني
قام التاني إتنرفز وقام قافل معاه

أنا شخصياً لما حكالي قلتله خمس سنين !!!!!!!!!!!
مستحيل تكون المشكلة عند كل البيوت اللي دخلتها
أكيد إنت عندك مشكلة

ـ

**DODGE2013** · 11-05-2014 07:29 AM

ربنا يوفقك ومش بالشكل ممكن يكون شكلها مقبول بس مكنه هههههههههههه

زي العربيات الامريكان ماسيلز شكله بيبقى مش جامد بس مكنه جبااااااااااااااااااره 8 سلندر تبسطك على الاخر هههه

**Medicalist** · 11-05-2014 08:06 AM

بص يا كبير من الاخر لو لقيت بنت سوريه متدينه وجميله فى البلد الخليجى الى انت فيه يبقى ربنا بيحبك
البنت السوريه اجمل بنت فى العالم مش شكلا بس لكن المتدينين منهم عارفين ربنا كويس جداا وخلقا وصوتها واطى و بتعرف ازاى ترضى جوزها
النوع ده هتلاقيه موجود فى عيله يعنى واحده مع والدها ووالدتها فى الغربه عندهم مفيش حاجه اسمها الراجل يسافر ويسيب عياله وكمان هم من النوع الى عايشين يومهم و بيحبوا اللبس والاكل جدااا
وفى الاخر صلى صلاه استخاره وربنا يوفقك لبنت الحلال الى تستاهلها وترضيك

**aldesha989** · 11-05-2014 10:47 AM

والله موضوع الشكل ده نسب
اه الاخلاق مهمه طبعآ وفوق كل حاجه
بس اكيد الشكل برضه عامل مهم بس برضه مش هو كل حاجه
والاهم من المهم هو القبول
حتى لو ملكة جمال وانتا ماعندكش قبول مش هتعرف تعيش معاها مش شرط علشان حلوه يجيلك من نحيتها قبول والا وقتها هتبقى حبيت شكلها ما حبتهاش هى او اعجبت بالشكل او بالجسد مش بالروح وده اصعب
لان مع الوقت الشكل هيروح وهيتغير ومش هيفضل غير الجسد والروح حتى الجسد هيكرمش
وقتها هتبقى حبيت شهوتك مش البنى ادمه اللى هتعيش معاك
حاول فعلآ ما تدخلش بيت حد الا لما تقتنع انها هتعجبك لان فعلآ اكتر حاجه بتضايقنى لما اروح لحد واحس انه مش عاجبنى بتضايق اكتر علشان هحس انى ظلمتها لانها فرحانه مثلآ وانا اللى رفضت بس القبول والرفض دى حاجه بتاعت ربنا
وما ينفعش تأخد حاجه مش عجباك هتزعل على نفسك وعلى حياتك وهتحس احساس اكتر بالندم على سنين الغربه
حاول تأخدلك اجازه فتره كويسه تشوف فيها بنت الحلال اللى تريحك وتعجبك وتنجز فى الاجرائات ما تطولش فى حاجه توكل على الله على طول
وربنا يسعدك