الموضوع: لمبة الشبورة للفيس ليفت اتحرقت لثاني مرة

المشاركة الأصلية كتبت بواسطة yasser100

لما بخار الميه بيتكثف على الفانوس بيكون على شكل قطرات و بيعمل تبريد افضل من الهوا لانه سائل و الهوا غازات و السوائل افضل طبعا فى حالة التبادل الحرارى من الغاز Heat exchange, و بعدين علشان الهوا يبرد صح لازم تكون سايق على طرق سريعه لكن جوه البلد زى ما انت عارف طبعا خصوصا فى الصيف بس ما علينا هيه ملحوظه اتقالت لى من توكيل كبير , طيب يمكن فى كهربا زياده او غير مستقره فى الفوج ده ؟

بشكل عام اللمبة لا تسخن لهذه الدرجة ومن باب أولى عند تشغيل لمبات الفوانيس العادية الهالوجين يطبق عليها نفس القاعدة .... يوجد لمبات هالوجين شديدة الإضاءة وتعمل تحت أقصى ظروف المناخ الحار

أبسط مثال لمبة المنزل مثلاً أم 2 جنيه إلمسها كدا بعد ما تعمل ب 20 ثانية وإدعيلى .... وتبريد الهواء الساكن حولها كفيل بتبريدها ولا تنفجر ولا ينقطع فتيلها

وعلى فكرة لمبة الشبورة عادية ولتتأكد من كلامى قم بخلع لمبة فانوس الشبورة وقارنها بلمبة هالوجين أصلية osram night breaker plus مثلاً للنور الواطى كل منهم خارج الفوانيس ستجد أن ضوءهما متشابه

الفكرة هنا فى تصميم فانوس الشبورة الأصلى نفسه أمسك العدسة كدا بإيديك ستجدها سميكة ومصممة لتجميع وتركيز الضوء

لذلك سخونة الهالوجين شئ طبيعى سواء فى الفانوس الأساسى أو فانوس الشبورة ولا تسبب مشكلة لأن تبريد الهواء العادى كاف أياً ما كانت السيارة متوفقة أو تتحرك فما بالك بهواء فصل الشتاء الساقع ليلاً

وبخصوص نقطة تكثف بخار المياه وتحوله لقطرات على الفوانيس هذا بسبب كثرة نسبته فى الهواء الجوى .فهى تتكثف لأن فانوس الشبورة ساقع والبخار ساخن ...... وليس لسخونة فانوس الشبورة الشديدة ... وهذه القطرات تقلل من جودة الإضاءة وليست ميزة إضافية كتبريد وبعد ما يسخن فانوس الشبورة تقل هذه القطرات لأنها تتبخر لذلك فى بعض السيارات تجد مساحات مخصصة للفوانيس
حتى جسم السيارة نفسه تتكون عليه الشبورة لأنه أسقع من بخار الماء فى الهواء الجوى ومع طلوع الشمس تتحول لقطرات مياه وتتبخر
فالهواء الجوى نفسه بدون شبورة يكون أكثر برودة على الفانوس من بخار المياه المتكثف

ممكن أن يكون العيب إما بنوع اللمبة وحتى اللمبات الصينى تعيش أكثر من كدا .... أو عيب كهربائئ وهذا احتمال بعيد أيضاً السيارة لم يتم اللعب بها مسبقاً
أو قاعدة اللمبة نفسها غير مثبتة جيداً مع القاعدة الموصلة فتسبب شرز وبالتالى تلف اللمبة
أو مثل ما قال الباش مهندس هانى أن اللمبة غير مثبتة جيداً وتهتز مع المطبات وتصطدم بجدار الفانوس ومن ثم احتراق الفتيل مع السخونة والاهتزاز العنيف

المشاركة الأصلية كتبت بواسطة hany saad

ياسر باشا......

توكيل رينو محترم جداً جداً و ده من خبرة كبيرة معاه و مش بحط مسمار حتى بعد الضمان خارج التوكيل و ده لضمان أن القطع أصلية.....

العربية كاملة عليها 3 سنوات ضمان أو 100 ألف كيلو أيهما أقرب و لعلم حضرتك بعد ال 3 سنين كمان فيه حاجة أسمها good will
و هى أن لو ظهر مع حضرتك مشكلة معروفة عندهم بس ظهرت بعد أنتهاء الضمان بتصلحها على حسابك بس بخصم من 30-50%

الصاج و المساحات و كاوتش العربية و الكاوتش اللى فى العربية و المستهلكات زى الكشافات و ما شابه كل ده بره الضمان طالما عملت بيها كام ألف كيلو....
غير كده حضرتك مشمول بضمان كامل شامل لمدة 3 سنوات
لو شفت حضرتك ال technical file بتاع الميجان بتاعتى و الحاجات اللى كنت بغيرها لو سمعت همسة فيها مش هتصدق نفسك و ده اللى خلانى أستمتع بيها بعد الخروج من الضمان....

برجع و أقول تانى من أقوى أسباب شرائى للفلوانس هو توكيلها و خصوصاً عندى فى أسكندرية....

تحياتى

طمنتى , احسن منصور كان زفت , سورى

متشكر جدا لاهنمامكم ياجماعه
هي اللمبه هالوجين
انا فعلا مش بثق في الميكانيكيون
بس للاسف العبور مكانش عندهم وكنت مسافر
السؤال هو لو اشتكيت فرع الميكانيكيون للشكاوى ممكن يهتموا بشكوتي؟؟

كلمت ال call center انهارده وقدمت شكوى في الميكانيكيون. العرب
اتصل بعد نصف ساعه المهندس كريم من قسم الشكاوى وودني بحل المشكله من مكاني بشرم الشبخ كمان
يعني مش محتاج انزل القاهرة
ياريت يصدق