الموضوع: مشكله فى موتور اللانوس ومحتاج رأيكم ورأى خبراء الدايو

المشاركة الأصلية كتبت بواسطة misoalex

جورج حبيبى القسم منور بصحابه دايما :) عامل ايه ياعم

طب تفسيرك ايه انى لما حطيت زيت الشنبر التقيل اوى ده على الزيت اللمبه طفيت ؟؟؟

بص ساعه الزيت دى بقى حيرتنى لانى لقيت فى علبه كرتون مكتوب عليها gm ب 40 بس باين انها مش gm ولا يحزنون المهم قولت للراجل حاخدها اوريها للكهربائى لو قاللى اصلى حركبها مش اصلى حرجعهالك
الراجل اتنطط وقاللى لو طلعت بره المحل مليش دعوه هرشت انها مضروبه فعلا
المهم الساعه من جوه مفيش عليها اى كتابه او صناعه او اى حاجه
لفيت لقيت كل اللى موجود كده ولقيت واحد عنده نفس شكل الساعه بالظبط اللى فى العلبه بس قاللى دى من غير علبه وب 30
يعنى من الاخر تقريبا بيجيبوها ويحطوها فى علبه ويبيعوها (نفس الكلام كان بيحصل فى الفيات )

المهم انا لحد دلوقتى عندى شك فى الساعه برضه ولما جبت طلمبه زيت استعمال جبتها بالساعه الاصلى الفابريكه اللى راكبه فيها
بس للاسف مركبناش الطلمبه ومتأكدتش العيب فى الساعه والطلمبه ولالا

مش عارف بقى اجيب ساعه اصلى بجد منين

والله انت اللي منور القسم :d
بصراحة معرفش حد كويس في أسكندرية ... بس لو عايز تتأكد من غير لف ودوران ... أي حد تعرفه معاه دايو قوله هجرب من عندك الساعة بدل ما أغير موتور وبدلها معاه ... المفروض عنده تنور وعندك تطفي
لو طفت يبقي دور علي حد ثقة تجيب منه واحد gm
لو مطفتش ... روح غير الطلمبة
انما حوار زيت الشنبر ده صدفة

المشاركة الأصلية كتبت بواسطة misoalex

رحت عند وائل اللى فى الابراهيميه ملقتهوش لكن لقيت الاسطى اللى ماسك الورشه مكانه

روحتله وكانت لمبه الزيت مش منوره قولتله لةاخدت لفه بالعربيه ورجعتلك حتنور على السلانسيه

قاللى ده كده مكنه قولتله نعمممم قاللى اه حنطلع المكنه ونوديها لخراط ويشوف الكرنك والسبايك ويا نخرط يا نغير بس اعمل حسابك لو الشمايز مخروطه حتغير مكنه

مش قولتلكم كله على حساب الزبون ههههههههههه
ملحوظه هو كان بيكلمنى وشغال ف مرسيديس عيون عشان بس محدش يفكر انى بروح لناس اى كلام ههههههههههههههههههههه

في حد بيشتغل في مرسيدس هيصلح دايو !
ده بيقلب رزقه يا كبير :d

المشاركة الأصلية كتبت بواسطة eng.geo

والله انت اللي منور القسم :d
بصراحة معرفش حد كويس في أسكندرية ... بس لو عايز تتأكد من غير لف ودوران ... أي حد تعرفه معاه دايو قوله هجرب من عندك الساعة بدل ما أغير موتور وبدلها معاه ... المفروض عنده تنور وعندك تطفي
لو طفت يبقي دور علي حد ثقة تجيب منه واحد gm
لو مطفتش ... روح غير الطلمبة
انما حوار زيت الشنبر ده صدفة




في حد بيشتغل في مرسيدس هيصلح دايو !
ده بيقلب رزقه يا كبير :d

لا هو مشهور بالدايو حتى العقيدخالد اكدلى انه فاهم وواحد صاحبنا كمان كان معاهةنوبيرا دايخ بيها والتوكيل مصلحهاش وهو عملها

هو انا قصدى انه شغال فى الحجات العاليه حتى المرسيدس ومشهور انه عنده جهاز كشفىاعطال وكده

ساعه الزيت حدور على حد اعرفه معاه لانوس يرضى نجرب بيها
كلامك سليم لو بتاعتى اشتغلت عنده يبقى تمام

المشاركة الأصلية كتبت بواسطة lanos2004

من عند اى موزع منصور معتمد سعرها 55 جنيه
ساعه الزيت

والله لو اعرف ان سعرها كده كنت جبتها من عندهم ده الفرق ١٥ جنيه انا كنت فاكر انها اغلى من كده لانى لقيت عندهم حجات مبالغين فى سعرها
حجرب الفكره بتاعه جورج لو طلع العيب منها فعلا حجيبها من التوكيل

المشاركة الأصلية كتبت بواسطة أبومازن333

قطع غيار gm الأصلية موجودة عند محل أطلس في صلاح الدين ، وفي شارع جمال عبدالناصر قبل فيكتوريا علطول لأنه توكيل معتمد

انا اول مره اعرف انه موزع معتمد

بص هو فيه محلين فى فكتوريا واحد صغير والتانى كبير انا جبتها من المحل الصغير اللى هو يعتبر اخر محل قطع غيار على ايدك الشمال وانت رايح على فكتوريا ولقيت عنده اغلب حاجه الدايو والكورى مكتوب عليها جى ام

بص هو كان نس الموضوع عندى واضريت اعمل عمرة فى الشورت بلوك وكانت مشكلة سبكة وطرمبة زيت بس مانصحكش انك تعمل شبهى لانى حاليا الماتور بياكل وبيسرب زيت بالعبيط رغم ان العمرة كانت من 3 شهور بس احسنلك بيع العربية خالص وده اللى انا ناوى اعمله حاليا وخليك فى حاجة زيرو بس بلاش دايو ولا هايونداى ابعد عن شرق اسيا كلها عامتا ماعدا الباشا اليابانى