مشكله فى موتور اللانوس ومحتاج رأيكم ورأى خبراء الدايو

**lanos2004** · 24-04-2014 02:45 AM

شوف حساس الزيت بيشتغل على ضغط الزيت فى المكنه لو الضغط ضعيف هتنور ضغط شديد هتطفى
كونها تنور وتطفى دة بيقول ان فيه خلل عندك فى دورة تزييت الماتور

**misoalex** · 24-04-2014 02:47 AM

المشاركة الأصلية كتبت بواسطة amr elshamy

والله وانت بتحكى بجد فكرتنى بايام وليالي كنت بنام جنب الصنايعية
بص يا ريس انت زي ما قالك زميلي الفاضل انك زانق نفسك مع ميكانيكي واحد ما تجرب وتشوف واحد تاني ولو الحكايه فعلا هتتكلف انزل بورسعيد وهتلاقي الشورت بلوك ارخص من القاهره ولو محتاج اي مساعده انا معاك

شكرا يا باشا ربنا يخليك انا لو جيبت موتور من بورسعيد حسقطه هناك وكده العربيه لازم تروح هناك ومش حينفع اسافر بيها كده بس اكيد لو احتاجت حاجه حقولك :)
وانا بصراحه مخلى فكره تسقيط موتور اخر حاجه انا لسه جايب العربيه
وعاوز اقولك انا بقيت انام احلم بالعيب ده ههههههههههههههه

**misoalex** · 24-04-2014 02:50 AM

المشاركة الأصلية كتبت بواسطة lanos2004

شوف حساس الزيت بيشتغل على ضغط الزيت فى المكنه لو الضغط ضعيف هتنور ضغط شديد هتطفى

كونها تنور وتطفى دة بيقول ان فيه خلل عندك فى دورة تزييت الماتور

تماااام انا جه فى دماغى كمان ترس الزيت اللى بيشغل الطرمبه بس ده م حعرف اوصله او احدد العيب منه ولالا غير لما افك واجرب وكلام من ده
بصراحه عيب رزل جداااااا

**misoalex** · 24-04-2014 02:52 AM

المشاركة الأصلية كتبت بواسطة mohmmedzohier

ممكن تكون طرمبه الزيت بس دى تخلى مفيش زيت على عمود الكامه فوق وصوت التكيهات عالى او فى حل تانى اهبل ان اللمبه بتلمس اللى فى الطابلوه

لو سلكه او لمبه مكانتش طفيت لما حطيت زيت شنبر فى ساعتها

**misoalex** · 24-04-2014 02:53 AM

المشاركة الأصلية كتبت بواسطة starlanos

نفس القصة حصلت معايا وكنت فاكر المبة بتعلق لان المشكلة ظهرت بعد لما غيرت زيت وفلتر وكنت لسة شاري العربية والماتور رزع وغيرت ماتور كامل

ربنا يستر انا لسه جاييبها معندبش استعداد اغير مكنه

**lanos2004** · 24-04-2014 02:58 AM

ياباشا شورت بلوك 2000 جنيه او نص تحتانى 1200
الاسعار الى حضرتك كاتبها غريبه جدا

**misoalex** · 24-04-2014 03:30 AM

المشاركة الأصلية كتبت بواسطة lanos2004

ياباشا شورت بلوك 2000 جنيه او نص تحتانى 1200
الاسعار الى حضرتك كاتبها غريبه جدا

ياريييييييييت الكلام دلوقتى ان الاستيراد واقف المواتير غليت طبعا حجه وخلاص
مهو عشان كده اول ما قاللى عمره قولتله استوب ونزلت بصيت على الاسعار
مع العلم ان اسكندريه الحاجه فيها اغلى من القاهره

**Sameyes** · 24-04-2014 11:58 PM

بص حضرتك
أنا بقالي 5 شهور متظبط أحلى تظبيط من العربية وكتر فتي الصنايعية خربها أكتر لحد مجابت آخر الماتور، المهم تعددت العيوب والعلاج واحد وهو إنك تغير الماتور بس في هنا نقطة علشان أنا بعيش المرحلة دي دلوقت وهي إنك شوف الهلايل بتاعت الكرنك مكتوب عليها كام لأنه لو الكرنك إتخرط قبل كده أكتر من مرة تبقى غير شورت بلوك أو غير عامود الكرنك بواحد إستيراد وتجيب السبياك والهلايل أصلي جديدة وشكراً ده في حالت إن الجزء العلوي من الماتور سليم تبقي ليه تفتح على نفسك موال وإنت لسه شاري العربية. أو لو الكرنك لسه إستندر يعني متخرطش قبل كده تبقى إخرطه وهات سبايك وهلايل جديدة أصلي وشكراً برضوا وأنا عرفت من هنا إن سعر الكرنك إستيراد حوالي 400 جنيه والسبايك بالهلايل الجديدة جي إم أصلي حوالي 200 جنيه غير المصنعية اللي حوالي بكترها 150 جنيه.
أنا ماتوري طلع مخروط تلت مرات قبل كده وفي بوش في الكرنك والميه بتنقص وحالته إيه مقلوكش ومستني اشوف أعمل ايه.
وبرضوا شوف صنايعي تاني لأنه الراجل ده مش بيتقي ربنا لانه كدب عليك لما جه يفك الكرنك وقالك لازم نطلع الماتور ونفك من فوق وأي كلام.
ربنا يوفقك وخلينا نعرف الجديد عندك والحمدلله علي كده

**Amr Elshamy** · 26-04-2014 01:07 PM

المشاركة الأصلية كتبت بواسطة misoalex

شكرا يا باشا ربنا يخليك انا لو جيبت موتور من بورسعيد حسقطه هناك وكده العربيه لازم تروح هناك ومش حينفع اسافر بيها كده بس اكيد لو احتاجت حاجه حقولك :)
وانا بصراحه مخلى فكره تسقيط موتور اخر حاجه انا لسه جايب العربيه
وعاوز اقولك انا بقيت انام احلم بالعيب ده ههههههههههههههه

انت هتقولي ع الاحلام دي ما انا عارفها وحياتك :)
ع العموم لو هتنزل عرفنى وانا ف الخدمة يا ريس