سيدى الفاضل حضرتك زانق نفسك مع ميكانيكى واحد بس ليه ؟؟؟؟؟ متشوف واحد محترم ابن حلال يكشفلك عليها وخد رأى كذا حد وانت استعجلت بزيت الشنبر ده بصراحة
رقم العضوية : 8697
تاريخ التسجيل : 10Apr2008
المشاركات : 9,041
النوع : ذكر
الاقامة : alex
السيارة: فيات الجديده
السيارة[2]: فيات القديمه
دراجة بخارية: شبرا فيات
الحالة :
اول موضوع ليا فى قسم اللانوس بعد ما سيبت الفيات وكانت خيانه للفيات انى اسيبها واركب دايو :)))) بعد اكتر من 8 سنين بركب عربيات فيات وحفظتها
ححكيلكم الحكايه من الاول عشان تحددو معايا المشكله فين
انا لسه العربيه معايا بقالها فتره قصيره ولقيت لمبه الزيت ابتدت ترعش على السلانسيه بعد ما كنت قارص شويه على الرابع ووقفت بالعربيه لقيت اللمبه رعشت وادوس بنزين خفيف تطفى
المهم ركنت العربيه والصبح والعربيه بارده نزلت اشوف مقاس الزيت لقيته ناقص وعلى اول العلامه قولت كده يبقى هو السبب اجيب لتر زيت وازود عقبال ما اشترى زيت من الزيوت النضيفه
المهم زودت الزيت اللمبه اتطفط وبعد ما مشيت باعربيه ربع ساعه رجعت ترعش على السلانسيه تانى
قولت كده مش حينفع لازم اغير زيت وطبعا اللى شايفه ان كل الناس بتحذر من موبيل وشيل قولت يبقى ولفر او ليكو مولى المهم ولفر قالتى ابعتهولك كمان يومين طبعا مش حينفع امشى كده اتصلت بلكو مولى وجبت 20w50 وجبت فلتر وغيرته
المهم القصه كما هى اللمبه بترعش على السلانسيه بس الموضوع زااااااد وبقت ترعش بسرعه بدل ما ترعش بعد نص ساعه
المهم غيرت ساعه الزيت لقيت على الفيشه بتاعتها زيت قولت اكيد كانت بايظه جبت واحده وركبتها نفس الحكايه بس الجديد انى بقيت لما ادوس دبرياج اللمبه تطفى اشيل رجلى من على الدبرياج اللمبه تنور
قولت مبدهاش كده يبقى لازم مكانيكى روحت للمكانيكى قاللى الجكمان عندك مش حلو وبيسخن المكنه وده يعمل كده قولتله ماشى غيرنا جكمان علبتين ورا والنص وكان ماسوره فيها خرم لحمها المهم صوت العربيه هدى وبقت انعم قولت الحمد لله
طلعت اجرب العربيه باليل لقيتها لما قرصت عليها عملت كده تااااااااانى بس لما كنت بروحله كانت اللمبه بتطفى مش بترعش لانها بترعش بعد مشوار او قرص على العربيه لكن لو بارده ودورتها وسيبتها ساعتين دايره مش حتنور لازم امشى بيها وكده
رجعتله قاللى سيبها اجربها انا وحطلع بيها مشوار طلع جربها لقاها فعلا رعشت معاه قاللى ححل الكارتيره ونشوف
كنت انا بقى جبتله طرمبه زيت عشان لو حل الكارتيره ولقى طرمبه الزيت مش حلوه يغيرها
المهم فك الكارتيره بعد عزاب وانتو عارفين الصنايعيه بقى لما تاخد حسابها وترجعلها بنفس العيب بتبقى مش طايقاك ولا عاوزه تشتغل فى العربيه
المهم اول ما فك الكارتيره قاللى مصفه الزيت بتاعه الطرمبه نضيفه وتعالا شوف الكرنك عندك بيلق وفيه بوش كبير
المهم نزلت تحت العربيه لقيته جايب مفك كبير وحشره فى اول الكرنك من عند البلوك وبيهز المفك الكرنك بيتهز معاه وقالى ده كده بوش كبير ده لازم يبقى البوش اد ورقه البفره :)
ااااااااااه اهو ده بقى اللى انا كننت خايف منه كده الموضوع كبر وحيتكلف
المهم عمنا ده بقا لما لاقانى زبون حلو ودفعت فى الاول قاللى ده كده الموتور حيطلع بره وحنشوف فيه ايه وحنغير او نخرط الكرنك وتجيبلى طقم سبيكه ونشوف البيلات وحتجيب طقم شنبر وحتجيب جوانات وش سلندر
اييييييييييييييييييييييه ياعم دى كده عمره حرام عليك شنبر وجوانات ايه قاللى اه مهى دى كده عمره قولتله ماله الشنبر قاللى ما انا حطلع البساتم والشنبر لو طلع مش بيتكبس تانى
قولتله ازاى متنزل الكرنك من تحت قاللى لا ده لازم يطلع من فوق المواتير القديمه من تحت ودى كده تعتبر انت حتعمل عمره
طبعا انا كنت على اخرى انا لسه كنت عامل عمره من كام شهر فى اونو موتور تيمبرا بسبب الكرنك كان بيخبط بس انا اللى قررت اغير كل اللى فيه وشوفت الويل وسواد الليل وخراطين زى الزفت ومصنعيات هنا وهناك وبعد ما قفل الموتور المعلم حط جوان وش سلندر واحد والعربيه سخنت وفك الوش تانى وكان مواااااااااااااال وانا اللى كنت بكع من جيبى
المهم طبعا عن تجربه سابقه قولتله لا مش حعمل كل ده حغير شورت بلوك او موتور روحت بقى اشوف الاسعار عينكم ما تشوف الا النور الموتور بقى ب 4000 جنيه ولو فاضى من غير ادوات تغزيه 3000 طبعا ده بعد كلام ومهاوده كل ده بسبب قرار منع الاستيراد
المهم رجعت تانى للمكانيكى الصبح قولتله قفل الموتو انا مش حعمل فيها حاجه انا مش عبيط ادفع 3000 جنيه واغير موتور او ادفع حوالى 2000 جنيه فى عمره عشان لمبه بترعش هو ايه اللى حيحصل يعنى المتور حيرزع خليه يرزع طالما كده كده حدفع خليه يكمل النفسين اللى فاضلين فى حياته
طبعا المكانيكى قاللى ماشى بس من جواه مش طايقنى وعزبنى عقبال مقفل الكارتيره تانى من الساعه 3 العصر لحد 11 باليل ولولا انى فوق دماغه مكانش قفلها
وهو بيقفلها سألته ينفع احطلها زيت شنبر عشان يزود لزوجه الزيت وميعملش كده بصلى كده وقاللى لا مينفعش مش حيعمل حاجه
المهم تانى يوم قولت ماهو خربانه خربانه جبت علبه زيت شنبر ابرو وحطيتها والمفاجأه اللمبه مبقتش ترعش وجربت العربيه وعملت كل حاجه اللمبه منورتش تانى هههههههههه لمده يومين
المهم جه فى باللى ان الزيت ممكن يكون مضروب وعملت موضوع هنا فى المنتدى قالولى اه ليكو مولى بقى مضروب وانا لاحظت انه خفيف وان الجركن مكانش متبرشم
قولت اغير زيت واحط جركن التعاون ابو 60 جنيه على اساس انه ارخص زيت واجرب بيه منا مش حجرب بزيت غالى لقيت اللمبه رجعت ترعش تانى على السلانسيه وبعد فتره قصيره ولما ادوس دبرياج تطفى على السلانسيه واشيل رجلى تنور بس لو مشيت بالعربيه فتره اطول ترعش بقى وانا دايس دبرياج وانا شايل رجلى من على الدبرياج يعنى فى كل الاحوال بقت ترعش على السلانسيه بس بعد ما امشى بالعربيه مشوار ربع ساعه مثلا
المهم انا كده دماغى ساحت اعمل ايه اخلينى ماشى على زيت الشنبر لحد ما الموتور يجيب اخره مع العلم ان زيت الشنبر كان مخلى الموتور تقيل والتسارع اقل لانه تقيل
مع العلم كمان ان الكرنك مش بيخبط بس فيه صوت زى خشونه كده جاى من المكنه معرفش منين كأن فيه بلى خشن اوى اوى وشيلت سير التكييف الصوت مازال موجود
ولا اغير كرنك وسبايك بس مش عاوز ادخل فى قصه شنبر وجوانات وافك الموتور والدنيا تتلخبط وحجات مترجعش تانى زى الاول زى ما بيحصل وانتو عارفين الصنايعيه فى بلدنا
انا احترت وحكيتلكم القصه كلها وانتو قولولى اعمل ايه ومعلش طولت عليكم بس حبيت اذكر كل التفاصيل عشان كل حاجه تبقى ادامكم انا كده صرفت كتير اوى والمشكله متحلتش
رقم العضوية : 71596
تاريخ التسجيل : 26May2010
المشاركات : 536
النوع : ذكر
الاقامة : مصر
السيارة: ريجاتا
السيارة[2]: التو
الحالة :
سيدى الفاضل حضرتك زانق نفسك مع ميكانيكى واحد بس ليه ؟؟؟؟؟ متشوف واحد محترم ابن حلال يكشفلك عليها وخد رأى كذا حد وانت استعجلت بزيت الشنبر ده بصراحة
رقم العضوية : 154084
تاريخ التسجيل : 03Jan2014
المشاركات : 170
النوع : ذكر
الاقامة : القاهره
السيارة: جولييت
السيارة[2]: هيونداى
الحالة :
طبعا الله يعينك الواحد بيشوف المشاكل دى كل يوم وفى رأى متواضع اولا شوف ميكانيكى كويس تانى وتالت لحد متتأكد من العيب وثانيا لو مش غاليه عليك بيعها وريح دماغك
رقم العضوية : 119672
تاريخ التسجيل : 27Jan2012
المشاركات : 6,807
النوع : ذكر
الاقامة : النزهه الجديدة
السيارة: اتباعت
السيارة[2]: lanos 1.5 16 v
دراجة بخارية: لا يوجد
الحالة :
ما جايز تكون طرمبه الزيت ضعيفه عندك
رقم العضوية : 128378
تاريخ التسجيل : 01Aug2012
المشاركات : 293
النوع : ذكر
الاقامة : PortSaid
السيارة: Daewoo Espero
السيارة[2]: Golf 4
دراجة بخارية: i Hate motorbike
الحالة :
والله وانت بتحكى بجد فكرتنى بايام وليالي كنت بنام جنب الصنايعية
بص يا ريس انت زي ما قالك زميلي الفاضل انك زانق نفسك مع ميكانيكي واحد ما تجرب وتشوف واحد تاني ولو الحكايه فعلا هتتكلف انزل بورسعيد وهتلاقي الشورت بلوك ارخص من القاهره ولو محتاج اي مساعده انا معاك
رقم العضوية : 54234
تاريخ التسجيل : 30Nov2009
المشاركات : 543
النوع : ذكر
الاقامة : cairo
السيارة: لوجان
السيارة[2]: kia spectra
دراجة بخارية: no
الحالة :
ممكن تكون طرمبه الزيت بس دى تخلى مفيش زيت على عمود الكامه فوق وصوت التكيهات عالى او فى حل تانى اهبل ان اللمبه بتلمس اللى فى الطابلوه
رقم العضوية : 2282
تاريخ التسجيل : 23Sep2007
المشاركات : 8,887
النوع : ذكر
الاقامة : Cairo ,Faisal st
السيارة: كانت lada 2107 1989
السيارة[2]: Daewoo Nubira2 2005 auto
دراجة بخارية: No
الحالة :
روح لميكانيكى تانى
قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"
-- اللهم ارزقنيها --
رقم العضوية : 152409
تاريخ التسجيل : 28Nov2013
المشاركات : 957
النوع : ذكر
الاقامة : cairo
السيارة: 2005lanos
السيارة[2]: 128
دراجة بخارية: 900
الحالة :
نفس القصة حصلت معايا وكنت فاكر المبة بتعلق لان المشكلة ظهرت بعد لما غيرت زيت وفلتر وكنت لسة شاري العربية والماتور رزع وغيرت ماتور كامل
رقم العضوية : 8697
تاريخ التسجيل : 10Apr2008
المشاركات : 9,041
النوع : ذكر
الاقامة : alex
السيارة: فيات الجديده
السيارة[2]: فيات القديمه
دراجة بخارية: شبرا فيات
الحالة :
يا رجاله هى القصه مش مكانيكى امال ايه لزمه المنتدى والواحد فيه عقل اكتر من مكانيكيه كتييييير
وبعدين نفترض انى روحت 5 مكانيكيه وكل مكانيكى قعد يفتى ويقولك حاجه وانا عمال اصرف زى الدغف وادفع وهما يجربو ؟؟؟؟؟؟؟؟؟
طب انا واحد صاحبنا هنا فى المنتدى عمل عمره وغير كل حاجه بسب نفس العيب وفضل زى ما هو لحد ما غير مكنه والعيب راح !!!!
انا شرحت المشكله بالكامل عشان اعرف العيب فين وحد يفكر معايا واعرف العيب فين انا اعرف بدل المكانيكى 3 بيفهمو فى الدايو بس انا مش عاوز اسلم عربيتى لواحد يشتغلنى ويقوللى احل واغير وافك واجرب وطبعا كله على حساب البيه صاحب العربيه
كفايه اللى انا دفعته
رقم العضوية : 8697
تاريخ التسجيل : 10Apr2008
المشاركات : 9,041
النوع : ذكر
الاقامة : alex
السيارة: فيات الجديده
السيارة[2]: فيات القديمه
دراجة بخارية: شبرا فيات
الحالة :
كنت منتظر ردك يا باشا :)
طبعا شكيت فى طرمبه الزيت واشتريت واحده ولما فكينا الكارتيره قاللى الطرمبه سليمه والكرنك هو اللى يعمل كده ورجعت الطرمبه
طب نفترض انه هو نصاب والعيب فى الطرمبه انا بقى توقعت كده وعشان كده تانى يوم جيبت زيت شنمبر وحطيته اللمبه طفيت فى ساعتها يبقى كده لو الطرمبه بايظه المفروض كانت نورت اكتر من الاول وخصووووووووصا والعربيه بارده لان لزوجه زيت الشمبر عااااااااااليه جدا جدا جدا والطلمبه مكانتش تقدر توصل الزيت للموتور واللمبه نورت نتيجه لضعف ضغط الزيت
ده رأيى يعنى ولو انا غلط او فاهم غلط ياريت تصححلى
المفضلات