الموضوع: مشكله فى موتور اللانوس ومحتاج رأيكم ورأى خبراء الدايو

المشاركة الأصلية كتبت بواسطة heshamfathi

بص هو كان نس الموضوع عندى واضريت اعمل عمرة فى الشورت بلوك وكانت مشكلة سبكة وطرمبة زيت بس مانصحكش انك تعمل شبهى لانى حاليا الماتور بياكل وبيسرب زيت بالعبيط رغم ان العمرة كانت من 3 شهور بس احسنلك بيع العربية خالص وده اللى انا ناوى اعمله حاليا وخليك فى حاجة زيرو بس بلاش دايو ولا هايونداى ابعد عن شرق اسيا كلها عامتا ماعدا الباشا اليابانى

والله يا باشا كل العربيات فيها العبر
انا زى ما كنت كاتب فى اول الموضوع واخد على ركوب الايطالى وكان معقدنى فى صيانته وقطع الغيار
وكرهت العربيات فى البلد دى اساسا وكانت المواصلات مريحانى الى ان حصلى مشكله صحيه اصبح من الضرورى وجود عربيه
قولت يبقى لازم تكون حاجه متتعبنيش وطبعا مفيش اشهر من اللانوس فى مصر
بس للاسف الحلو ما يكملش وكل عربيه فيها عيوبها
انا عمرى ما عربيه فيات جابت معايا سبيكه اوكرنك حتى لو الزيت نقص
لكن يظهر ان العيب ده ممنتشر جدا جدا فى مواتير الدايو
وبعدين اليابانى مش ملاك مهو قطع غياره غاليه نار وفيه برضه عيوب مبتتحلش بالسهل عربيه واحد صاحبى كرولا مكانتش عاوزه تدور اسبوع بحاله ولو دارت تقف تانى وطلع عينه ودفع مبالغ لحد ما دارت