السلام عليكم
بعد حيرة و بحث و مشاكل و لخبطة استمرت 3 شهور استلمت الفلونس اول امبارح .. انا كنت محتار بينها و بين البيجو ال 508 ... بس الموضوع رسى فى الاخر عليها

المهم انا عندى شوية اساله كده و حجات مش عارفها

1- اول حاجة انا موجود فى السعودية و هنا هم 3 فئات بس .. انا جبت الفئة التانية .. و مش عارف الفئة ديه تساوى انهى فئى فى مصر عشان لو فكرت انزلها
هى اتوماتيك طبعا .. مثبت و محدد سرعة .. من غير ستارت انجين .. من غير باركينج سنسور .. جرايد لون العربية .. عجل 16 و جنوط المونيوم .. فتح الشنظة من الداخل

2- العربيه فيها رابع سماعات فى الابوباب و تويترات قدام .. فيه بقى شبكة موجودة ورا .. هل ديه سماعة ولا لأ ؟؟؟ ولو حبيت اركب ساماعات ورا هتتركب فين اصلا ؟؟؟ انا مش لاقى اى مكان ولا اصلا ماينفعش اركب سماعات ورا ؟؟

3- الفتيس انا اول مرة يكون عندى عربية اوتوماتيك .. انا عندى لوجان مانيوال فى مصر و بسوق مانيوال من 15 سنة .. لكن الاوتوميتك جديد عليا و لسه مش واخد عليه ... انا كنت فاكر بقى انى اول ما هاشعر بنزين الغربية هاطير .. لكن لقيت ده مش بيحصل و لازم اكبس .. هلى ده طبيعى كده ..؟؟ انا حاسس تجميع العربية مش قد كده .. انا مبحبش احرق .. ازاى اخلى الاوتوماتيك يجمع بسرعة من غير حرق ...؟؟
واضح انها بتنفل بسرعة جدا ... انا امارح كنت ماشي على 85 و الار بي ام 1.5 !!!!!! انا مش عارف ديه كانت على انهى غيار !!!!

4- لما اكون واقف فى اشارة مدة مش طويل ممكن اقف على D عادى ؟؟ ولا انهى افضل p ولا N ?

5- هاند بريك ناعم قوى .. يعنى بصوبع ممكن يعشق .. هل ده طبيعى ؟؟ يعنى من ابسط لمسه لفوق ممكن يعش تكتين و لمبة البريك تنور .. فاهمين قصدى ؟؟

ده اللى فاكره لحد دلوقتى .. لما افتكر حاجة تانية اسمحولى اتقل عليكو

و تنصحونى بايه عموما بالنسبة للفلونس ؟؟؟؟