الموضوع: ركبت بوجيهات 3 شمعة ngk

المشاركة الأصلية كتبت بواسطة adel_edrees

أنا أول مرة أعرف موضوع الألكترونى عن العادى لو حد يعرف الفرق بينهم ياريت يقولنا على الفكرة ثلاثة شعلة بيقلل الوقت اللى بيحصل فيه الشرارة لأنه بيزود أحتمال حدوث الشرارة فى أقل وقت ممكن و بالتالى سرعة ألإستجابة بتزيد

اعتقد اول فرق اعرفة هو الالكترونى بيعمل على تقليل الشوشرة الكهربائية على مكونات العربية الأكترونية زى كمبيوتر العربية مثلا بس اكيد لية فروق تانية بس معرفش بالظبط اية

المشاركة الأصلية كتبت بواسطة midooo_119

البوجيهات 3 شمعة ليس لها اي تاثير علي المحرك غير سرعة بدء المحرك وعمر خدمة طويل نسبياوده طبعا لوجود 3الكترون فلما الخلوص بيزيد في واحد التاني بيعوضة والبوجيهات الـ3 شمعة غير مجدية في السيارات ذات محركات نسبة الانضغاط المنخفضة يعني لو عربيتك أقل من 6 سلندر 4000 سي سي يبقى مضيعة فلوس على الفاضي

انت فالاول قلت عمر خدمة طويل تمام و رجعت فالاخر قلت مضيعة فلوس على الفاضى !!! طبعا موضوع انة طويل العمر دا صح مليون فالمية انما مضيعة فلوس دى مش معاك فيها خالص - و حتى لو محرك اقل من 4000 سى سى برضوا لة تاثير على الاقل الاحتراق بيكون 100% تقريبا - يبقى اللى بيركب 2 شمعة كمان على كلامك مضيعة فلوس على الفاضى برضوا - عموما كل واحد و رأية - بس كان من باب الامانة ان الشركة المنتجة تقول او تكتب على العلبة غير مجدى للسيارات اقل من 4000 سى سى - انا شايف انها مجدية و لها تاثير ملحوظ و بغيرة على فترات بعيدة دا كفاية عندى

المشاركة الأصلية كتبت بواسطة midooo_119

هو لو حضرتك جيبت كاوتش كورى او يابانى هتلاقى فرق السعر كبير لكن الاتنين هتغيرهم بعد 50 الف كم لكن اليابانى ممكن تمشى عليه اكتر شويه لكن الصح اى كان النوع تغيره بعد كم معين و الا كانت الشركه اصلا نزلت البوجيهات 3 شمعه لو ده هيفرق فالاداء كتير

تمام كلامك - عندى مثل بسيط : اللى يخلى غبور يغير الكاسيت و يحط حاجة تانية من عندوا عشان يوفر مش هيوفر فى تمن بوجية يعنى ؟؟ للعلم الاسبيرانزا بتبقى نازلة ببوجية 3 شمعة لانها جاية من برة على ابوها محدش حط ايدة فيها كلامى على a113 للتحديد بس - بس محدش رد و قالى اية ايجابيات و سلبيات ال 3 شمعة كلام علمى