الموضوع: وجهة نظر: آخر الكلام عندى فى الشكوى المقدمة و نتائجها (شارك برأيك و تقبل الرأى الأخر)

ضيف عندك كمان مشكلة الكاوتش ال١٦اللى صعب تلاقيه وحتى لما سألت التوكيل قالى مش موجود عندنا وفضلت ماشى اسبوع بكاوتش مقاس مختلف لحد ما لقيته فى تايرمانيا

الي الامام يا رجالة والله سعيد جداً بيكم

ثق تماماً اي شخص هيدخل يشكك فيكم او يقطم فيكم اعرف انه من التوكيل على طوووووول هههههههههه

لان عندكم كام واحد هنا من التوكيل نفسه وكل شغلتهم يقعدوا على النت - شغل تسويق بقى هي من امتى البيجو بتبيع اساساً في مصر !!!!!!!!!!
فلازم ينزل بفريق تسويق يغرق بيه النت - طيب هتنزل بفريق تسويق كويس يبقى اعمل منتج كويس مش خرطوم بيتقطع من الفحص !!!!!

ولاول مره اشوف تيل قبل 10000 ؟؟؟؟؟ ياراجل لو هنعمل درافتات بالعربية مش هنخلص التيل على 10000 !!!!!!!!! ويقولك حسب الاستخدام !!!!! تقوله على طول فيه حاجة اسمها عمر افتراضي ده هيقعد كذا وهو ده عمره الافتراضي !!!!!!!!!!

اما مواضيع الهري بتاعة اصل ده تيل محافظ على البيئة وبتاع bmw و كلام من ده قوله لو سمحت انا في بيجو ومتقنعنيش بكلام فاضي تضحك بيه على الناس

خليك عاقل وواعي شكله توكيل سئ وعايز يهرب من المشاكل بأي شكل

واستمروا يا رجاله - اديكم شايفين رجاله نيسان عملوا ايه اكيد انتوا مش اقل منهم ابداً وانتوا عندكم مشاكل اكتر من النيسان لعلمكم هم عندهم مشاكل الفرامل هي الرئيسية

لكن انتوا بوجيهات وفرامل وحتى الخراطيم والفلاتر !!!!! يبقى فاضل ايه في العربية ؟؟؟؟؟؟

ياترى ملاك بيجو 301 نادمون على شراء السيارة وهل لو عاد بهم الزمن هيشتروها ولا لا واخبار العربية معاكم ايه لو تغاضينا عن تيل الفرامل اللى بيتغير على 10000كيلو او البيجوهات هل تكون سيارة كويسة فعلا وتستحق الانتظار هل من نصيحة ؟

ياريت من ملاك بيجو 301 يقدمو النصيحة ليا هل العربية البيجو 301 سيارة كويسة لو اتغضينا عن عيب التيل بتاع الفرامل والبيجوهات وهل لو عاد بكم الزمن هتشترو برضو بيجو 301 وهل فعلا مشكلة التكييف اللى بيقلل سحب العربية وبيبرجل المكنة وبيخنئها صحيح وهل السيارة تستحق الانتظار ارجو النصيحة

بالتوفيق يارجالة (لايضيع حق وراءه مطالب)

المشاركة الأصلية كتبت بواسطة Hema_Basha

طب هو انا ممكن اساالك سؤال هو انن مينفعش تتكلم باسلوب مفيهوش تريقة.
ومين قالك ان في مشاكل كتير في العربية طب ما هي معايا وداخلة علي سنة مفيش غير مشكلة التيل وهحلها بسيطة يعني
ويا سيدي العربية زي الزفت والتوكيل زفتين بس علي قلبنا زي العسل

يا اهلا وسهلا بحضرتك

ومين قالي في مشاكل كتير في العربية ؟؟؟؟؟؟؟ حضرتك مش شايف المواضيع شكلها ايه في المنتدى ؟؟؟؟؟؟؟؟؟

ممكن برضه

وعجباك انت لان معندكش مشاكل انما لو ظهرتلك مشكلة وحسيت بوجع الـ130 الف لما تبقى زيرو وبتعمل معاك كل المشاكل دي كنت هتعمل اكتر من الناس اللي بتهاجمهم لطلب حقهم مليون مره

وعلى قلبك انت زي العسل على قلب غيرك المتضرر حاجة تانية خالص - الـ130 الف بتوجع اوي !!!!!!!

يا جماعة هو الشعب المصري عنده كام 130 الف علشان يدفعها وتطلع فيها مشاكل ده ربنا وحده اللي عارف الناس بتكمل تمن العربيات دي ازاي اللي بياخد قروض واللي بيكون مش معاه بعد كده الا اللي يكفي مصاريف البنزين واكله وشربه

وتيجي بعد كده لما يلاقي تيل فرامل في 9000 او 10 الاف كيلو وبوجيهات وفلاتر وخرطوم بيتقطع عايزه ميزعلش ؟؟؟؟؟ لان خلاص هو دفع اللي وراه واللي قدامه في العربية وعليه ديون يمكن كمان لبنك بسببها

ياريت الناس تحس ببعضها شويه !!!!!!!!!!!!! احنا اكتر شعب بيتحمل وبيقول فوق كل ده الحمد لله فلا يضيع اجره نهائياً

وتذكروا قول الله تعالى :

وَتَكْتُمُوا الْحَقَّ وَأَنْتُمْ تَعْلَمُونَ - ﴿٤٢ البقرة﴾

يُجَادِلُونَكَ فِي الْحَقِّ بَعْدَمَا تَبَيَّنَ كَأَنَّمَا يُسَاقُونَ إِلَى الْمَوْتِ - ﴿6 الأنفال﴾