الموضوع: وجهة نظر: آخر الكلام عندى فى الشكوى المقدمة و نتائجها (شارك برأيك و تقبل الرأى الأخر)

المشاركة الأصلية كتبت بواسطة abohend

فعلا ردود التوكيل مستفزة و كلها التوكيل بيهرب فيها من المسئولية و يلقي باللوم على العميل
لكن أنا بتحفظ برضه على نقطة الesp و التنبيه الصوتي لأن الوكيل مقالش إنهم موجودين من البداية و تركيبهم من عدمه شئ يخضع للوكيل و رؤيته السوقية و مهارات العاملين عنده

انا ذكرت موضوع نقص (تدفئة كرسى السائق - و نظام فرامل الـ esp) فى الموديلات اللى بتنزل مصر لتوضيح إن فى حاجات ناقصة فى العربية عن الللى بتنزل فى السوق الأوروبى, وزى ما إحنا فى مصر تقبلنا العربية, زى ما التوكيل المصرى لازم يوفر للعملاء خدمات و إضافات بعد البيع.

لكن موضوع التنبيه الصوتى, التوكيلات بره مصر بتوفر الإمكانية دى فى نظير مقابل مادى, و التوكيل فى مصر بيوفر إمكانية تركيب محدد سرعة, يبقى ليه مافيش إمكانية تركيب التنبيه الصوتى؟ موضوع المستوى الفنى للعاملين فى التوكيل مش مبرر إن الناس تتحرم من خاصية هامة زى دى.

أما موضوع مكان فرامل اليد و إنها بالكامل تحت المسند, فده للمستقبل عشان الشركة تراعيه فى التصميم القادم, لإنه مزعج جداً من ناحية, ومن ناحية تانية يعتبر تقصير فى عوامل الأمان فى حالات الطوارئ.

بالمناسبة, اللى بيشترى العربية بيكون فرحان بيها - إحنا مش كل يوم بننزل نغير عربية - ففى حاجات مابتخدش بالك منها و إنت فى المعرض و بتبان بعد الإستخدام المتكرر (زى إن مافيش اماكن تخزين علوية فى التابلوه و فى الأبواب, وزى إن مافيش حوامل اكواب فى العربية).

المشاركة الأصلية كتبت بواسطة hema_basha

عاوز اوضح نقطة تصحيح لابوهند اني اول مرة غيرت التيل كان علي 9000 كم وطبعا بعد مشكلة معاهم اتغير في الضمان تاني مرة التيل خلص علي 18000 كم وانا اللي دفعت تمنه
فانا مش عارف هل المفروض ان كل 9000 كم اروح اغير تيل دي حاجة من رابع المستحيلات ان كل صيانة اروح ادفع بس تمن تغيير تيل بالضريبة والمصنعية 600 ج

الجزئية دى مهمة جداً و عايزه إيضاح

يعنى تغيير التيل تبع الضمان بيكون فى اول 10000 كيلو للعربية مش لمدة 10000 كيلو لكل تيل جديد بيتم تركيبه فى التوكيل؟؟

المشاركة الأصلية كتبت بواسطة m mosalam

ياترى ملاك بيجو 301 نادمون على شراء السيارة وهل لو عاد بهم الزمن هيشتروها ولا لا واخبار العربية معاكم ايه لو تغاضينا عن تيل الفرامل اللى بيتغير على 10000كيلو او البيجوهات هل تكون سيارة كويسة فعلا وتستحق الانتظار هل من نصيحة ؟

برده كنت هاشترى البيجو 301 هاى لاين, لإنها تظل الأفضل فى فئتها من الناحية السعرية فى مقابل المواصفات و تستحق الإنتظار.

و إن شاء الله لما التوكيل يستجيب لمطالب العملاء و يقوم بتوفير - كإختيار بديل - قطع إستهلاكيه ذات عمر إفتراضى اكبر (التيل) وعمل صيانة و تنظيف لبعض القطع (زى فلتر الهوا و التكييف بدل تغييرهم بالكامل) و تخفيض سعر القطع الإستهلاكية و المصنعية (كمراعاة إنها عربية إقتصادية) و يقوم بتوفير إمكانية تركيب إضافات (زى التنبيه الصوتى) بعد البيع, هاتكون العربية الأولى فى مصر بلا منازع (لفترة طويلة).

حاجة مهمة لازم ألفت النظر ليها, التحرك الجماعى بهدف التحسين و الوصول للأفضل, و شركة بيجو مش الشركة الوحيدة المعنية بالتحرك ده, بس بما إنى من ملاك بيجو, فمن الطبيعى إنى هاتكلم فى اللى تحت إيدى و اللى شوفته (وبناءً على آراء ملاك آخرين), وإن شاء الله يبقى فى تحسن فى خدمات ما بعد البيع فى كل التوكيلات.

ال 301 احسن عربية فى فئتها السعرية ودة بعد تجربة
لكل العربيات الجديدة الاول كنت هشترى نيسان صنى وركبتها وسوقتها مستريحتش نائى ليها غير انها تحس انها متقفلة فى الحرفيين وجربت الهيونداى وطبعا بعدت عنها عشان غبور وجربت الايمجراند الصينى عربية حلوة فعلا وتعتبر احسن عربية صينى لحد مشوفت ال301 وركبتها وبصراحة حسيت بفرق كبير بينها وبين كل العربيات اللى فى نفس الفئة السعرية وقرت احجزها وفعلا العربية من الوهلة الاولى تخطف النظر وتخليك مش عايز تنزل منها وانا عن اتناع بقول البيجو 301 احسن عربية فى الئة السعرية والمشاكل التى ظهرت ليست مشاكل جوهرية وكل العربيات فيها عيوب لكن عيوب البيجو ليت بالعيوب الكبيرة والتوكيل مشاكله زيه زى اى توكيل فى مصر سىء و لو عملنا مقارنة ين البيجو 301 والعربيات الاخرى لعرفنا صحة كلامى انا حاجز العربية بقالى شهر ومستنى استلم وكل مشوفها فى الشارع احس انى اول مرة اشوفها بتخطف النظر وعربية مميزة فعلا حتى لما نزلت مواضيع مشاكل الملاك زى اتيل والبيجوهات قولت طب اشوف عربية تانية وفضلت ادور تانى على عربية غير البيجو لكن للاسف مفيش عربية احسن من البيجو وقررت انى اكمل الحجز ولو مشكلة الفرامل فكل العريات الحديثة تيل الفرامل بتاعها غير معمر حتى السيارات اللى فئة 200 الف عشان كدة قررت اكمل مع بجحو ويارب استلم ان مشتاق لمكالمة التوكيل اللى بتقولى تعالى كمل فلوسك واستلم ادعولى الوقت يعدى واستلم على خير انا وكل اللى لسة مستلمش