الموضوع: وجهة نظر: آخر الكلام عندى فى الشكوى المقدمة و نتائجها (شارك برأيك و تقبل الرأى الأخر)

أرجو من الأخوة الأعضاء الكرام تمالك أعصابهم, و أرجو إنهم يبصوا على عنوان الموضوع و اللى أنا كاتب فيه "(شارك برأيك و تقبل الرأى الأخر)".

حديث النبي -صلى الله عليه وسلم-: "أنا زعيم بيت في ربض الجنة لمن ترك المراء وإن كان محقا ....."

الهدف من الموضوع مش الإنتصار لماركة أو أخرى, أو تشويه ماركة, الهدف من الموضوع هو الإستفادة من خبرات الجميع, و الوصول للأفضل, و الدفع بالتوكيلات للافضل, بحيث إننا - مستهلكين و توكيلات - نبقى مستفيدين.

فى حاجات بتكون مهمة لبعض الاشخاص و ماتكنش مهمة للبعض الآخر, لكن مش معنى كده إننا نبدأ فى التشكيك فى بعض أو نبدأ ندخل فى خصام و جدال و التراشق بالكلمات, فأرجو إن الأعضاء يشاركوا بآرائهم بدون التعليق على أراء الآخرين مالم يكن بهدف إضافة معلومة أو تصحيح خطأ, و لو ده هايوجد خلاف فبرجاء تجنبه.

المشاركة الأصلية كتبت بواسطة 2code

ياااااااااااااه

وانا مطلوب اقرا كل ده ههههههههههههههه

يا سيدي العربية زي الفل ومفيهاش مشاكل وعربية رخيصة وجميلة وكل حاجة مفيها وبتطير كمان وكل حاجة

والمشاكل اللي عند الناس كلها دي مشاكل منهم وهم اللي مش عارفين يستعملوا الـbugatti اللي معاهم ماهو اصل التيل صديق للبيئة وهو هو تيل bmw - ارحم عقل الناس يا اخي !!!!!!!!!!

دا فريق التسويق بتاع التوكيل عامل شغل جامد اوي ما شاء الله :)

احسن حاجة ان الملاك هم اللي بيشتكوا وهم اللي خاربين الدنيا في التوكيل - انصحكم تروحوا تشوفوا قسم رينو هناك الاخ المشرف معترف بمشاكل الفلوانيس عارفين ايه هي الفلوانيس ؟؟؟؟؟ والاخ المشرف هناك بكل حيادية بيناقش الناس بالمشاكل ومعترف بيها

انما هنا في بيجو حاجة غريبة بس عادي معروف يعني !!!!!!

المشاركة الأصلية كتبت بواسطة grumby78

ايوه بالظبط كده يافندم .. ياريت حضرنك تطبق الكلام اللي حضرتك كاتبه ده على نفسك الاول وتبطل تسوق لبيجو في قسم نيسان وكمان لو مش معاك نيسان صني خاصة بيك انت شخصيا ياريت متتكلمش عن المشاكل وتعمل قضية ... او تعمل محامي عن الناس اللي بتشتكي ..
ده كلام حضرتك على فكرة بس ياريت تعمل بيه لانه عجبني وكنا بنقوله لحضرتك مرارا وتكرارا في قسم نيسان
بتعمل كل ده في الراجل عشان قال نفس كلامك اللي كررته مئات المرات في قسم نيسان بشكل لايصدق ...؟؟؟!!!
الموضوعية وتقدير الناس وعدم التعصب للمنتج صفات اساسية يجب ان يتصف بها منسق اي قسم لاي علامة تجارية في المنتدى

هو احنا فى عاركة مثلا ولا حاجة !!!
يعنى احنا خلصنا كل مشاكل عربيتنا وبقينا واقفين بنقطع فى بعض لصالح التوكيلات وده ينزل من قيمة ده وده يبرر عيوب ده .

نيسان كويسة وبيجو كويسة وده له شغله وسوقه وده له شغله وسوقه

اى منتج فى الدنيا له عيوب تصنيع ومشاكل والا مكنش هيبقى فى حاجة اسمها قسم خدمة ما بعد البيع و عشان كده بقى من اهم الاقسام فى الشركات المحترمة.

بالنسبة لنقطة النيسان صنى ومشاكلها .. يكفى يكفى يكفى من وجهة نظرى ان مشاكلها بتلعب فى نقطة السلامة.

رينو بتعترف باخطائها وهنا كمان شهدت لاعضاء بيعترفوا باخطائهم وبمشاكل العربية بس فى فرق بين انك توضح التباس او سوء فهم فى التعامل مع العربية , بمشكلة حقيقة داخل العربية مش لاقيين ليها حل

المشاركة الأصلية كتبت بواسطة m mosalam

ياترى ملاك بيجو 301 نادمون على شراء السيارة وهل لو عاد بهم الزمن هيشتروها ولا لا واخبار العربية معاكم ايه لو تغاضينا عن تيل الفرامل اللى بيتغير على 10000كيلو او البيجوهات هل تكون سيارة كويسة فعلا وتستحق الانتظار هل من نصيحة ؟

لاء حضرتك انا نادم علي شراء 3008 ام 220 الف اصلا الهيونداي الكوري احسن منها بمراحل وكل اللي اتقال علي التوكيل صحيح حتي في العربيات الغاليه المصبيبه انك مش بتعرف تبيعا يعني موت وخراب ديار الحمد لله علي حال

المشاركة الأصلية كتبت بواسطة lth586

لاء حضرتك انا نادم علي شراء 3008 ام 220 الف اصلا الهيونداي الكوري احسن منها بمراحل وكل اللي اتقال علي التوكيل صحيح حتي في العربيات الغاليه المصبيبه انك مش بتعرف تبيعا يعني موت وخراب ديار الحمد لله علي حال

مبروك عليك العربية الاول يا فندم .. دى واضح انها عربية محترمة جداا وفيها اوبشن بسم الله ما شاء الله عليها ربنا يبارك لاصحابها فيها وحتى سمعت من التوكيل ان اسعار قطع غيارها قريبة من اسعار الاسيوى, والهيونداى على حسب ما قرات عنها مش برضه على المستوى المطلوب زى ال3008 يعنى المدفوع فيها اكتر من اللى تستحقه , وبصراحة معظم الاسيوى بقى يستهبل فى اسعاره.
وتوضيح صغير لو عندك مشكلة فى العربية كلم خدمة العملاء واعمل شكوى

المشكلة الازلية في علاقة اي شركة بتقدم منتج في مصر للمستهلك ان دايما بتحاول التحايل بكافة الوسائل لإثبات ان المنتج سليم تماما وان العيب دائما ما يكون من استعمال المستهلك و للأسف دي اصبحت ثقافة عامة لدى معظم - إن لم يكن كل - الشركات و السبب هو الرغبة في تحقيق مكاسب بكبر قدر ممكن علي حساب المستهلك
السيارة فعلا ليست من الفئات الفارهة
و لكن ليس معني ذلك ان يكون العمر الإفتراضي بهذا السوء
و بما ان الوكيل هو المتحكم في مواصفات السيارة المطروحة للمستهلك من الالف للياء فهو بالتالي المسئول عن العيوب الناجمة عن ردائة القطع الموجودة محل الشكوى