الموضوع: تقرير عن بي إم دبليو X1 موديل 2014 (e84) بعد 4000 كيلوا.......

المشاركة الأصلية كتبت بواسطة FrozenFire

أهلا وسهلا صديقي العزيز :)
إحنا زمل دلوقتي D:

أنا بالنسبة ليا إرتحت نفسيا لألوان الإكس لاين البيج مع البني كان داخل دماغي.
والحمد لله إن الإكس لاين أعلى من السبورت لأني أهم حاجة عندي العلو عن الأرض. أنا سيبت السي كلاس اللي هي حلم حياتي عشان إرتفاعها عن الأرض كان حيبقى مأساة ليا.

بالنسبة للزينون فأنا كنت بشيك على العربية وبفتح النافيجيشن في فرع القطامية وقالوا لي إن مالهاش زينون....... بس أنا فعلا عايز أركب زينون.

عندهم كماليات تانية بس بصراحة حسيت سعرها مبالغ فيه.
مثلا إزاز فاميه للنصف الخلفي فقط ب 11500 جنيه
غطاء للسيارة ب 4000 جنيه.... عشان بييجي من ألمانيا مخصوص.
شاشة ديفيدي خلفية على ما أتذكر 12000
ممممم مش فاكر إيه تاني بصراحة
على فكرة موقع بي إم مصر عليه الكماليات دي بالأسعار
الحاجة اللي ممكن أعملها لو مش حعمل الزينون هي تغير اللمبات الأمامية بلمبات أقوى ب 700 جنيه

اه هي الاكس لاين اعلى في الـGround Clearance وكويس انه كده بيلائم ظروف طريقك اكتر انا عجبتني حركات الـSport Line في فتحة الباب والجنوط كده يعني شوية حركات السبورت بتاعة BMW اللي بتعمل في الـSport Line وانها المفروض احسن في الـAeroDynamics وتوزيع الهوا وهي برضه اوطى فكل ده اكيد هيعمل شغل احسن فعلشان كده قررت على الـSport Line واهي اغلى 4000 مكنتش مشكلة معايا وقتها انا مش كل سنة هشتري BMW فقلت اشتري بالمره !!!!!!!!!!

نرجع بقى للمهم - النور عندك غيرته ولا لسه ؟؟؟ فعلاً انا بحس ان اللمبات ضعيفه وعايزه تقوى شويه

لما تعملها قولي وعرفني ايه اخبارها وايه الفرق بعد ما غيرتها وياريت لو تصور في حته ضلمة النور قبل التغير ونفس المكان بعد التغيير لو عندك جراج ليها يعني هتعرف تعمل مقارنة حلوه بينهم !!! وياسلام لو يدينا رينجات تبقى تمام اوي لان بحب شكل الرينجات في الـBMW

قولي ايه نوع الكاوتشات عندك ومقاسها ؟؟؟؟؟ عايز اعرف هو هو مقاس السبورت ولا لأ ومنزلين ايه نوع الكاوتش عندك ؟؟؟؟ لان انا عملت مشكلة علشان اخد كاوتشات BMW اللي عليها النجمة المصنوعة من BMW !!!!!!!!

اخر حاجة جربت تشغل فيديو على الـiDrive ؟؟؟؟؟ الـiDrive اللي معانا اللي هو بيشغل الـNavagation ده يستحمل يشغل فيديوهات لكن BMW قفلتها منه علشان عوامل السلامة الاساسية للسيارات عندهم متتشغلش عن الطريق يعني !!!!

رغم اني لو هشغل فيديوهات مش هيبقى ليا انا ده هيبقى للموجودين معايا !!!!!!!

انا جربت بالايفون 4 و 5s بيشتغلوا صوت بس - لكن مجربتش بفلاشة ولا بـCD

ماشاء الله , ربنا يديك خيرها ويكفيك شرها

ما شاء الله مبــرووك
تقرير رائع

الف مبروك يا استاذ احمد
عربية قمة في الروعة وطبعاً السفر مع عربيات البي إم العالية بتكون رحلة مفيش احلا من كدا

اهم حاجة طبعاً إنك تبص لإحتياجاتك قبل اي حاجة حتى لو في عربية فيراري بـ200 الف متجيبهاش طلاما بتطلع سفريات كتير وطرق زي دي
انا بس كنت بتمنى العربية دي تيجي بالفتيس بتاع الـf30 كانت حتفرق وحتفرق جامد كمان عشان الـ316i بتعمل 8.5 ثواني في التسارع مع محرك 136 حصان بس

بس انا حاسس ان في حاجة مش اللي هي في استهلاك البنزين دا
الـ316I مبتعديش الـ6 لتر لكل 100 كيلو مش عارف بقى دا عشان حجم العربية ولا ايه

المشاركة الأصلية كتبت بواسطة برنس الليالي

الف مبروك يا استاذ احمد
عربية قمة في الروعة وطبعاً السفر مع عربيات البي إم العالية بتكون رحلة مفيش احلا من كدا

اهم حاجة طبعاً إنك تبص لإحتياجاتك قبل اي حاجة حتى لو في عربية فيراري بـ200 الف متجيبهاش طلاما بتطلع سفريات كتير وطرق زي دي
انا بس كنت بتمنى العربية دي تيجي بالفتيس بتاع الـf30 كانت حتفرق وحتفرق جامد كمان عشان الـ316i بتعمل 8.5 ثواني في التسارع مع محرك 136 حصان بس

بس انا حاسس ان في حاجة مش اللي هي في استهلاك البنزين دا
الـ316i مبتعديش الـ6 لتر لكل 100 كيلو مش عارف بقى دا عشان حجم العربية ولا ايه

متنساش ان فيه مقاومة هوا كبيرة لان العربية عالية عن الارض والموتور اساساً 2000 سي سي وغيره عوامل كتير

ده اخر المواتير الـna اللي بتستعملها bmw يعني شايفينه اخر المواتير المحترمة الـna

بس بصراحة الموتور ممتاز على العربية ولما تنقل على الـDS العربية بتبقى مجنونة انا مكنتش مفكر الصراحة الـ18i هيبقى كويس وكنت بتكلم مع الاستاذ شريف هنا في المنتدى على كده لكن هو قالي انه موتور كويس وسريع و2000 سي سي وهيبقى تمام وفعلاً لقيته ممتاز جداً جداً جداً