الموضوع: تجربه السفر الى الخليج ما بين اليات النجاح و الفشل

المشاركة الأصلية كتبت بواسطة terrible_darsh

طيب تبص لها من منظور التحويش

شاب عازب ميكفيهوش مصاريف 1500 ريال شهريا بدون سكن ولا انتقالات ؟

بص لها من منظور الخبرة، ممكن في الخيلج تلاقي فرصة افضل والسوق هناك مفتوح انما في مصر سقف الشغل كله واحد وثابت

بص لها من منظور ان السفر ليه فوائد

لو هتحوش اعلى من اللي بتحوشه في مصر بشوية وهتستفاد خبرات السفر هيبقى مجزي ولالا ؟

الخليج في المعظم مفهوش خبره اساسا الي بتبات فيه بتصبح فيه الا لو شغال في شركه محترمه اوي و مستعد ياخد الرسك في حاجه جديده و يعلمك لانك اصلا غالي و هيحاول ياخد كل الي بيدفعه فيك

خبره السفر شئ جميل جدا و كل حاجه بس الي بيروح الخليج بيروح عشان يعمل فلوس ثم كل بلد وليها ظروفها يعني مثلا السعوديه ارخص نسبيا من باقي الخليج بس مفيهاش اي ترفيه و الحياه ناشفه نوعا ما ميزتها الوحيده الحج و العمره دبي العكس تماما البلد مغريه بهبل


عاوز تسافر و تاخد الرسك خده علي حاجه تستاهل و في الاول و الاخر دي مجرد نصايح لاننا بنشوف ناس بتتبهدل بجد الموضوع مش سهل بس بترتيب ربنا كله بيمشي

المشاركة الأصلية كتبت بواسطة terrible_darsh

حلو الكلام

دبي محتاجة خبرة فظيعة ده غير انهم مانعين تأشيرات مصريين لان كل اصحابي هناك وتأشيرة لمصمم جرافيك مصري ممنوعة منعا باتا والحياة هناك اغلى من السعودية

قطر هي اللي شغل فيها ممل لان بحكم عملي في مكان قطري اكتر من سنتين الشغل في قطر يعني نوم

فخلينا في السعودية

ايه هو الريسك اللى ممكن اخده في الحالة دي ؟

انا سالت على الشركة ناس قالوا كويسة وملتزمين وبيطوروا كل فترة، السكن والانتقالات ليهم بدلات معقولة مع الراتب، بعد فترة الواحد ممكن ربنا يكرمه ويقدر يطلع دبي بقى ولا اي دولة تانية لانه هيبقى عنده خبرة في الخليج

انا عايش في قطر لما بقارن بين قطر و السعوديه لا الفرق فظيع طبيعه الحياه في السعوديه مش اي حد بيستحملها خصوصا لو في الرياض او المناطق الشرقيه مفيش اي نوع من انواع الترفيه خصوصا في الويك انت لان اغلب الاماكن للعائلات فقط

لو المرتب كويس طبعا فكر جدا بس اكيد مش 3 الاف ريال يعني والله مش بغشك المرتب صعب

البدلات المعقوله دي قد ايه يعني في قطر مثلا اقل من 3الاف بدل سكن يبقي جنان اقل سعر لستوديو في فيلا متقسمه هو 3 دا لو لقيته اصلا و مش هيكون في وسط البلد انما في السوعديه 3 في الشهر يجيبوا شقه كويسه

المشاركة الأصلية كتبت بواسطة terrible_darsh

الاكل في قطر غالي جدا والسكن غالي جدا جدا وهما هناك بياخدوا بدل غلاء معيشة، بس ده ملوش علاقة يا باشا بالسعودية وظروف كل شخص تختلف من واحد للتاني.

انا زمايلي في مقر الشركة في قطر بياخدوا راتب 3500 والسكن والانتقالات على الشركة وعايشين مرتاحين هناك نوعا ما، لو حضرتك عشت في السعودية فكل اللي مطلوب منك علشان تحسبها ببساطة هو مصاريف شاب عازب في الشهر كام بدون سكن ولا انتقالات هيبقى كام وبناء عليه حدد الراتب

يعني 3000 مصروف ده بصراحة حد رايح يرفه نفسه مش يشتغل او حد خبرة وسنه كبير وعنده التزامات

لو هتصرف يوميا 50 ريال حتى يوم اجازتك فهيبقى 1500 ريال كويسين في الشهر

انا متابع الموضوع ده من سنة : https://dvd4arab.maktoob.com/f1844/1429905-605.html

مصريين في السعودية من زمان وكل واحد بيفيد بخبرته ماشفتش حد ابدا قال ان شاب عازب يصرف 3000 شهريا اطلاقاااا

ممكن اعرف يا باشا المصاريف الشخصيه لفرد اعزب فى قطر شهرى حوالى كام ؟

المشاركة الأصلية كتبت بواسطة terrible_darsh

الاكل في قطر غالي جدا والسكن غالي جدا جدا وهما هناك بياخدوا بدل غلاء معيشة، بس ده ملوش علاقة يا باشا بالسعودية وظروف كل شخص تختلف من واحد للتاني.

انا زمايلي في مقر الشركة في قطر بياخدوا راتب 3500 والسكن والانتقالات على الشركة وعايشين مرتاحين هناك نوعا ما، لو حضرتك عشت في السعودية فكل اللي مطلوب منك علشان تحسبها ببساطة هو مصاريف شاب عازب في الشهر كام بدون سكن ولا انتقالات هيبقى كام وبناء عليه حدد الراتب

يعني 3000 مصروف ده بصراحة حد رايح يرفه نفسه مش يشتغل او حد خبرة وسنه كبير وعنده التزامات

لو هتصرف يوميا 50 ريال حتى يوم اجازتك فهيبقى 1500 ريال كويسين في الشهر

انا متابع الموضوع ده من سنة : https://dvd4arab.maktoob.com/f1844/1429905-605.html

مصريين في السعودية من زمان وكل واحد بيفيد بخبرته ماشفتش حد ابدا قال ان شاب عازب يصرف 3000 شهريا اطلاقاااا

منا متفق معاك من الاول السعوديه ارخص واحده في الخليج بس الاكل في قطر مش غالي زيها زي الامرات و لو السعوديه ارخص معتقدش الفرق رهيب لاني رحتها فتره

انا تعليقي الوحيد علي السعوديه هل نمط العيشه هناك مناسب ليك ولا لا هو دا السؤال

المشاركة الأصلية كتبت بواسطة ganash

ممكن اعرف يا باشا المصاريف الشخصيه لفرد اعزب فى قطر شهرى حوالى كام ؟

رأيي المتواضع واحد اعزب في قطر عشان يعيش مرتاح يبقي مصروف شخصي 3 الاف ريال و دا هيكون اكل و شرب و بنزين و خروج اقل من كدا هتضحي بحاجه الي غالبا هتكون الـentertainment