الموضوع: تجربه السفر الى الخليج ما بين اليات النجاح و الفشل

المشاركة الأصلية كتبت بواسطة Secret-Man

انا سبت مصر مش علشان الفلوس علشان المجتمع للاسف

الفلوس مش كل حاجه فى اى بلد لكن الاحترام هو اهم حاجه على الاقل بالنسبه ليا

بس مما لا شك فيه انك لو معاك فلوس فى مصر مش هتقصر فيك اوى حاله المجتمع لانك مش هتحتك اوى مولو هتمشيه بفلوسك
لان ناس كتير فى مصر مش شاغله بالها بحاجه
و انفرج على الساحل كمان اسبوع هيكون عامل ازاى و غيرو
لاكن معاك فى ان خليج قرب من يورب

المشاركة الأصلية كتبت بواسطة حسام الغرباوي

كلامك في جزأ كبير من المصداقية والحكمة


انا في السعودية من 3 سنوات


هقلك نصيحة من الاخر وبجد ......كل ما صاحب العمل او الشركة لقاك عندك شخصية قوية وبتتكلم في كل كبيرة وصغيره وبتطلب حقك وبتوضحله نقاط قوتك فين وانك مش هتسيب حقك .......بيحترمك جدا وبيديلك اللي انتا عايزة


انا جيت هنا من حوالي سنتين ونص ومكش معايا خبرة نهائي في المحاسبة ...وكنت بشوف صحابي شغالين علي 2000 ريال واللي يعني بورم ومعاه خبرة سنة شغال علي 2500

مش هقلك انا بدأ شغل علي كام الحمد لله بس يكفي اني اقلك اني اول تعين ليا في الشركة كان الفرق بين راتبي وراتب المدير المالي 1500 ريال ....!!!


وهقلك لية كدا ...لاني لما روحت عملت الانترفيو ....الحمد لله عرفت اوضحلة اية نقاط القوة عندي وكنت باخد من كلامة نقاط ضعف الشركة واحاول ابينله اني اقدر احلها ...وانا اللي قلتلك انا عايز راتب كذا وبدلات كذا والعقد كذا ...قللي طيب هنرد عليك ... قلتله اوك وسيبته ومشيت بعدها كلمني تاني والحمد لله بدأت

ودلوقتي نقلت منهم بعد سنتين بنفس المميزات الحمد لله او اعلي شوية ,,,, مع العلم اني مش خبره كبيرة اوي في المحاسبة ولا يعني جايب الديب من ديلو ......بس شخصيتك وكلامك واسلوبك اهم عامل علي الاطلاق في قوة عقدك وراتبك وبدلاتك

QUOTE=حسام الغرباوي;3875574214]نسيت اوضح نقطة برضو


اول مرة الشركة دي كلمتني كنت لسة رايح السعودية ...المدير بيكلمني في التليفون بيقلي بقالك قد اية في السعودية
قلتلو لسة مكملتش شهر او شهر ونص تقريبا

قللي بتعرف تسوق
قلتله اه الحمد لله
بيقلي ازاي بتعرف تسوق وانتا بقالك شهر هنا !!!

قلتلو علي فكرة اني عندي عربية خاصة بيا في مصر وبعدين هو حضرتك فاكرني مش لاقي اكل في مصر وجاي هنا عشان اشحت يعني !!! (( بنفس الاسلوب دا بالظبط ))

قللي لا لا مش القصد

قلتلو وحتى لو القصد المشكلة انكو واخدين فكرة ان كل المصريين جايين هنا عشان مش لاقين ياكلو في مصر وللاسف في ناس اكدتلكو كدا بقبولها اي شغل باي حاجة

لكن تأكد تماما ان في ناس حالها كويس جدا في مصر بس ظروفها متسمحش انو يكمل الفترة دي


وقفلنا واتفقنا نتقابل .....ومروحتش في معادي نفضت هههههههههههههه اتصل عليا مجتش ليه قلتلو مش فاضي والله للاسف لاني لسة خارج من الشغل ( كنت اشتغلت بقالي اسبوع في شركة تانية ) وكملتله ولسة مخدتش رأي صاحب الشغل اني اسيب الشغل

فبيقلي هو مش انتا فيزا حرة وتقدر تمشي من غير ما تقلوا


قلتله من ناحية اقدر اقدر ......بس انا معملش كدا ولو صاحب الشغل قللي مينفعش مش همشي ....لانك برضو مترضاش اني اعمل كدا وانا شغال معاك


قللي طيب بص تعالي اشرب معايا القهوة بس واتعرف عليك ولو مش عايز تشتغل براحتك :d

طبعا روحت قعدنا نرغي بتاع 3 ساعات ونهزر واتعينت في الشركة وبقينا صحاب التنين انا والمدير :d :d :d[/QUOTE]

حج حسام
هو ده البكلم فيه
بس خد بالم هى بتبقا ارزاق برضو و تساهيل
انا ممكن اجيب اتنين محاسبين الواحد ب ٤ الف فى شهر مثلا
و لا اروح اجيب واحد ب ١٢
دى حسبه ناس كتير
بس الخبره ليها عامل برضو
انا عايز اقولك انا لو حكتلك على تجربتى فى السفر هتدحك
بس يكفى اقولك انى عامل الانتر فيو باجينز و الكوتشى كنت لسه جاى من النادى اصلن ههههههههه
فا هى ارزاق مع شويه قواعد و ربك بيكرم و سعيد بيك يا باشا

موضوع جميل ويريت كل واحد شغال يكتب مجاله ايه بالظبط عشان نكون عارفين بيتكلم فمجال ايه

المشاركة الأصلية كتبت بواسطة terrible_darsh

لو جالك عقد عمل في شركة بالرياض

راتب معقول مش قليل ، بدل مواصلات مناسب وبدل سكن سنوي مناسب، الشركة سالت حد كان شغال فيها سنة ونصف وشكر في الشركة

الفيزا بنفس المهنة اللي هتشتغلها والشركة قالت لك انهم تعبوا علشان يطلعوها

في اجازة سنوية شهر والعقد لمدة سنتين

تطلع ولا لا ؟

الكلام كويس بس المعقول دا في رنج كام بس عشان نقدر نحكم. شخصيا مشكلتي الوحيده في الرياض هي محدوديه الانشطه فا هل زوجتك هتعرف تتعايش ولا لا

المشاركة الأصلية كتبت بواسطة terrible_darsh

لو راتبك 3 الاف وعازب لسه ؟

بأمانه شديده المرتب دا سئ جدا حتي لو شامل الانتقالات و و السكن و تذاكر الطيران لان اكل و شرب في الخليج مش اقل من 50 ريال/درهم يوميا و كانسان طبيعي لازم هتخرق و تروح القهوه او تتفرج علي فيلم

اي حد بنصحه بقوله حط لنفسك مصروف شهري في حدود 3 الاف وشف بقي محتاج تحوض كام و السكن علي مين و احكم.

3 الاف في الخليج زي الي بياخد 500 جنيه في مصر و عايش مع اهله يادوبك بيصرف علي نفسه