الف شكر على النصائح الغالية دى و اكتر جملة عجبتنى اعرف قيمة نفسك علشان الناس تعرف قيمتك
رقم العضوية : 78428
تاريخ التسجيل : 24Aug2010
المشاركات : 4,106
النوع : ذكر
الاقامة : ksa .geda
السيارة: Pegute 407
السيارة[2]: b.m.w 130i 2008
دراجة بخارية: mesh 3andy
الحالة :
نظرا للمواضيع الكتير البقراها فى المنتدى و غيرو عن السفر و ال offers و قصص دى
فا حبيت بقا نحكى من منطلق الماسك النار بايديه
يعنى هنحكى شويه تجارب من الماس العايشه هناك و انا منهم
مبدايا الكلام على السعوديه لان هى الاشمل و الاعم و النا فيها
يا عم يالى عايز تسافر
هو انتا شغال ايه
انا مش شغال
طيب خريج ايه
تجاره
طيب عايز تسافر تشتغل ايه اى حاجه بس امشى
مش ده حال شباب كتير
طيب نقول كام حقيقه كده عن التوظيف فى الخليج
مبدايا المكتب الوسيط
ده النتا بتقدم فيه على الشركه الجايه و بيقلولك طبعا الكلام الحمصى بتاع دول ٣٠٠٠ الف ريال يعنى ٦ الف جنيه ده مرتب دكتور
فنت تفرح احمدك يا رب ٦ الف جنيه يلا بينا
طيب يبنى هتشتغل ايه مش مهم انا اكل الظلط بس مش هسيب الراتب ده
طيب انتا راجل مهندس بقا او صيدلى و محاسب بخبره و حصل نفس الحوار
بيقلق اعمل الانتر فيو و بعدين نحدد
بص ياباشا
اى حد جاى من شركه بره يجيب موظفين
و كلامى على الشركات الكبيره مش الموسسات لان دى بتفرق كتيييير
بيكون معاك كذا نسخه من نفس العقد
اول نسخه بالمرتب الادنى و ليكن ٣٥٠٠ ريال شامل كل حاجه
فانتا تقولو قليل يقولك ده العندى
تقولو شكرا
بعدها بكام يوم يتصل بيك طيب انا عملتلك كذا ايه رايك و يقالك مش هقدر اعملك اكتر من كده
تقولو لا
و نفضل كده لحد منوصل للراتب الاساسى الراجل نازل يجيب بيه اصلن
طبعا الشغل الوسخ ده شغال اصحاب المكاتب المصرين شان الكومشن يظبوط و اهو توفير للنفقات للشركه اكنها شركه ابوه
تسال بتاع المكتب بقا هو انا هشتغل ايه
يقولوك طبعا كلام احلام
طيب الموصلات و القصص و الحواديت طبعا كلو اوفر
يجيى بقا الراجل يقولك مرتبك فى العقد كذا و بدل سكن كزا و الباقى وعود بس مش هتكتب فى العقد
يبقا كده انتا لبست يا بوب و مش هتاخد الا دول
معقول شركات مالتى ناشيونال تعمل كده
تخيل
اما الموسسات بتعمل ايه
لا انا بسمى الموسسات دى بسوق العبيد و هتفهم بعدين
طيب انا هوافق
طيب متفدنا اعمل ايه علشان ملبسش
اول شى اعرف قيمتك هيعرفو قمتك
متستعجلش فى شركات محترمه و مرتبتها هايله و منظمه بس بتحتاج وقت و رزق
فكك من المكاتب و الهطل ده و خليك فى مواقع الشركات الرسمه فى النت و خلى المكتب هو وسيط لان لازم مكتب
اوعى تتطلع على موسسه او فيزا حره و كفاله شخصيه
و لو قلك هتاخد ٢٠ الف
كفاله شركه و شركه كبيره و ليها مصداقيه و اسم
كفاله شخصيه و موسسات مغموره يبقا ممكنت تبقى مهندس و بترعى غنم عادى و مش عاجبك اشتكى
هيدفعك دم قلبك شان يديك الباسبور و هيخليك تشحت
عرفت ليه سوق العبيد
معنا كده مفيش حد ناجح هناك لا فى بس الظروف بتختلف و الوقت بيختلف و القصه يطول شرحها
يا عم المصرى الله يهديك
متجيش تبقا خريج تجاره و تيجى تشتغل فى محل عصير
يا عم بلك و الله اولى بيك لو هتروح تجيب بيبسى من الشركه و توزعو على الاكشاك
طيب دلوقتى بقا انا مهندس او صيدلى او محاسب محامى او بتاع تسويق
عايز اعلى دخلى المرتب يبقا كام و اعمل ايه
انا اقلك
ركم واحد لو متجوز رجلك على رجلها و اوعى تسافر لوحدك
اتنين عقد عاءلى شامل تزاكر سفر و بدل سكن محترم و سياره او بدل موصلات يتيحلك تجيب سياره
يعنى البكدج كام
من ٨ الف ريال الى فوق اقل من كده انتا بضيع وقت و صحه و مجهود
و حسب بقا شغلتك و مجالك املى شروطك
على فكره اكتر مجال متاح فى الخليج هو التسويق و السلز و اكتر مجال فى حركه بش فى الشركات الكبيره
شغلانات متجهاش و يقلك هتتيرقى
متجيش كاشير محاسب فى محل او موسسه بياع حرفى عامل خليك عندك وسط اهلك
تعلا مهندس على راتب ٤ اضعاف راتبك فى مصر
متضربش الراتب فى اتنين و تقولى اصلى بخاد ٢٠ الف جنيه
يعنى مفيش اجبيات فى السفر لا فى طبعا بس الموضوع لمناقشه السلطبيات و الخطوات
الصحيحه
انا سعات بيجيلى ناس المفروض انى اختار مثلا ٣ يكونو معيا فى التيم
فا بعمل مقبلات
بسمع قصص من مصرين يشيب لها شعر الراس سعات ببكى من قسوه القصص اقسم بالله
يا شاب يا باشا يا كبير متهنش نفسك بره بلدك
تعلا على وضعك تعلا بقمتك تعلا عيش فى مستوى الناس
حوار بينى و بين صديق سعودى
انا هنزل مصر اجيب ٥ ٦ عندى فى الموسسه شان محتاج ناس
هتديهم كام يا معلم
٢٣٠٠ ريال
و نزل جاب ٨
٤ خرجين تجاره و ٢ حقوق و واحد اداب فلسفه وواحد اثار
بيشتغلو ايه بقا
شيلف بوى فى سوبر ماركت
و وواحد بيرص توك و حظظات فى قسم الاكسسوار و الباقى الكشير و سواق و زى الفل
ايه رايكم حاجه تحزن صح
صديقى ده بقا معا ثانويه
هل لو راح الاردن هجيب اشباب كده
طبعا انا متعمقتش فى التفاصيل و لا فى الكلام بس للحديث بقيه ان شاء الله
تحياتى
كولو بالحنيه بيفك مع تجيات جمعيه حنينها قبل متحلبها
رقم العضوية : 24572
تاريخ التسجيل : 08Nov2008
المشاركات : 1,090
النوع : ذكر
الاقامة : World's Mother
السيارة: NONE
السيارة[2]: Nissan Sunny
دراجة بخارية: NONE
الحالة :
الف شكر على النصائح الغالية دى و اكتر جملة عجبتنى اعرف قيمة نفسك علشان الناس تعرف قيمتك
رقم العضوية : 30921
تاريخ التسجيل : 23Jan2009
المشاركات : 4,877
النوع : ذكر
الاقامة : KSA
السيارة: kia rio 2001
السيارة[2]: Lincoln Town Car 2001 4.6
دراجة بخارية: لايوجد
الحالة :
الله ينور عليك
واضح يا استاذ minicooper20 انك شغال في شركة كبيرة ومحترمة
وده باين من كلامك في اكتر من موضوع عن الشغل في السعودية
لكن عايز اقولك مش كل الشباب بنفس خبراتك ومكانتك ومش كل الشباب بيتعرض عليهم وظائف من شركات لان اغلب المعروض مؤسسات وهنا بقى انت وحظك وبرضه تاخد حذرك يعني نسال كويس عن الكفال ونظام الشركة
انا ما انكرش ان في قصص تشيب وفي مآسي
لكن الفترة الاخيرة شوية الوضع بقى احسن
انت متابع تطور نظام العمل هنا في الفترة الحالية؟
عموما بعض الايجابيات اللي حضلت في الفترة الاخيرة من وجهة نظري كالاتي :
1- مش هتاخد التأشيرة على الباسبور بدون ماتقدم عقد عمل موثق للسفارة السعودية في مصر وكل عقد وكل وظيفة ليها شروطها والحد الادنى للراتب- ده مكانش بيحصل قبل كده وكانت الناس بتيجي بدون عقود وتلبس في الحيط
2- في حالة ان الشركة نطاق احمر يعني لا تلتزم بقانون السعودة تنقل كفالة فورا من عليها دون موافقة الكفيل وتجمد جميع مصالحها في مكتب العمل والجوازات
3- في حالة عدم استلام الراتب لمدة 3 شهور يحق لك فورا نقل كفالة بعد الشكوى في مكتب العمل مع الاحتفاظ بحقك في المطالبة بحقوقك من الكفيل القديم - وحقك هيوصلك اكيد بس محتاج شوية صبر - دي تجربة واقعية انا عيشتها هنا مع صيادلة
4- في حالة رفض الكفيل تجديد الاقامة لمدة شهر بعد انتهائها تنقل كفالة فورا دون موافقته ايضا مع الاحتفاظ بكافة حقوقك ومتطلباتك
5- السماح بتغيير المسمى الوظيفي للمهن ده حل مشاكل كتيرة جدا خصوصا في استقدام الاسرة والزيارات العائلية - بس صراحة المصري هو اللي بيرخص نفسه لما يكون مهندس ويوافق يجي على وظيفة عامل مواشي
6- القانون الذي يناقش حاليا انه بعد انتهاء مدة العقد يحق للعامل نقل كفالة بدون موافقة الكفيل الحالي بشرط توفر تاشيرة لدى الكفيل الجديد وفي حالة عدم وجود عقد يعتبر نهاية ترخيص العمل هو نهاية مدة العقد
عموما الروتين والاجراءات هنا شوية طويلة ومملة ومحتاجة صبر وهتاخد حقك بامر الله بس عموما خلي هدفك الاول في حل اي مشكلة هي الود والتراضي مع بعض التنازلات البسيطة
اخيرا عايز اوضح شيء
قبل كل شيء ده توفيق من عند ربنا
ماترخصش نفسك وتقبل باوضاع مهينة
عقدك تكتب فيه كل شيء بالتفصيل الممل لانك مش هتاخد غير ده
اقرأ قانون العمل السعودي كويس
اسال عن الشركة كويس قبل ماتشتغل فيها سواء مؤسسة او شركة
رقم العضوية : 3275
تاريخ التسجيل : 18Nov2007
المشاركات : 1,753
النوع : ذكر
الاقامة : حاليا ... السعوديه
السيارة: لايوجد
السيارة[2]: إسبرانزا 516 2012
دراجة بخارية: لايوجد
الحالة :
اؤيدك في كل كلمه قولتها ... انا عايش ف السعوديه من 8 سنين .. وفعلا الغلابه بينضحك عليهم كتير قوي .. وفي ناس بتبص للسفر انه هو الخلاص من كل مشاكله وفاكر انه رايح بلد محترمه او عند ناس تعرف ربنا اصلا .. مايعرفش ان جزمة اقل واحد ف مصر برقبة السعوديه كلها .. ونرجع ونقول الحوجه مره .. ماهو انا عاطل ومش لاقي شغل او بمعنى اصح مش عارف الاقي شغل بنص المرتب بتاع السعوديه اعمل ايه ؟ اقولك انا .. تسافر ماشي مش عيب .. بس تسافر صح... عقدك وحقوقك وكل حاجه تبقى سليمه 1000 % لانها حتى وهيا سليمه بيطلع عينك هنا عشان تعرف تاخد حقك ... مابالك بقى لو مش سليمه !!!!
والافضل من كل ده انك تخلي السعوديه اخر حاجه في اختياراتك يعني لو جالك شغل ف البحرين مثلا ولو مرتبه اقل شويه من السعوديه روح ( مع ان اقل مرتبات ف الخليج اصلا هيا مرتبات السعوديه يعني) السعوديه والكويت تحديدا وضع خاص عن باقي دول الخليج ... لازم يتوصفوا باقذر الاوصاف اللي ممكن تجيبلي وقف نهائي من المنتدى .. يلا .. ربنا عالم باللي ف ضمير الواحد.
أنا لا أعطي مفتاحين لأحد :
مفتاح سيارتي ......
ومفتاح قلبي .......
رقم العضوية : 78428
تاريخ التسجيل : 24Aug2010
المشاركات : 4,106
النوع : ذكر
الاقامة : ksa .geda
السيارة: Pegute 407
السيارة[2]: b.m.w 130i 2008
دراجة بخارية: mesh 3andy
الحالة :
تحت امرك
تحياتى ليك ياباشا
انا معتبرش شغال فى السعوديه او شركه سعوديه انا سغال فى شركه اروبيه ليها شغل فى السعوديه
بالنسبه للقوانين انا متابع بس كول ده شان السعوده تزيد و متبقاش نسب وهميه و انتا سيد العارفين
انا عن نفسى غير سعيد بالمره هنا لاكن باب الرزق ميتقفلش و انا اصلن بفكر فى شفتانج للكرير كولو لانى قرفت
انا بكلم الناس هنا تحسبها بالعقل و تسال لان الماءسى كتير
تحياتى
معلش يا باشا
انتا خدت ذنب كل السعودين كده قول الا من رحم ربى
كل مكان فى الوحش و فى الحلو
و هنا مكان رزقك يبقا ليه تكون ناقم عليه
طيب بقالك ٨ سنين ليه و انتا كاره الموضوع كده
انتا مجال عملك ايه يا باشا
كولو بالحنيه بيفك مع تجيات جمعيه حنينها قبل متحلبها
رقم العضوية : 50256
تاريخ التسجيل : 18Oct2009
المشاركات : 1,697
النوع : ذكر
الاقامة : .
السيارة: .
السيارة[2]: .
دراجة بخارية: .
الحالة :
الله ينور يا كبير
طبعاً انا معاك في كل كلامك ومعاك ان احنا اللي عملنا في نفسنا كده او بمعني اصح رخصنا نفسنا
عارف انا والدي في السعوديه بقاله بتاع ١٦ سنه وانا بقالي ٣ سنين متخرج وبتتطط من شغل تعبان لشغل خاص
لغاية دلوقتي ملقتش الفرصه المناسبه اللي تستاهل في حين ان ليا صحاب كتير سافرو بسرعه وبسهوله جداً بس اكيد عارف الوضع ايه
انا مش عارف اوصلك الكلام بس اكيد انت هتفهمني
رقم العضوية : 131031
تاريخ التسجيل : 07Nov2012
المشاركات : 2,303
النوع : انثى
الاقامة : https://t.me/pump_upp
السيارة: 82418712244
السيارة[2]: BMW E90
دراجة بخارية: CharlesBoazy
الحالة :
موضوع ان احنا مرخصين نفسنا صحيح لكن مش 100% لكن الأصح أن بلدنا هي اللي مرخصانا. لو عندك فرصة عمل في بلدك بنص الراتب مش هتروح أي مكان و لا تسيب أهلك و لا تتغرب.
رقم العضوية : 146621
تاريخ التسجيل : 27Jul2013
المشاركات : 1,357
النوع : ذكر
الاقامة : Dubai
السيارة: Porsche Cayenne Turbo S
السيارة[2]: Range Rover SPort
دراجة بخارية: No
الحالة :
انا سبت مصر مش علشان الفلوس علشان المجتمع للاسف
الفلوس مش كل حاجه فى اى بلد لكن الاحترام هو اهم حاجه على الاقل بالنسبه ليا
Take it Or Leave it.
رقم العضوية : 148392
تاريخ التسجيل : 09Sep2013
المشاركات : 584
النوع : ذكر
الاقامة : الزقازيق
السيارة: نيسان التيما
السيارة[2]: هينوداي اكسل
الحالة :
كلامك في جزأ كبير من المصداقية والحكمة
انا في السعودية من 3 سنوات
هقلك نصيحة من الاخر وبجد ......كل ما صاحب العمل او الشركة لقاك عندك شخصية قوية وبتتكلم في كل كبيرة وصغيره وبتطلب حقك وبتوضحله نقاط قوتك فين وانك مش هتسيب حقك .......بيحترمك جدا وبيديلك اللي انتا عايزة
انا جيت هنا من حوالي سنتين ونص ومكش معايا خبرة نهائي في المحاسبة ...وكنت بشوف صحابي شغالين علي 2000 ريال واللي يعني بورم ومعاه خبرة سنة شغال علي 2500
مش هقلك انا بدأ شغل علي كام الحمد لله بس يكفي اني اقلك اني اول تعين ليا في الشركة كان الفرق بين راتبي وراتب المدير المالي 1500 ريال ....!!!
وهقلك لية كدا ...لاني لما روحت عملت الانترفيو ....الحمد لله عرفت اوضحلة اية نقاط القوة عندي وكنت باخد من كلامة نقاط ضعف الشركة واحاول ابينله اني اقدر احلها ...وانا اللي قلتلك انا عايز راتب كذا وبدلات كذا والعقد كذا ...قللي طيب هنرد عليك ... قلتله اوك وسيبته ومشيت بعدها كلمني تاني والحمد لله بدأت
ودلوقتي نقلت منهم بعد سنتين بنفس المميزات الحمد لله او اعلي شوية ,,,, مع العلم اني مش خبره كبيرة اوي في المحاسبة ولا يعني جايب الديب من ديلو ......بس شخصيتك وكلامك واسلوبك اهم عامل علي الاطلاق في قوة عقدك وراتبك وبدلاتك
رقم العضوية : 148392
تاريخ التسجيل : 09Sep2013
المشاركات : 584
النوع : ذكر
الاقامة : الزقازيق
السيارة: نيسان التيما
السيارة[2]: هينوداي اكسل
الحالة :
نسيت اوضح نقطة برضو
اول مرة الشركة دي كلمتني كنت لسة رايح السعودية ...المدير بيكلمني في التليفون بيقلي بقالك قد اية في السعودية
قلتلو لسة مكملتش شهر او شهر ونص تقريبا
قللي بتعرف تسوق
قلتله اه الحمد لله
بيقلي ازاي بتعرف تسوق وانتا بقالك شهر هنا !!!
قلتلو علي فكرة اني عندي عربية خاصة بيا في مصر وبعدين هو حضرتك فاكرني مش لاقي اكل في مصر وجاي هنا عشان اشحت يعني !!! (( بنفس الاسلوب دا بالظبط ))
قللي لا لا مش القصد
قلتلو وحتى لو القصد المشكلة انكو واخدين فكرة ان كل المصريين جايين هنا عشان مش لاقين ياكلو في مصر وللاسف في ناس اكدتلكو كدا بقبولها اي شغل باي حاجة
لكن تأكد تماما ان في ناس حالها كويس جدا في مصر بس ظروفها متسمحش انو يكمل الفترة دي
وقفلنا واتفقنا نتقابل .....ومروحتش في معادي نفضت هههههههههههههه اتصل عليا مجتش ليه قلتلو مش فاضي والله للاسف لاني لسة خارج من الشغل ( كنت اشتغلت بقالي اسبوع في شركة تانية ) وكملتله ولسة مخدتش رأي صاحب الشغل اني اسيب الشغل
فبيقلي هو مش انتا فيزا حرة وتقدر تمشي من غير ما تقلوا
قلتله من ناحية اقدر اقدر ......بس انا معملش كدا ولو صاحب الشغل قللي مينفعش مش همشي ....لانك برضو مترضاش اني اعمل كدا وانا شغال معاك
قللي طيب بص تعالي اشرب معايا القهوة بس واتعرف عليك ولو مش عايز تشتغل براحتك :d
طبعا روحت قعدنا نرغي بتاع 3 ساعات ونهزر واتعينت في الشركة وبقينا صحاب التنين انا والمدير :d :d :d
المفضلات