هيا زيوت مواتير شل عمرها اطول من موبيل و لا ان بيتهيألي؟

**abulhasan** · 17-05-2009 11:39 PM

المشاركة الأصلية كتبت بواسطة yahyaelsirafy

اللينك اللي فيه معلومة ان موبيل 1 بيتغير على 5000 ميل او 8000 كيلو كان احد الاخوة الاعضاء حاطه على الموقع هنا لكن للأسف مش فاكر فين... على العموم هو في قسم الاسئلة على موقع موبيل و الكلام اللي في الموقع مترجما كما يلي :
عند التغيير من زيت عادي الى موبيل 1 قم اولا بتصفية الزيت القديم ثم ضع موبيل 1 في المحرك و قم بتغييره بعد 2500 ميل ( 4000 كيلو) و في المرة التاليه قم بتغييره على 3500 ميل ( 6000 كيلو ) ثم بعد ذلك غيره باستمرار كل 5000 ميل ( 8000 كيلو )
هو ده الكلام المكتوب في موقع موبيل...
و على فكرة يا جماعة في مفهم غلط عن الزيت.... الزيت لما ينزل فاتح معنى كدة انع مش بيقوم بجزء خطير من مهامه داخل المحرك و هو تجميع الرواسب و الكربنة و الوساخات و تنظيف المحرك...
و اذكر ان اخ لينا في المنتدى ذكر مثال جنيل لكدة ... بيقول انه لما يكون عندك شيء متسخ و تغسله بيماه فقط فأن لون المياه لن يتغير كثيرا ... لكن لو اضفت له منظفات و صابون فإن لونه سيتغير كثيرا لأنه يقوم بتنظيف هذا الشيء...
نفس الحكاية مع الزيت ... الزيت للي لونه مش بيغير ده معناه انه وحش و مش بيلم نواتج الاحتراق من المحرك.... و ده خطير جدا...

كلام صح واللى عايز معلومات أكتر فى ملف عن زيت موبيل وان حمله من الرابط أدناه
http://www.mobilegypt.com/Egypt-Engl...chure_arab.pdf

**Ahmed Hassan** · 18-05-2009 01:20 AM

المشاركة الأصلية كتبت بواسطة yahyaelsirafy

معذرة يا جماعة .... انا سامع كل الناس بتتكلم عن شل و انه احسن من موبيل ...
هل فلا شل افضل من موبيل مع افتراض ان الاتنين مش مغشوشين ....
ولا الموضوع راحة نفسية و لأن شكل عبوة الشل جامد و يحسسك فعلا انه افضل...
كنت عاوز اعرف رأيكم كمان في حكاية اللزوجة ...
شل الترا لزوجته 5w-40 و موبيل 1 لزوجته 5w-50 معنى كدة ان موبيل 1 يتحمل الحرارة اكثر من شل الترا ... مع ان الاتنين نفس السعر ... يبقى كدة موبيل 1 أفضل... و على فكرة يا جماعة موبيل 1 مش 10 آلاف كيلو ادخل على موقع موبيل و هتلاقي انه 5000 ميل يعني حوالي 8 آلاف كيلو... يعني لما حضرتك تقعد عليه الفين زيادة لازم تحس انه قفد خواصه و انت متخيل انه اتغش و مش زي الاول... و ده مش صح ... هو عمل دوره و خلص خلاص زي ما الشركة قالته....
حد يفتينا في الموضوع ده ... مع فرضية عدم الغش ... و شكرا

انا قريت اللي مكتوب على اللينك اللي حضرتك قولت عليها :

http://www.mobiloil.com/USA-English/...o_Mobil_1.aspx

اللي مكتوب مش معناه ان زيت موبيل 1 عمره 5000 ميل... هما بيدو مثال ازاي تحول من زيت معدني لزيت تخليقي في حاله لما يكون الموتور حالته تعبانه... فبيقول لو مثلا في الاحوال العاديه بتغير كل 5000 ميل... اول مره تحط زيت تخليقي غير بعد 2500 ميل... و المره اللي بعدها 3500... و اللي بعدها ارجع لمعاد تغييرك العادي اللي هوه في المثال ده 5000 ميل.

موبيل برضو بيقولو ان الفيصل في معاد تغيير الزيت هوه توصيات صانع المحرك... و دي في المحركات الجديده بتكون ما بين بين 5000 ميل (8000 كم) و 15000 ميل (24000 كم)

**yahyaelsirafy** · 18-05-2009 03:07 PM

انا قريت اللي على اللينك تاني .... و هو فعلا زي ما انت بتقول ... لكن ليه موبيل هتقولك غير الزيت على 5000 ميل و انت ممكن تغيره على 15000 ميل .... ؟؟؟
المفروض انك بتحط تخليقي عشان يعيش اكثر من العادي... في حلقة مفقودة
انا عندي في الكتالوج بيقولي حط زيت من فئة sj و هي فئة ذات مواصفات ضعيفة ... و بيقولي امشي عليه 2500 كيلو داخل المدينة و لو معظم مشيك خارج المدينة امشي عليه 5000 كيلو....
اناعن نفسي بغير موبيل 1 كل 8000 كيلو عشان اامن نفسي و اريح دماغي ب 2000 كيلو اللي هم بالنسبة لمشي مش كثير...

**MEDO80** · 29-05-2009 01:03 AM

ولاهي يا جماعة انا حاديكم مثل شفتة بعنيا واحد صحبي معاه بروتون واجا عاملة 80 الف كيلو عمل ب موبيل1 حوالي 18 الف و العربية مفيش فيها مشاكل بس بدأ صوت الموتور يعلي شوية و بقت اخشن من الاول و الزيت طبعا مية هوا عموما غيره و محصلش اي حاجة و هوا علي طول كدا عمره ما بيغير قبل ال 12 الف و الموتور دلوقتي معدي ال 100 و حالتة فابريقة و بالمناسبة الشيل الترا عمره اطول بكتير من موبيل ا علي الاقل مره و نصف و دا عن تجربة شكرا

**ghada_zaky** · 30-05-2009 10:59 PM

هو فين محطات شيل اللى فى اسكندرية ؟؟؟؟؟؟؟؟؟؟؟؟؟

**ahmadhussein** · 31-05-2009 12:12 PM

ايه اخبار كالتكس كويس ولا اى كلام

**yahyaelsirafy** · 31-05-2009 03:38 PM

استاذ ميدو 80 .... ممكن حضرتك تقولنا ازاي بتعرف ان عمر زيت شل اطول من موبيل .....
و ايه مؤشراتك على كدة .....

**toto_sh** · 31-05-2009 06:06 PM

حمرة

الطاحونة

**MEDO80** · 30-11-2009 05:40 PM

ازيكم يا جماعة
بعد طول غياب حبيت اخد رايكم في حاجة
انا كنت باحط الشيل الالترا بتاع ماليزيا و بصراحة زيت جامد جدا انا مغيره علي 13 الف و كان ممكن يكمل معايا اكتر و قد وقت حوالي 10 شهور
غيرتة من حوالي 4 شهور و حطيت شيل الترا بس الجديد الي متجمع في مصرنا الحبيبة صحيح العلبة شكلها احلي و مطمئن علشان الكتابة بالعربي بس الاداء حاسس انة اقل يعني ابسط مثال اللمبة بتاعت الزيت حاسس انها بقت تغيب علي ما تطفي مش زي الاول مش عارف لية بالرغم من اني عامل بية حوالي 5 الاف صحيح الزيت حالة كويسة و لسة نظيف و صوت الموتور مش بطال بس حاسس ان فية فرق يا ريت لو حد متابع يحكي لنا الدنيا ماشية معاه ازاي و طبعا بالرغم من كل دا بس برضة احسن من موبيل1 و الي بدات افكر فية بجدية هوا التعاون لاني باشوف زيوتهم الي هيا بتعادل الاكس اتش بي و الشيل الاصفر بتتفوق عليهم من حيث عدد الكيلو مترات و اداء المواتير باعتراف المستخدمين و السعر طبعا ارخص

**MEDO80** · 30-11-2009 05:42 PM

بالمناسبة محطة شيل الوحيدة المحترمة في الاسكندرية في سوق دربالة عن الساعة و دية انا غيرت فيها اخر مره هيا شعبية شوية بس مضمونة الي حد ما
و بالنسبة لعمر الزيت اطول علشان لونة و قوامة حتي و هو سخن دا غير طبعا اداء الموتور الي ممكن تحس فية بشوية اختلاف لو كنت راكب عربيات شعبية زي بتاعتنا كدا هيونداي و خلافة
شكرا

مشاهدة نتائج الإستطلاع: زيتك المفضل لموتور جديد

الموضوع: هيا زيوت مواتير شل عمرها اطول من موبيل و لا ان بيتهيألي؟

LinkBack

أدوات الموضوع

عرض

-

-

-

-

-

المواضيع المتشابهه

افضل زيوت لى مواتير الهوندا

ارتفاع اسعار زيوت السيارات من موبيل

التوكيل واصراره على زيوت موبيل

احذروا زيوت موبيل في البايكس

إعلانات زيوت موبيل من 65 سنة (حصري جدا)

الكلمات الدلالية لهذا الموضوع

المفضلات

المفضلات

ضوابط المشاركة