الموضوع: انجاز كبييير فى درجه الحراره

لو اى حد قالك الفيكترا b بتسخن قولوا لأ العيب عندك انته ؟؟؟؟؟؟
طب ازاااااى! بعد ما قريت المواضيع الكتير عن درجه الحراره اخدت القرار انى اعمل دوره تبريد كما يجب ان يكون المهم قولت بسم الله ودخلت على العربيه طبعا كانت بارده ودى اهم حاجه المهم اول حاجه فكيت البطاريه "مهم جدا" وبعدين القربه وغسلتها غسله محترمه وبعدين فكيت كل الخراطيم الواصله من الماتور للردياتير وقومت جايب الخرطوم موصله بحنفيه في البيت وفاتحه في الماتور المهم نزل صدى مكنتش متخيله وبعدين شيلت الخارطوم من الداخل للماتور وقمت حاطه في الداخل بتاع الردياتير وسيبته خمس دقايق يغسل لحد ما نضف جدا
وكررت الدوره دى مرتين وبعد كده نفخت في الخراطيم نزلت كل الميه اللى في الماتور والردياتير"مهم جدا " عشان ميبقاش فيه نسبه املاح وتصدى تانى وقمت مركب كل حاجه وجبت جيركن مياه خضره 10% وفضيته في القربه وزودت بميه مقطره وقفلت القربه
نيجى لاهم حاجه النتيجه الحراره مبتزدش عن 80 ومع التكيف مابتوصلش التسعين سعات بروح مشاور واجى والمروحه لسه مشتغلتش لدرجه انى شكيت ونزلت فتحت الكبوت لقيت القربه فعلا مش سخنه وفى الزحمه مابتزدش عن 88 يعنى على درجه المروحه والتكيف تبريده زاد
وفى الاخر انا حبيت اعمل الموضوع ده عشان الناس اللى بتشتكى من السخنيه على الرغم من خبرتى المتواضعه في الاوبل العربيه معايا 10 شهور بس بالنسبه لوحوش الاوبل اللى في المنتدى بس أهم حاجه والحق يقال الاوبل عربيه محترمه جدا الاهتمام بيها بيعود عليك انته في الاخر وبالتوفيق للجميع ان شاء الله