الموضوع: ليه سكرتيرة و ليس سكرتير؟

سؤال باسأله لنفسي كل مرة عميل عندنا يطلب سكرتيرة.. ليه وظيفة السكرتارية مقتصرة على الإناث دون الرجال؟ طبعا فيه بعض الرجال بشتغلوا في الوظيفة دي، انما قليل جدا و سؤالي هو ايه اللي متوفر في الست كمهارة سكرتارية مش موجودة عند الرجال عشان تبقى المهنة دي مقتصرة عليهم همه بس؟

إللي خلاني اسأل أكتر هو لما زوج صحبتي قرب يترقى و يبقى مدير فرع لشركته و لما كان بيرتب للنقل من الحاجات اللي فكر فيها هو انه يشوف له سكرتيرة و سألت نفس السؤال تاني: ليه سكرتيرة مش سكرتير؟ ليه تعارف من زمان على الوظيفة دي انها وظيفة ستات؟ على فكرة مهنيا المهارات المطلوبة للوظيفة دي لا تفرق بين راجل و ست، ده غير ان عمليا السكرتير الراجل ممكن يسد في حاجات كتير ما تسدش فيها الست زي مثلا العمل في أوقات متأخرة و القيام بمهام بتكون صعبة على الستات زي مثلا الإشراف على عمال بيعملوا حاجة معينة أو ما شابه، بالرغم من كده نادرا لما تلاقي سكرتير راجل.. حد عنده تفسير للموضوع ده؟

بصراحة أنا عندي سكرتيرة ( هندية الجنسية ) بجد على مدار حياتي العملية كنت بافضل الرجال و دي تاني سكرتيرة ليا أما الباقين كلهم رجال .
الرجال أفضل زي ما قلتم بيقعد لفترات متأخرة أقدر استدعيه في غير أوقات العمل أو أطلب منه يخرج يقضي أعمال خارجية .
مش بافضل الستات لأسباب أهمها كل يوم عندها حاجة شكل مرة تعبانة و مرة مصدعة و مرة جوزها شاخط فيها و مرة ملهاش ( خلق ) و من القبيل ده كتير بس ده بالنسبة لسكرتيرتي السابقة و كانت فلسطينية و لو مرة زعقت فيها تفضل ( تعيط ) طول النهار و تستأذن و اضطر أوافق انها تروح و كده اليوم ضاع .
بس الحالية ( هندية ) عامة لا تفرق عن الرجال من ناحية الشكل و العمل و بصراحة بتشتغل شغل كتير و سريعة جدا بس عيبها لا تعرف اللغة العربية علشان كده باعتمد على مساعدي في المراسلات العربية .
بس اجمالا أنا بافضل رجل في المهنة دي .