الموضوع: التكييف (بداية ونهاية)

المشاركة الأصلية كتبت بواسطة إبراهيم المصرى

هل تلاحظ خروج ما يشبه الدخان الأبيض من فتحات التهوية عند تشغيل التكييف؟؟ عندى الحكايه ديه ساعات يتبان وسعات مش اوى وسعات مبتبنش خالص ؟
هل كده في مشكلة ؟
مع العلم ان التبريد ممتاز
لو سمحت يا شيخ ابراهيم تقولى ولو فيه مشكلة ايه الحل ؟

الدخان الأبيض ده معناه تكون تلج علي جسم الثلاجة
هتلاحظ ضعف التبريد قليلا مع الدخان الأبيض
طالما التبريد بيبرد كويس يبقى مفيش مشكلة في الاكسبنشن فالف
غاية الأمر إن الترموستات بتاع الثلاجة مظبوط على درجة واطية فبيسقع التلاجة لدرجة تكوين الثلج
الموضوع مفيش فيه خطورة
لو مضايقك ممكن تظبط الترموستات اللي قدام الثلاجة

المشاركة الأصلية كتبت بواسطة إبراهيم المصرى

اولاً الف شكر على الرد والافاده
وثانياً ضبط الترموستات ده محتاج ايه هل اروح لبتاع التكيف واقوله اظبطلى الترموستات بتاع التلاجه ولا اعمل ايه ؟
وعندى االمفتاح اللى بيحول من الساقع للسخن والعكس مش بيجى لاخر الساقع بيقف قبل الاخر بشويه وميرضاش يتحرك هل ليه حل ؟
والف شكر يا شيخ ابراهيم على الموضوع الرائع كله وعلى ردك عليا الله يكرمك

الترموستات ده اللي هوا قدام التلاجة موجود صورته في الشرح هوا ليه مفتاح بتظبط منه درجة حرارة التلاجة
بالنسبة للمفتاح اللي بيحول من السخن للساقع والعكس لو فكيت الوش اللي فيه المفاتيح هتلاقي مسامير مجموعة التحكم هتفكها هتلاقي إن بكرة تحويل الهواء وبكرة السخن والساقع كل واحدة فيهم متصلة بترس واقف بيحرك ترس تاني نايم
اللي عندك إن الترس مرحل سنة او سنتين
هتجيب البكرة للآخر وتهوي المسمار اللي ماسك القاعدة اللي تحت وتظبط الترس بحيث يكون للآخر وتركب تاني