الموضوع: كيفية ضبط مسمارى البنزين والهواء فى اللادا 2107

انا عندى مسمار البنزين مفتوح اقل من لفه ولو زاد عن كدة يطلع هباب من الشكمان اما مسمار الهواء مفتوح حوالى 3لفات ويزيد

انا عندى مسمار البنزين مفتوح اقل من لفه ولو زاد عن كدة يطلع هباب من الشكمان اما مسمار الهواء مفتوح حوالى 3لفات ويزيد

غالباً بيك البنزين للسرعه الواطيه (السلانسية) هتلاقية متغير برقم أقل
مش مشكله المهم العربية تكون مضبوطه , و لا بتهبب و لا متكتفه و مبتسحبش

المشاركة الأصلية كتبت بواسطة Zing0

غالباً بيك البنزين للسرعه الواطيه (السلانسية) هتلاقية متغير برقم أقل
مش مشكله المهم العربية تكون مضبوطه , و لا بتهبب و لا متكتفه و مبتسحبش

طيب لو متكتفه ومتسحبش وrbmمظبوط علي 8 وصوت الموتور مش عالي وميبيترجش اعمل ايه؟؟؟؟؟؟؟
ازود هوا ولا اعمل ايه وبالتفصيل ياباشا لو سمحت احسن انا مش قادر اعرف العربيه مظبوطه كده ولا انا بيتهيئلي ولا ايه ؟؟؟؟؟؟؟؟؟؟

وهل المسمار اللي لونه ازرق وبلاستيك ده هوه مسمار الهوا ؟؟؟

تانى يا جماعة بهدوء و واحده واحده
أنا طلع عين أهل اللى ..... خلاص مش هأشتم , بس تعبت جداً علشان أحاول أفهم البتاع اللى إسمه كربراتير. و مش هأدعى أنى فهمته بس بشارك "بالجزء البسيط" اللى ربنا أعاننى و قدرت أفهمه, النت كله مفيهوش و لا فيديو عربى و لا إنجليزى بيشرح الكربراتير فك و تركيب و تنضيف و ضبط, مفيش غير بالروسى عاليوتيوب . و كل واحد و ثقافته !!!!
=========================
الكربراتير هو عبارة عن مسارات (مواسير رفيعه) بتخلط البنزين بالهوا بنسب معينه (تقريباً 1: 14.7) علشان يتم الإحتراق بشكل كامل دون ترك آثار للحريق.

و ده بيتضبط عن طريق حاجتين
1- بيك بمقاس مضبوط (و ده فى الكتالوج معروف و تسأل عليه محمد طلبه أو حمدى لادا أو أى حد فى محلات سيد نصار - أى حد متخصص لادا هيدلك) و ده عليه العامل الأكبر فى الإستهلاك.
2- فتح و قفل مسامير الهوا و البنزين (و ده بيضبط الخليط بنسبة بسيطه)

الصح لو ألتزمنا ببكات الفابريكا, يبقى الضبط زى مشرحت فى المشاركة السابقة (و على فكرة ده مش فتى من عندى ,دى ترجمة من مواقع أجنبية بتشرح ضبط الكربراتير)

طيب أيه الحاجات اللى لازم نثبتها قبل الضبط
أولاً تضبط الكهربا عالشعرة, و دى ليها حوار تانى بتتضبط بلمبه 5 وات علشان تبقى عالمضبوط لا مقدمه و لا مأخره.
ثانياً بيك السلانسية (و ده المسمار الكبير اللى فى الصورة رقم 4) ليه مقاس برضو فى الكتالوج (50) و ده اللى كل شوية يتسد و نفكه ننضفه و نركبه تانى, ده لازم يتربط للآخر (من غير تحريق علشان منبوظش المسمار أو القاعدة)
ثالثاً تتأكد إن مفيش بوابات معلقه, خاصة بوابة السرعة العالية.
رابعاً مسمار الصد (رقم 3 فى الصورة) تفكه شوية , و ترجع تربط لحد "ميلمس" الذراع اللى وراه, يلمس بس مش يحرك.
خامساً و ده الأهم, يكون الكربراتير نظيف (مش بيلمع يعنى) بس مساراته سالكه مش مسدود يعنى.

بعد كده تسخن عربيتك و بسم الله و تضبط
===========================
مسامير الضبط فى اللادا زى أى مسامير أو صواميل, مع عقارب الساعه (ربط/ تقلل) - عكس عقارب الساعة (فتح/ تزويد)

فى الصورة
1- بنزين
2- هوا
3- مسمار صد
4- مسمار بك السلانسية

انا ملاحظ انى لما باربط مسمار الهوا للاخر و افتح البنزين لفة واحدة العربية بتبقى مية مية....دة يبقى ايه؟

السلام عليكم
ممكن أخ فاضل يرفع لنا صور كاربراتير لادا 2107 بالتفصيل و يشاور لنا على مسامير الهوا والبنزين والسلانسيه بيبقوا فين بالضبط مع التوضيح عالصور لأنى بضبط دوران المحرك على مسمار واحد فقط
وده موجود تحت العمة مباشرتا من ناحية البطارية ومش عارف بصراحة ده بتاع ايه بالضبط
هل هو بنزين أم هوا أم سلانسيه
لكم جزيل الشكر

نا ملاحظ انى لما باربط مسمار الهوا للاخر و افتح البنزين لفة واحدة العربية بتبقى مية مية....دة يبقى ايه؟

ده معناه إن الكربراتير بيأخد هوا من مكان تانى غبر عمة الهوا (فيه تنفيس يعنى)
و ده ممكن يكون من:
- جوانات الكربراتير (جوان النص و جوان القاعدة) و دول يتربط عليهم حلو, جوان القاعدة تربط الـ 4 مسامير اللى موصلة الكربراتير بالمنافولد بمفتاح 13, و جوان النص بتربط المسامير اللى فى الكربراتير من فوق بمفك صليبة.
- تسريب من مسمار السلانسية (رقم 4 فى الصورة), يتفك و تنفخ فيه علشان تسلكه و تربطه للآخر, لو مش مربوط للآخر هيسرب هو و يأكل بنزين.
- تكشف على خرطوم السيرفو بتاع الفرامل لو مش مربوط كويس أو مشقق و بيسرب هوا.

السلام عليكم
ممكن أخ فاضل يرفع لنا صور كاربراتير لادا 2107 بالتفصيل و يشاور لنا على مسامير الهوا والبنزين والسلانسيه بيبقوا فين بالضبط مع التوضيح عالصور لأنى بضبط دوران المحرك على مسمار واحد فقط
وده موجود تحت العمة مباشرتا من ناحية البطارية ومش عارف بصراحة ده بتاع ايه بالضبط
هل هو بنزين أم هوا أم سلانسيه
لكم جزيل الشكر

باشا الصورة فى ردى السابق و عليها الأرقام و كل رقم موضح ده مسمار أو بيك أيه.
اللى حضرتك بتلعب فيه ده مسمار الهوا, و ده المفروض متلعبش فيه كتير, يتضبط مع مسمار البنزين (علشان تضبط النسبه بينهم) و بعد كده متجيش جنبه خالص, لو عاوز تعلى السلانسية سنه من مسمار الصد.

و أى خدمه