الموضوع: حاسس بنااااااااااااااااااااااا ااااااار

انا افهم ان حد يزعل علي بنت فرصه وبيحبها وللاسف تكون بتحب واحد تاني.. لكن واحده اساسا انت مش مقتنع بيها وفسخت خطوبتك بكامل ارادتك تزعل نفسك ليه؟
الحياه اقصر من انك تكدرها ببنت فالصو.. في بنات كتير ف انتظارك احسن منها فمتتأخرش عليهم.. وحقك منها ربنا هيجبهولك لغايه عندك"عن تجربه والله عمرها ما خيبت معايت"
هي اصلا هتغير لما تلاقي انك ارتبطت بواحده احسن منها وانها عايشه اسعد منها

المشاركة الأصلية كتبت بواسطة a7medsh3rawi

فى حاجه مش مفهومه فى الموضوع دا
هى وافقت عليك وما اعترضتش على الجواز منك وفى نفس الوقت بتكلم ابن خالتها
طيب ليه ما قالتش ليك انها مش عايزاك او تقول لاهلها
وبعد ما انت عرفت بالصدفه وصارحتها وفسخت الخطوبه معاها هى ما اعترضتش برضه
وكمان اتخطبت لابن خالتها

لازم تعرف السبب منها او من ابن خالتها
انا مستغرب زيك من الموضوع دا لانه غريب شويه
من رأيي تروح زياره ليهم وتتفاهم معاهم علشان تستريح وتسمع منهم

ربنا يعينك ويبعد عنك كل شر ويسترها علينا
انتم السابقون ونحن اللاحقون

هي وافقت بكامل ارادتها وكنا متفقين علي الخطوبه قبلها بسنه تقريبا ولما سالتها عملتي كدا ليه مره تقولي اصله قالي انه بيحبني من زمان ومره تقول انا اتغريت في نفسي لما لقيت اتنين عاوزني ومره تقول شيطان مبررات كتير وبعد فسخ الخطوبه هي حاولت نرجع لبعض تاني وتقولي هو غيران منك عشان ربنا مديك كل حاجه الناس بتبص للظاهر ومش عارفين المشاكل والقرف اللي عند الناس والحق يقال انه اتقدملها بدون موافقه ولده وولدته واخواته وهما اتاسفوا علي اللي حصل منه

حاولت كتير افهم حقيقة احساسك بس مش قادر افهم انت زعلان ليه
انت زعلان علي مين بالظبط
انت كل ما هنالك انك كنت هترتبط بإنسانه خاينة وربنا كرمك والموضوع ما كملش وده فضل ونعمه من ربنا
والاتنين اتجوزوا بس صدقنى الاتنين هيخونوا بعض لان الخيانة طبع
الحاجة الوحيدة المنطقية انك زعلان على شكلك امام العائلة والاسرة وده برضه مش مفهوم كل الناس هتقول انك حد محترم وهما ناس مش محترمة وانت الكسبان
تفتكر لو جمعك مكان واحد معاهم الناس الى عارفه القصة هتقول ايه ؟؟
في الاول والاخر احمد ربنا على ان الموضوع باظ ودور على بنت الحلال الى تكمل معاها حياتك

عايز تنتقم بجد انساها خالص سواء هي ولا ابن عمك

مفيش حاجه بتحرق الدم وتخرج اسوء مافي الناس اد التجاهل

انا او مكانك هتجاهلهم بس بعد ماحرق دمهم واحضر خطوبتهم

موضوع حضور الخطوبه او الفرح مستحيل لان الدنيا مولعه نار والله كل الموضوع اني صعبان عليا نفسي اوي ان يتعمل معايا حاجه زي دي