أثناء قيامي بالصيانة الدورية لسيارتي العزيزة (تغيير فلتر هوا + تنظيف عمة الهوا + تنظيف البوابة)
وبعد شوية investigation لاحظت الأتي
1- وجود تسريب بنزين عند مدخل البنزين لمسطرة الرشاشات
كنت اتكلمت في الموضوع دة مرتين قبل كدة في موضوعين مختلفين - أول مرة قصيت الحتة المقطوعة (كانت قطع طولي عند الفوهة "زي البتنجانة لما تتقطع من ست البيت وهي بتأورها " - ثاني مرة غيرت الكوليه لأنه كان مفوت وبيهرب بنزين)
في المرتين كانت شكوتي ان العربية بتسحب كمية بنزين فظيعة
المرادي لقيت بردو الكوليه مهرب وربطت عليه جامد جداً - بالأضافة ان الخرطوم مشقق "بس مش بيسرب بنزين" والله اعلم بيسرب مع الضغط الشديد عليه ولا لاء
وعشان كدة هجرب الأول اغيره وامشي عليه يومين ثلاثة واشوف الدنيا فيها ايه
2- فكيت غطاء وش الأسبراتير (كوباية الأسبراتير) لقيت الموصلات connectors بتاعتها مملحة "بس مش متأكلة"
لقيت جسم الكوباية من جوة فيه بعض التقرحات "اجزاء لونها ابيض ناتجة عن سوء التوصيل bad connector"
+ لقيت كمان الموصل connector الأوسط "الجاي من البوبينة" مبوش وبيروح يمين وشمال "بس سوستته شغالة"
بالأضافة ان الشاكوش متأكل من الراس بتاعته والconductor بتاعه متأكل ومملح
ان شاء الله بردو نويت تغيير الغطاء والشاكوش
وجاري التجربة
بجانب طبعاً تقريط وتربيط علي مسامير قواطيش البطارية = لأن العربية مرتين تقطع اثناء الدوارة بسبب القوطاش الكهرباء مش مربوط كويس
دعواتكم لي بالتوفيق
وتحياتي لكل من شارك في الموضوع واللي بيشارك بالرسايل فقط
والله المستعان
،
،
المفضلات