العربية لسة بتنخع - ابيزا 99 محرك 1.4 mpi

**Karim Ibiza** · 16-06-2014 12:14 AM

المشاركة الأصلية كتبت بواسطة Ahmedhk

شكرا للشرح الوافي طيب الهواء اللي بيدخل من زور العمة انا عندي زور العمة ده اخره لازق في العلبة اللي في ظهر الفانوس فبحس ان الهواء مبيقدرش يدخل فهل كده وضعها صح ولا هي مفروض تكون عاملة ازاي انا حاولت ادور على صور عشان اشوفها معدولة عندي ولا لأ انا ان شاء الله هصورها ال ما انزل.
شكرا.

متقلقش, كل حاجة محسوبة
انا عربيتى كانت كده برده

الهواء بيدخل بكمية محسوبة واللى بينظم الكمية دى هو حساس الاير ماس او الـ MAF Sensor وفى الحقيقة الهوا مش هو اللى بيدخل بمزاجه, الهوا بيتشفط, البوابة لما بتفتح بتشفط كمية الهوا اللى هى بتحتاجه

**Karim Ibiza** · 16-06-2014 12:24 AM

المشاركة الأصلية كتبت بواسطة ahmedhk

تمام كده بس ده مش نفس شكل الماتور بتاعي و انا هنزل صورته ان شاء الله
و شكرا مرة ثانية للشرح.

انا عارف انه مش نفس موتورك
انا حبيت انزل الصورة اللى قصدك عليها بتاعة زور العمة اللى فى ضهر الفانوس واطمنك انها مش عندك لوحدك

**SYD** · 16-06-2014 12:31 AM

المشاركة الأصلية كتبت بواسطة Ahmedhk

فيه خرطوم عندي طالع من الماتور بيركب في الماسورة بتاعة عمة الهواء انهردة قبل ما ادور حسيت انه مفكوك فزقيته لجوا و دورت تمام و لكن بعد فترة فصلت ممكن اعرف الخرطوم اللي بيتوصل بعمة الهواء ده فائدته ايه وهل ليه علاقة بالتبطيل و عدم الدوارة
يعني لو فكيته و سديته بصبعي هل العربية مش هتدور
الماتور 1400

المشاركة الأصلية كتبت بواسطة Karim Ibiza

ده خرطوم فايظ الزيت او بخار الزيت ووظيفته انه بيدخل بخار الزيت اللى بطبيعته بيكون هوا سخن للبوابة عشان يوصلها الهوا اللى بتحتاجه عشان عمليه تحضير خليط البنزين والهوا بالاضافة طبعا للهوا البارد اللى بيدخل من زور العمة
وبعد ما بيدخل بخار الزيت بيعدى على فلتر الهوا اللى بدوره بيقوم بفلترة البخار ده من الزيت والاتربة عشان متدخلش على البوابة, ومع ذلك بيدخل جزء بسيط من بخار الزيت على البوابة وده بيقوم بتزييت البوابة

لما الموتور بيكون خفيف او بياكل زيت بيكون من الافضل اننا نشيل الخرطوم ده لأنه بيغرق العمة والبوابة زيت وبيخلى العربية تلخبط

كلام سليم 100%
أحب أضيف ان بخر الزيت كمان دة بيزيت الصبابات
لكن زي كريم ما قال - لو زاد عن الحد بيبرجل الدنيا - لكن نسبة البخر الخفيف بتلين البوابة والصبابات

انت لو ركزت في العمة هتلاقي ان بخر الزيت دة بيترشح من خلال فوهة في العمة راكب عليها جوان مطاطي عشان ما يبقاش سايل ويبوظ فلتر الهوا

تحياتي

**SYD** · 16-06-2014 07:26 AM

المشاركة الأصلية كتبت بواسطة Karim Ibiza

ربنا معاك

انا كنت قولتلك قبل كده ان النتشة دى سببها ان هتلاقى بوجيه طايله زيت بس من الواضح ان عندك كذا حاجة هى اللى بتعمل النتشة دى وده نتيجة اهمال الصيانة الدورية فى الفترة اللى فاتت
ان شاء الله تبقى حاجة بسيطة

ربنا كريم
لا الحمدلله البوجيهات خارجة جافة تماماً (رغم شكلها الزبالة)
بالظبط كدة
عندي اكثر من مسبب للنتشة بجانب النخعة
شكوكي تنحصر في ..
1- بوجيهات وكل قصة الأشعال (سلوك وغطا اسبراتير وشاكوش)
2- فلاتر وتنظيف بوابة وسيرفيس
3- طرمبة بنزين وكل قصة الأمداد من مسطرة ورشاشات وفالف الراجع
4- حساسات (كرنك - tps - map)

بعد أختبار الطرمبة ان شاء الله مش هيتفضل غير اني اعمل scan واشوف الحساسات
بس انا اخر مرة عملت فيها سكان ماكنتش مسجلة اعطال وكانت الدنيا في منتهي الطراوة

ربنا يسهل

**SYD** · 16-06-2014 09:21 AM

الحمدلله رب العالمين النهاردة الصبح اختبرت الطرمبة وبفضل الله تعمل بكفاءة بنسبة حوالي 80%
الاختبار انك تخنق علي خرطوم الامداد اللي بيغذي المسطرة ببنسة - بتضغط عليه بحيث تخنقه بنسبة مثلا 70% لمدة 10 ثواني - لو العربية فضلت دايرة بدون برجلة او ارتفاع في صوت المحرك (رفع عدد لفات المحرك RPM) يبقي الطرمبة تمام
لو بطلت خلال ثانيتين او 3 يبقي الطرمبة مسافرة

كدة فاضلي انظف رشاشات ودورة البنزين وغالبا هنظفهم بالمنظف STP Complete Fuel System Cleaner
وربنا يسهل وتطلع العيب سدد في احد الرشاشات
ﻷني شاكك في الرشاشات وغالبا هغيرهم

تحياتي للجميع وشكرا للمتابعة

**hossamalsadik** · 16-06-2014 07:50 PM

لله ينور ربنا ييسرلك الحال

**SYD** · 17-06-2014 12:47 PM

المشاركة الأصلية كتبت بواسطة mohammad isdf

الله ينور يا رجالة ما شاء الله

المشاركة الأصلية كتبت بواسطة hossamalsadik

لله ينور ربنا ييسرلك الحال

وعليكم

شكراً للمتابعة

**SYD** · 17-06-2014 12:54 PM

المشكلة دلوقتي الوضع بقي أسوء 100 مرة من امبارح
العربية بتموت مني ومش بترضي تجري غير بعد عناء
تنتيشة ورجرجة علي الأول والثاني ولحد الخامس
ضعف شديد في السحب

كل دة كان امبارح وانا مروح من الشغل

النهاردة الصبح وانا رايح الشغل
تحسن بسيط
علي الأقل اختفت النتشة والرجرجة

هقابل النهاردة المهندس ايهاب وهنفحصها سوا ان شاء الله

دعواتكم بالتوفيق

-

-

الموضوع: العربية لسة بتنخع - ابيزا 99 محرك 1.4 mpi

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عربيتي جابت اسطوانة - ابيزا 99 محرك 1.4 mpi

تقرير تغيير طقم الدبرياج - ابيزا 99 محرك 1.4 mpi (سلسلة الأبيزا عربية أعتمادية)

محرك جديد لجيلى ايمجراند محرك ا 1300سى سى تيربو 131 حصان

ماذا تعرف عن كارل ديزل مخترع اول محرك ميكانيكي وأول محرك سيارة ؟

هل نطفى محرك العربية اول ما نقف ؟؟

الكلمات الدلالية لهذا الموضوع

المفضلات

المفضلات

ضوابط المشاركة