الموضوع: دعوه للتفكير وليس موضوع سياسي او خناقة

المشاركة الأصلية كتبت بواسطة eng f3lix

انا احب اوجه رسالة للناس .. شوف مين اللي كدب عليك واوعى تصدقه مهما وعد لانه هيكدب مرة واتنين وتلاتة

مقاطعة الانتخابات مش هيا الحل .. لازم تنزل تقول رأيك عشان كل طرف من ال2 يعرف حجمه الحقيقي وشعبيته

حضرتك مش ملاحظ أن كلامك متناقض مع بعضه ؟؟
السيسى اقسم بالله ماهو مترشح ولا له طمع ف السلطة وهو الآن ف السلطة .
ربنا ينور بصيرتك وبصيرة الجميع .

المشاركة الأصلية كتبت بواسطة 4fun14

اسف يا باشا معرفش انك هتاخد الكلام بحساسية انا مقصدش حد شخصيا انا بقصد الحاله العامه.. بعتذرلك تاني

حصل خير

المشاركة الأصلية كتبت بواسطة karim_monir

دي رسالة ودعوة للتفكير وليس دعوة للتناحر لاني هاحذف اي تعليق يدخلنا في نزاع وخلاف ده وقت وحدة الصف

ا/ كريم .. ارك تحرث في البحر .. اصبح بيننا .. من يرد لك الشهادتين .. و يقبل منك الاصابع !

برجاء غلق الموضوع لان المصريين عامة لا يعرف التحاور بهدوء حتى لو معهم اعلى الشهادات و الحكاية مش ناقصه

المشاركة الأصلية كتبت بواسطة reda elgohary

حضرتك مش ملاحظ أن كلامك متناقض مع بعضه ؟؟
السيسى اقسم بالله ماهو مترشح ولا له طمع ف السلطة وهو الآن ف السلطة .
ربنا ينور بصيرتك وبصيرة الجميع .

انا اصلا كلامي عن العاطفي

انا شايف ان الموضوع بسيط جدا وهو كالتالى:
ناس شايفة السيسى هوا البطل المنقذ اللى خلص البلد من الاشرار الاخوان وهما عايزينه يبقى الريس علشان نهوض البلد هيبقى بيه وبالجيش ودول هينزلوا يصوتوا للسيسى

ناس شايفة ان ثورة 25 يناير هتندفن بالحيا لو السيسى مسك والديموقراطية هتنتهى والفساد هيرجع ولواءات الجيش والشرطة هيبقى فى ايدهم مصير البلد وده هيأدى لان البلد تكمل انهيارها اللى بدأ فى اواخر عصر مبارك .. دول عايزين بلد محترمة يحكمها الأكفاء من شعبها مش الاقوياء من جيشها وشايفين الأمل فى حمدين فهينزلوا ينتخبوا حمدين

ناس شايفة ان اللى بيحصل دلوقتى مسرحية الممثل البطل فيها الجيش والمتفرج اللى بيدفع فلوس امريكا واوروبا والشعب كله بيلعب دور الكومبارس وان لا السيسى ولا حمدين ينفع يبقى رئيس مجلس محلى مش رئيس دولة ودول هايقاطعوا

وكل التلات اصناف اللى فوق دول عارفين ان السيسى هوا اللى هايكسب منهم اللى مبسوط زى ما الاهلوية ما بيفرحوا انهم خدوا الدورى رغم ان الاهلى كل سنة بياخد الدورى ومنهم اللى هايحس بالظلم رغم انهم لو عادوا الانتخابات الف مرة مرشحهم مش هايكسب والصنف الاخير مش فارق معاهم لانهم عارفين كويس ان منصب الرئيس مش هوا اللى بيفرق ولكن النظام بكامله سواء النظام اللى اتكون بعد الثورة (25 يناير) وتوجهاته هوا المشكلة وهوا اللى لو وقع منه عضو بيقدم عضو تانى او النظام العالمى المؤمن بان الاصلح من يستطيع احداث التغيير على الارض

المشكلة ان كل طرف من الاطراف الثلاثة خاصة الطرف المؤيد للسيسى بالاضافة للطرف الرابع وهوا الاخوان (اللى ليهم معادلة مختلفة تماما عن اللى مكتوب فوق وايديولوجية و اهداف خاصة فى عقيدتهم) بيحاولوا يضغطوا (مش يقنعوا) الاخرين لقبول ما يريدونه وهنا بتحصل الاحتكاكات والشتائم وشغل العيال

هاينزل ناس كتير الانتخابات وهينتخبو السيسى باغلبية ساحقة ...... السؤال هل فعلا السيسى ونظامه الجديد هيعرف يعمل اللى معرفش مبارك وجمال وشيلتهم يعملوه ولا الامور هتزداد سوءا وتعقيدا .... بلاش خناق وتراشق ملوش لازمة و كل واحد يمشى حسب ما يرتاح اليه ضميره وبعد كده ننتظر القادم.