الموضوع: رايك اية في التجنيد الاجباري

المشاركة الأصلية كتبت بواسطة r0xer

طول ما في بلد عالشرق فوق اسمها اسرائيل لازم يبقى في تجنيد اجباري...واللي مش عاجبه البلد يسيبها ويمشي لان مش على اخر الزمن شوية عيال ضربو برشامتين وقروا كتابين افتكروا انهم فلاسفة وعارفين الحرية والديموقراطية والشعب كله جاهل....شرف لأي حد انه يخدم في الجيش المصري واللي مش عاجبه يسيبها ويروح قطر من الاخر.

انا مش عارف اقولك ايه بصراحة

بس طول ما احنا عايشين فى نظرية المؤامرة ديه و قطر و تركيا و الهبل ده و الله ما هنطلع خطوة لقدام

و اللى عاجبه حال البلد ديه دلوقتى يبقى لازم هو اللى يراجع نفسه .. لما امشى فى الشارع ابقى خايف عيل ضارب برشامتين يهدد اسرتى و يثبتهم عشان شرطة مش راضية تشوف شغلها .. لما كهربا تقطع كل يوم تقريبا .. لما ملاقيش اى خدمات .. لما الاقى مصريين بيقتلوا فى بعضهم .. مفروض انى ابقى مبسوط و اقول ام الدنيا اه و على فكرة عشان ترتاحوا اه فعلا معظم الناس الكويسة بدأت تفكر انها تسيب البلد ..

اقولك على حاجة يا باشا ما تروح تطوع فى الجيش و تنول الشرف العظيم و يا سلام بقى لو رميت العدو الاسرائيلى فى البحر

طبعا موافق على الخدمة العسكري الأجبارية
تتوافق أكثر مع الطبيعة المصري و تتوافق مع ظروف الشرق الأوسط و المنطقة العربية .

اللي ينكر المؤامرات التي تُحاك للعرب و المسلمين جميعا يبقى مش شايف الحقيقة و بلاش أقول عليه جاهل .
و اللي ينكر أننا بنساعد المؤامرات دي تنجح برضه يبقى مش شايف الحقيقة .

في النهاية أنا مش عايز أخرج بالموضوع لأي توجه سياسي حالي في البلد و لا أملك إلا أن أدعوا أن تتآلف قلوب المصريين على حُب بعض .

على فكرة
مصر بتعوض التفوق التكنولوجي الأسرائيلي علينا (بسبب دعم امريكا و اوروبا اللانهائي لهم ) بالعدد
و خسائرنا في 73 العددية من أكبر الدلائل على ذلك .

تم ذكر موضوع العراق في الموضوع

العراق دخل في حرب مع ايران لمدة 8 سنوات متواصلة (تم أنهاك الجيش فيها و مقدرات البلاد الأقتصادية - و دي برضه كانت مؤامرة امريكية للتخلص من نظام ايران المعادي لها )

و بعدين العراق دخل الكويت ...... و حارب تحالف كامل مش أمريكا بس ... ده غير أن فيه أشاعات حصلت جعلت الجنود يفرون و يتركون أماكن الدفاع الخاصة بهم ....... و بعدين أمريكا فضلت تستنزف فيهم لغاية ما الجيش أصبح مهلهل و دخلوا عليهم و أحتلوهوم .

و بعدين بقى الشعب العراقي دلوقتي بيتمنى رجوع جيشه تاني و رجوع صدام تاني بدل الحرب الأهلية و الأرهابيين الذين يعيثون في الأرض فسادا هناك .

التجنيد الأجباري مهم خصوصا لدول مثلنا عندهم مؤامرات خارجية و داخلية على حد سواء .

المشاركة الأصلية كتبت بواسطة احمد فهمى

هو اجبارى فى بعض الدول مش مصر فقط وللعلم لو تم عملو اختيارى بس بمرتب زى بعض الدول هتلاقى ملايين رايحه تقدم زى بعض الدول وهنا عندك 12 مليون عاطل تقريباً يعنى هتلاقى فى وسطه لتوظيف الناس فى الجيش من كتر التقديم

+11

الاردن كمثال الجيش فيها اختياري مش اجباري ومدة التجنيد من 3 - 6 شهور مع مرتبات عالية خلت كل الناس تحب انها تتطوع في الجيش وتحب بلدها لان اصلا مستوى المعيشة هناك عالي والحاجات سعرها مناسب للمواطنين .. وفي الاخر هما عرب زينا واسرائيل بتهدد امنهم

أنا خدمت في الجيش كمجند لمدة سنه من حوالي 15 سنة. علي فكره انا مهندس كمبيوتر يعني جامعي.
أيوه انا اتبهدلت و طلع عيني في الاكل و الشرب و النوم و التدريب.
أيوه كنت بعد اليوم علشان اطلع من الجيش بس مع ذلك أنا أتعلمت كتير.
اتعلمت إني أعتمد علي نفسي ..أتعلمت يعني أيه صديق و يعني أيه خاين.أتعلمت التصرف في أي موقف.
والنهارده بفتكر الايام دي و بحس بالفخر ....أيوه بالفخر أني كنت ترس صغير في ماكينه كبيره دافعت و حمت بلدي و اهلي في السنه دي.
بحس بالفخر أني كنت طرف (ولو كان طرف صغير جدا) في معادله كبيره كانت بتمنع أي حد أنه يعتدي علي بلدي.
الحمد لله

‫عبد الحليم حافظ عاش اللى قال وملحمة اكتوبر عام 1973‬‎ - YouTube

‫أجمل اغنيه وطنيه مصريه‬‎ - YouTube