ممكن حل لمشكلتى مع اللانوس

**commndan** · 01-06-2014 10:31 AM

ميرسى طارق ونيل على الاهتمام
وفعلا عشان اقطع الشك باليقين عايز اعمل اختبار للمراوح
ازاى افصلهم واشغلهم من البطارية علطول عشان اتاكد من عملهم بشكل طبيعى. لان المروحة الكبيرة بطيءة بشكل ملحوظ بالنسبة للصعيرة فياترى ممكن يكون فيوز ضارب ولا ايه

**MMamdouh** · 01-06-2014 11:48 AM

المشاركة الأصلية كتبت بواسطة commndan

السلام عليكم
دى اول مشاركة ليا فى المنتدى
انا هتجنن لان مش عارف انا صح ولا بيتهيالى
من تلات شهور اشتريت شيفروليه لانوس زيرووو. ولاحظت ان فى السرعات المنخفضة والعالية وتشغيل التكيف وف حاله عدم تشغيله. مؤشر الحرارة بيكون ثابت قبل النصف بحاجة بسيطة ومش بيزيد ولا بيقل خالص. هل دا طبيعى. فحبيت افتح الكابت وابص عل المراوح فلقيت مروحتين واحدة كبيرة على اليمين والتانية صغيرة شوية على الشمال. ولقيت الصغيرة بتلف بسرعة. لكن الكبيرة بتلف ببطء فهل دا طبيعى ولا لا. ولما لمست موتور العربية والخراطيم لقيت فيهم سخونة مش عارف دا عادى ولا ايه. ياريت الرد اصلى زعلان ومش عارف اعمل ايه

معلش سؤال.... هو انت كنت راكب ايه قبل الدايو؟

MMamdouh

**MMamdouh** · 01-06-2014 11:50 AM

المشاركة الأصلية كتبت بواسطة tarek_2005

يا ادوار مفيش في الدايوا حاجة اسمها مروحة تكيف ومروحة موتور
الدايوا فيها مروحتين لتبريد الردياتير والاتنين بيشتغلوا مع بعض في كل الظروف واما بالسرعة البطيئة او بالسرعة العالية مع بعض
والفرق بين السرعتين ان نظام الكهرباء بتاعهم بيوصلهم اما توالي او توازي والي بيتحكم في كدا اشارة من حساس الحرارة اسفل البوبينة للكنترول يوصل او يفصل كتاوت السرعات الاكتاوت الكبير الي في علبة الفيوزات الي في الحوض والوحيد الي خمس اطراف للي ميعرفهوش

اما صاحب الموضوع الوضع عندك طبيعي وفرق السرعة الي انتا ملاحظه دا ناتج من ان ريش المروحة الصغيرة اقصر من ريش المروحة الكبيرة وعلشان تتاكد شغل العربية وشغل التكيف المروحتين هيشتغلوا بالسرعة البطيئة انزل فك فيشة الحساس بتاع الحرارة الي اسفل البوبينة هتشتغل المروحتين بالسرعة العالية وهتلاحظ الفرق بين السرعتين

للاسف مقدرتش ادوس "معجب بالمشاركة" اكتر من مرة واحدة

MMamdouh

**tarek_2005** · 02-06-2014 08:06 AM

المشاركة الأصلية كتبت بواسطة commndan

ميرسى طارق ونيل على الاهتمام
وفعلا عشان اقطع الشك باليقين عايز اعمل اختبار للمراوح
ازاى افصلهم واشغلهم من البطارية علطول عشان اتاكد من عملهم بشكل طبيعى. لان المروحة الكبيرة بطيءة بشكل ملحوظ بالنسبة للصعيرة فياترى ممكن يكون فيوز ضارب ولا ايه

لقطع الشك باليقين
دور العربية وافصل فيشة حساس الحرارة الموجود اسفل البوبينة لابد وان تعمل المراوح بالسرعة العالية