الموضوع: "المالية": خفض دعم الطاقة فى الموازنة الجديدة بقيمة 40 مليار جنيه

المشاركة الأصلية كتبت بواسطة waleed0

نفس الاسلوب
وهي الحكومة حتجبلك منين يا استاذ كل حاجة , اذا كان انت مش عايز تدفع حتوفرلك منين بقي كل حاجة , وكمان يوم بتفكر تعمل ضريبة سياتك بتقعد تشتكي وتشتم فى الحكومة , عايز الحكومة تجيب منين علشان توفرلك كل حاجة .
بلاش تقعدوا تتكلموا من غير علم الله يكرمكم وبلاش اسلوب الضحية دا واسلوب اصل البلد فيها فلوس والكبار هما اللي نهبنا .
للمرة التانية اقروا فى الاقتصاد وشوفوا وضع البلد وادخلوا لفوا لفه علي نسبة الضرائب علي الدخل فى الدول اللي انتم نفسكوا تعيشوا فيها وبعدين تعالوا اتكلموا .

بلاش حضرتك اسلوب العلامة الاقتصادي مادام بتطالبنا بعدم الكلام من غير علم. ومادام حضرتك بتسمي كلام ان الكبار هما اللي ناهبنها اسلوب الضحية يبقي كلام حضرتك منافي خالص للمنطق والواقع.

وثانيا وعاشرا وللمرة المليون. وفر للناس مستوي معيشة مناسب ودخل مناسب وفرص عمل مناسبة كريمة وبعدين اطلب منهم ضرايب محدش هيمانع علي فكرة. مش نقارن ضرايبنا بضرايب دول نتمني العيش فيها علي حد قولك من غير منقارن مستوي الدخل للفرد.

وعلي فكرة الحكومة اللي تعتمد عالضرايب والنهب من جيوب الغلابة ( اللي دخلهم يكاااااد يكفي متطلباتهم ولا يوفر لهم حياة كريمة ) تعتبر حكومة فاشلة لانها مبتقدرش غير عالغلابة. فباي منطق تطلب ضرايب وترفص اقرار حد اقصي للاجور ؟؟؟؟؟

ياريت حضرتك اللي تقري شوية في مباديء العدالة الاجتماعية وتكافؤ الفرص. اعتقد هتستفيد كتير.

تحياتي.

المشاركة الأصلية كتبت بواسطة mr_vampire

بلاش حضرتك اسلوب العلامة الاقتصادي مادام بتطالبنا بعدم الكلام من غير علم. ومادام حضرتك بتسمي كلام ان الكبار هما اللي ناهبنها اسلوب الضحية يبقي كلام حضرتك منافي خالص للمنطق والواقع.

وثانيا وعاشرا وللمرة المليون. وفر للناس مستوي معيشة مناسب ودخل مناسب وفرص عمل مناسبة كريمة وبعدين اطلب منهم ضرايب محدش هيمانع علي فكرة. مش نقارن ضرايبنا بضرايب دول نتمني العيش فيها علي حد قولك من غير منقارن مستوي الدخل للفرد.

وعلي فكرة الحكومة اللي تعتمد عالضرايب والنهب من جيوب الغلابة ( اللي دخلهم يكاااااد يكفي متطلباتهم ولا يوفر لهم حياة كريمة ) تعتبر حكومة فاشلة لانها مبتقدرش غير عالغلابة. فباي منطق تطلب ضرايب وترفص اقرار حد اقصي للاجور ؟؟؟؟؟

ياريت حضرتك اللي تقري شوية في مباديء العدالة الاجتماعية وتكافؤ الفرص. اعتقد هتستفيد كتير.

تحياتي.

انا مش بقول اني علامة اقتصادي , بس مش معني كدا ان حضرتك بتفهم فى الاقتصاد , لانك كلام حضرتك دليل علي انك متعرفش يعني ايه اقتصاد دولة .
هو مين اللي يدي مين الاول البلد حتجيب منين علشان تعملك شركات تشغلك فيها ولا حتي تعلمك تعليم جيد ولا حتي تديك مستوي صحي جيد , مش المفروض اللي شغالين هما اللي يدفعوا علشان البلد يبقي عنده دخل تصرف منه علي الخدمات اللي حضرتك بطالب البلد بيها .
تاني شئ علشان اوضح لحضرتك انك برضوا مش عارف حاجة وبرضوا بتتكلم وخلاص
بتقول الحكومة اللي بتعتمد علي الضرائب والنهب من جيوب الغلابة , سياتك لو كلفت نفسك بدل ما تيجي تعارضني وقريت شويه عن الضرائب فى مصر حتعرف سياتك ان اخر قانون الضرائب للفرد لسنة 2005 بيعفي اللي دخل اقل من 5000 الاف جنية شهريا , شوفت بقي ان حضرتك متعرفش حاجة وجاي تصرخ وتقول جيوب الغلابة .
انا مش علامة اقتصادي ولكن بيعرف اقتصاد ومحاسبة وبعرف اقري ميزانيات ومتابع الاخبار الاقتصادية , لما حضرتك تيجي تتكلم عن شئ لازم تبقي فاهم فيه , اللي زي حضرتك وزي الاعلاميين اللي بيصرخوا نتيجة فرض ضرائب جديدة هما اللي ضيعوا البلد الكام سنه اللي فاتوا وهما اللي مخلي عند الناس عقيدة وانا ادي الحكومة ليه ضرائب مهي البلد كلها حرامية والحكومة فيها سرقة ونهب .
وشكرا علي النصيحة اللي بالمناسبة لو قريت الجزئية بتاعة اعفاء اللي دخله اقل من 5000 الاف حتعرف ان القانون دا بيراعي العدالة الاجتماعية اللي انت جاي تنصحني اقري فيه .

المشاركة الأصلية كتبت بواسطة midnightman_74

صندوق النقد: فرض الحكومة ضرائب على البورصة فى صالح جميع المصريين

أشاد صندوق النقد الدولى بقرار الحكومة بفرض ضرائب على أرباح البورصة، وقال كريس جارفس، رئيس بعثة صندوق النقد لمصر، إن الضرائب المقترحة من وزارة المالية المالية "عادلة وموجهة بدقة".

وأكد "جارفس" ضرورة أن تتخذ مصر إجراءات عاجلة من أجل زيادة الضرائب، وتخفيض الدعم لحل مشكلات الميزانية التى تواجه البلاد، مضيفا أن فرض ضرائب على أصحاب الدخول المرتفعة، بما فى ذلك الضريبة على الأرباح الرأسمالية، يمكن أن يقدم مساهمة مهمة فى هذا الخصوص، ويعود بالنفع على كل المصريين".

قمة التناقض لما تلاقي السجائر تفرض عليها ضرائب 50% والناس بتشتريها برضوا وبتشربها ولما تيجي الحكومة تشيل الدعم شويه عن البنزين يقلك حكومة حرامية وبتسرقنا .
يا راجل دا الواحد محروق دمه من اوضاع الناس الغلط , يصرفوا علي الحشيش والسجاير والموبايلات وجراج للعربية وغسيل للعربية وهما علي قلبهم زي العسل وعايزين الحكومة تشحتهم باقي تمن البنزين , ايه دا يا اخي !!!

استاذ وليد اعذرنى فى معارضة سيادتك علما انى حامل لدكتوراة فى الاقتصاد فى تخصص هندسة مالية. و هو تخصص نادر من جامعة امريكية
اولا معدل الضرائب على الدخل هو صحيح منخفض كنسبة فى مصر و لكن المنظومة الضريبية فاسدة بالكامل و من ناحية هناك تعسف ضريبى مع البعض و تساهل ضريبى مع البعض الاخر. و اعتقد ان سيادتك فاهمنى
ثانيا احنا دولة نامية يبقى حضرتك تقارن معدل الضرائب فى مصر مع الدول النامية مش مع فرنسا او امريكا مثلا
ثالثا اما حضرك تتكلم عن الموازنة يبقى نشوف بنودها كام يوجه الى الصحة و كام الى التعليم و كام الى البحث العلمى و كام الى المرافق الاساسية و خلافه يبقى ساعتها اقول العجز منين و اى موارد اضافية هتوجه فين و عائدها كام
رابعا بيع القطاع العام شابه مخالفات ضخمة و لو عايز امثلة واقعية اقولك بالتفاصيل كمان بس ده مش موضوعنا
خامسا مئات الاف الافدنة الى اتباعت من من وزارة الزراعة الى شركات و هيئات خاصة ب ٥٥٠ جنيه للفدان و فى نفس السنة. الشركات دى باعت ب ٢٠ الف لغاية ٨٠ الف الفدان مثل الريف الاوروبى و وادى الملوك
سابعا المنتجعات الخاصة فى الساحل و السخنة الى اتباعت ارضهم بدولار المتر علشان تتعمل فيلات خاصة لفئة معينة و لو كانت اتبنت. فنادق كنا جبنا ٤٠ مليون سائح على الاقل و ده مش كلامى ده كلام اكبر خبراء السياحة الاسبانية
ثامنا اهدار مليارات من موارد الدولة فى مشروعات فلشلة او خيالية مثل مشروع فوسفات ابو طرطور او مشروع توشكى و تكلفة المشروعين كانت حوالى ٢٢ مليار جنيه باسعار التسعينات
تاسعا عدم وجود خطة واضحة للتنمية فى كل الحكومات السابقة و لا استثنى احد يعنى معرفنا الميزة النسبية لمصر و تقدر تنافس فى ايه و تحولنا الى اقتصاد خدمى بالكامل و مفيش اى مشروع متكامل فى مصر للتنمية الاقتصادية
عاشرا مبدا اقتصادى معروف الضرائب لها تاثيرات شديدة السلبية على النشاط الاقتصادى و الاستثمار و ده السبب الى خلى خطة الاصلاح الاقتصادى فى مصر تعتمد على خفض معدلات الضريبة من ٤٠ الى ٢٠٪ ايام مبارك و ملحوظة الخطة كانت ناجحة تماما و رفعت معدلات النمو و الناتج المحلى الاجمالى بشكل ملحوظ و الذى افسدها هو الفساد ثم الفساد ثم الفساد
حضرتك انا معاك ان الدعم عبئ شديد على الموازنة و لكن. العبء ده هو ضريبة فشل كل الحكومات السابقة مش لان الناس مش عايزة تشتغل و عندها بطر. بالنعمة و علشان يتشال لازم يكون فى اطار خطة تنمية واضحة متضمنة زيادة الدخل و خلق وظائف و الانفاق على البنية الاساسية بشكل مخطط و جذب الاستثمار الاجنبى و العربى مش مجرد ترفع الدعم علشان سعر البنزين غالى فى اوروبا مثلا لان المواطن فى المانيا مثلا بيتعلم و يتعالج ببلاش تماما يبقى اما تقوله ادفع ٢٠ جنيه فى اللتر او تدفع ضرائب ٦٠٪ هيرضى لانه مش خايف على تعليم ولاده و لا على صحتهم و كمان الحد الادنى للعامل هو ٢٥ يورو فى الساعة لغير اصحاب المؤهلات بعنى دخل مضمون
انا اكبر المؤيدين ان الدعم يتشال خالص بس بتخطيط سليم معلن باصلاحات ضريبية بتشجيع الاستثمار لخلق وظائف بزيادة الدخل الحقيقى بتنمية شاملة و ساعتها الناس كلها هتستحمل لانها شايفة امل مش ترفع الدعم و تزود الضرائب فى نفس الوقت و تروح تكلف مكتب الوزير الجديد ٣٠ مليون ديكورات علشان سيادته يرتاح نفسيا او تغير بلاط رصيف فى الزمالك او المعادى ساعتها يبقى مسلسل الفشل هيكمل طريقه الى ما لا نهاية

المشاركة الأصلية كتبت بواسطة midnightman_74

احنا بتكلم فى نقطة واحدة هى دعم الوقود زى ما عنوان الموضوع بيقول
بس أكيد فى حاجات تانية كتير ممكن تتعمل زى ما الأخوة قالوا زى الحد الأقصى للأجور وترشيد استهلاك الحكومة

بس ما ينفعش كل لما الحكومة تعمل قرار يخرج ناس يصوتوا فى الاعلام
زى قانون ال ١٠ ٪ ضرائب على أرباح البورصة .. الناس عمالة تصوت فى القنوات زى اللى عندة حالة وفاة .. مع ان مستثمر البورصة بيكسب من غير اى مجهود .. مستثمر البورصة قاعد على اللابتوب وماسك التليفون وقاعد يشترى ويبيع اسهم طول السنة ... اية المشكلة لما يدفع ١٠٪ ضرائب على أر باحة السنوية ...

يعنى حضرتك قعدت قبل كده على الاب توب و اتكلمت بالتليفون و كسبت من غير مجهود
اصعب استثمار فى العالم كله هو الاستثمار فى البورصة و هو مراية الاقتصاد ليه لانه بيتوقع الحالة الاقتصادية المستقبلية و ياخد قرار على اساسها و خبراء البورصة فى العالم هم اعتى خبراء الاقتصاد و اسال كام جايزة نوبل اتاخدت على وسائل الاستثمار فى البورصة يبقى اما نيجى نتعامل مع البورصة لازم نتعامل بحرص ازاى
نعرف تاثير الضريبة على الاستثمار الاجنبى الاول علشان منخليش استثمارات بمليارات الدولارات مثلا متجيش مصر او تخرج من مصر علشان حصيلة هزيلة جدا فى الاخر. و نلاقى الاستثمارات دى راحت اسواق شقيقة علشان معندهاش ضرائب
ثانيا نعرف تاثير الضريبة دى على مدخرات الافراد الى بتوجه لزيادة راس اموال شركات بعيدا عن البنوك و تعقيداتها ياترى المجرات دى هتخرج من البورصة و تروح البنوك و لا هتروح القطاع العقارى و لا هتروح فين بالضبط
ثالثا. المقارنة بين عائد الضريبة و تكلفتها المباشرة و غير المباشرة و نشوف العائد الحقيقى ايه مش تتحول العملية الى فهلوة و نشوف اى حاجة نجيب منها فلوس و بس
نحن نتكلم عن اقتصاد دولة و مش قاعدة على. مقهى تتاخد فيها قرارات ربنا اعلم بتاثيراتها ايه على اقتصاد يعانى مثل الاقتصاد المصرى

المشاركة الأصلية كتبت بواسطة mfe

استاذ وليد اعذرنى فى معارضة سيادتك علما انى حامل لدكتوراة فى الاقتصاد فى تخصص هندسة مالية. و هو تخصص نادر من جامعة امريكية
اولا معدل الضرائب على الدخل هو صحيح منخفض كنسبة فى مصر و لكن المنظومة الضريبية فاسدة بالكامل و من ناحية هناك تعسف ضريبى مع البعض و تساهل ضريبى مع البعض الاخر. و اعتقد ان سيادتك فاهمنى
ثانيا احنا دولة نامية يبقى حضرتك تقارن معدل الضرائب فى مصر مع الدول النامية مش مع فرنسا او امريكا مثلا
ثالثا اما حضرك تتكلم عن الموازنة يبقى نشوف بنودها كام يوجه الى الصحة و كام الى التعليم و كام الى البحث العلمى و كام الى المرافق الاساسية و خلافه يبقى ساعتها اقول العجز منين و اى موارد اضافية هتوجه فين و عائدها كام
رابعا بيع القطاع العام شابه مخالفات ضخمة و لو عايز امثلة واقعية اقولك بالتفاصيل كمان بس ده مش موضوعنا
خامسا مئات الاف الافدنة الى اتباعت من من وزارة الزراعة الى شركات و هيئات خاصة ب ٥٥٠ جنيه للفدان و فى نفس السنة. الشركات دى باعت ب ٢٠ الف لغاية ٨٠ الف الفدان مثل الريف الاوروبى و وادى الملوك
سابعا المنتجعات الخاصة فى الساحل و السخنة الى اتباعت ارضهم بدولار المتر علشان تتعمل فيلات خاصة لفئة معينة و لو كانت اتبنت. فنادق كنا جبنا ٤٠ مليون سائح على الاقل و ده مش كلامى ده كلام اكبر خبراء السياحة الاسبانية
ثامنا اهدار مليارات من موارد الدولة فى مشروعات فلشلة او خيالية مثل مشروع فوسفات ابو طرطور او مشروع توشكى و تكلفة المشروعين كانت حوالى ٢٢ مليار جنيه باسعار التسعينات
تاسعا عدم وجود خطة واضحة للتنمية فى كل الحكومات السابقة و لا استثنى احد يعنى معرفنا الميزة النسبية لمصر و تقدر تنافس فى ايه و تحولنا الى اقتصاد خدمى بالكامل و مفيش اى مشروع متكامل فى مصر للتنمية الاقتصادية
عاشرا مبدا اقتصادى معروف الضرائب لها تاثيرات شديدة السلبية على النشاط الاقتصادى و الاستثمار و ده السبب الى خلى خطة الاصلاح الاقتصادى فى مصر تعتمد على خفض معدلات الضريبة من ٤٠ الى ٢٠٪ ايام مبارك و ملحوظة الخطة كانت ناجحة تماما و رفعت معدلات النمو و الناتج المحلى الاجمالى بشكل ملحوظ و الذى افسدها هو الفساد ثم الفساد ثم الفساد
حضرتك انا معاك ان الدعم عبئ شديد على الموازنة و لكن. العبء ده هو ضريبة فشل كل الحكومات السابقة مش لان الناس مش عايزة تشتغل و عندها بطر. بالنعمة و علشان يتشال لازم يكون فى اطار خطة تنمية واضحة متضمنة زيادة الدخل و خلق وظائف و الانفاق على البنية الاساسية بشكل مخطط و جذب الاستثمار الاجنبى و العربى مش مجرد ترفع الدعم علشان سعر البنزين غالى فى اوروبا مثلا لان المواطن فى المانيا مثلا بيتعلم و يتعالج ببلاش تماما يبقى اما تقوله ادفع ٢٠ جنيه فى اللتر او تدفع ضرائب ٦٠٪ هيرضى لانه مش خايف على تعليم ولاده و لا على صحتهم و كمان الحد الادنى للعامل هو ٢٥ يورو فى الساعة لغير اصحاب المؤهلات بعنى دخل مضمون
انا اكبر المؤيدين ان الدعم يتشال خالص بس بتخطيط سليم معلن باصلاحات ضريبية بتشجيع الاستثمار لخلق وظائف بزيادة الدخل الحقيقى بتنمية شاملة و ساعتها الناس كلها هتستحمل لانها شايفة امل مش ترفع الدعم و تزود الضرائب فى نفس الوقت و تروح تكلف مكتب الوزير الجديد ٣٠ مليون ديكورات علشان سيادته يرتاح نفسيا او تغير بلاط رصيف فى الزمالك او المعادى ساعتها يبقى مسلسل الفشل هيكمل طريقه الى ما لا نهاية

اتفق معاك ان المنظومة الضريبية والقطاع الحكومي باكمله محتاج اعادة هيكلة وفي فساد وفي رشوة وفي سرقة وفي اهمال , علي سبيل المثال زي ما ذكرت مشروع توشكا اللي اتصرف عليه بالمليارات واصبح صحرا الان والبحيرات اغلبها انكمش وجف ,لكن كل دا يمثل نسبة كام بالنسبة للموازنة العامة للدولة ؟؟؟
زي ما انت قلت بخصوص الدعم علي الطاقة انك موافق عليه انا كمان موافق عليه وموافق علي فرض ضرائب مختلفة بحسب كل نشاط او عمل اللي بيها يكفل دخل للدولة تصرف عليه علي الخدمات اللي يحتاجها الشعب ,وكل دا لازم يبقي بخطة مدروسة وزي ما قلت باعادة هيكلة للمنظومة كلها .
ولازم الشعب يتعاون والاعلام يساعد الحكومة مش كل ما يحصل نوع من انواع الاصلاح , الناس تصرخ حرام عليكم وجيوب الغلابة .

المشاركة الأصلية كتبت بواسطة mfe

يعنى حضرتك قعدت قبل كده على الاب توب و اتكلمت بالتليفون و كسبت من غير مجهود
اصعب استثمار فى العالم كله هو الاستثمار فى البورصة و هو مراية الاقتصاد ليه لانه بيتوقع الحالة الاقتصادية المستقبلية و ياخد قرار على اساسها و خبراء البورصة فى العالم هم اعتى خبراء الاقتصاد و اسال كام جايزة نوبل اتاخدت على وسائل الاستثمار فى البورصة يبقى اما نيجى نتعامل مع البورصة لازم نتعامل بحرص ازاى
نعرف تاثير الضريبة على الاستثمار الاجنبى الاول علشان منخليش استثمارات بمليارات الدولارات مثلا متجيش مصر او تخرج من مصر علشان حصيلة هزيلة جدا فى الاخر. و نلاقى الاستثمارات دى راحت اسواق شقيقة علشان معندهاش ضرائب
ثانيا نعرف تاثير الضريبة دى على مدخرات الافراد الى بتوجه لزيادة راس اموال شركات بعيدا عن البنوك و تعقيداتها ياترى المجرات دى هتخرج من البورصة و تروح البنوك و لا هتروح القطاع العقارى و لا هتروح فين بالضبط
ثالثا. المقارنة بين عائد الضريبة و تكلفتها المباشرة و غير المباشرة و نشوف العائد الحقيقى ايه مش تتحول العملية الى فهلوة و نشوف اى حاجة نجيب منها فلوس و بس
نحن نتكلم عن اقتصاد دولة و مش قاعدة على. مقهى تتاخد فيها قرارات ربنا اعلم بتاثيراتها ايه على اقتصاد يعانى مثل الاقتصاد المصرى

مع احترامي ليك فى النقطة دي اغلب الدول بتفرض ضرائب علي الارباح من البورصة , ونقطة تانية انا وانت اينعم دارسين اقتصاد , وقاعدين بنحلل ونتناقش , مش معقولة يعني اللي بيفرضوا الضرائب دي قاعدين علي قهوة زي ما حضرتك بتقول , اكيد الناس دي خبراء اقتصاديين وعندهم علم اعلي مني ومنك , موضوع اننا نتفهه قرارتهم لمجرد اننا عندنا رأي مختلف ليهم دا مش سليم , الناس دي اكيد درست وفكرت كويس ودول مش قاعدين علي مصطبة , دول ناس دكاتره واصحاب خبرة .
كامل احترامي لحضرتك

المشاركة الأصلية كتبت بواسطة waleed0

انا مش بقول اني علامة اقتصادي , بس مش معني كدا ان حضرتك بتفهم فى الاقتصاد , لانك كلام حضرتك دليل علي انك متعرفش يعني ايه اقتصاد دولة .
هو مين اللي يدي مين الاول البلد حتجيب منين علشان تعملك شركات تشغلك فيها ولا حتي تعلمك تعليم جيد ولا حتي تديك مستوي صحي جيد , مش المفروض اللي شغالين هما اللي يدفعوا علشان البلد يبقي عنده دخل تصرف منه علي الخدمات اللي حضرتك بطالب البلد بيها .
تاني شئ علشان اوضح لحضرتك انك برضوا مش عارف حاجة وبرضوا بتتكلم وخلاص
بتقول الحكومة اللي بتعتمد علي الضرائب والنهب من جيوب الغلابة , سياتك لو كلفت نفسك بدل ما تيجي تعارضني وقريت شويه عن الضرائب فى مصر حتعرف سياتك ان اخر قانون الضرائب للفرد لسنة 2005 بيعفي اللي دخل اقل من 5000 الاف جنية شهريا , شوفت بقي ان حضرتك متعرفش حاجة وجاي تصرخ وتقول جيوب الغلابة .
انا مش علامة اقتصادي ولكن بيعرف اقتصاد ومحاسبة وبعرف اقري ميزانيات ومتابع الاخبار الاقتصادية , لما حضرتك تيجي تتكلم عن شئ لازم تبقي فاهم فيه , اللي زي حضرتك وزي الاعلاميين اللي بيصرخوا نتيجة فرض ضرائب جديدة هما اللي ضيعوا البلد الكام سنه اللي فاتوا وهما اللي مخلي عند الناس عقيدة وانا ادي الحكومة ليه ضرائب مهي البلد كلها حرامية والحكومة فيها سرقة ونهب .
وشكرا علي النصيحة اللي بالمناسبة لو قريت الجزئية بتاعة اعفاء اللي دخله اقل من 5000 الاف حتعرف ان القانون دا بيراعي العدالة الاجتماعية اللي انت جاي تنصحني اقري فيه .

عارف يافندم كلام حضرتك يستدعي رد من نفس جنس ونفس نوع رد حضرتك. لكن لن انجر لهذا الاسلوب المتعالي علي مفيش.حضرتك عمااااال تكررر اني مش فاهم وعمال اصرخ وعمال وعمال وشخصنت الحوار وكلامك كله يدل علي عدم فهم الموضوع وعمال تحسسننا انك خبير اقتصادي وعلامة ونابغة وفلتة اقتصادية فقط لانك محاسب في شركة بتخسر ملايين ومسكت ميزانتيتها.

انا لم ادعي اني بفهم فالاقتصاد ولكن حضرتك اللي بتطالب عدم الكلام من غير علم في حين ان كلام حضرتك كله يدل علي عدم العلم وعدم المنطقية. حضرتك بتسال مين اللي يدي مين الاول. والبلد هتجيب منين عشان تعمل شركات. بصراحة سؤال يدل علي قمة عدم فهم الواقع والمنطق. بقي البلد بكل مقدراتها ودخولها وثرواتها هتجيب منين والمفروض الغلبان يدفع ضرايب من مرتب يكفيه بالكاد نص شهر وباقي الشهر سلف. بصراحة سؤال غريب اوي يدل علي اشياء كثيرة ليس المجال لذكرها.

وبمناسبة اعفاء من هو اقل من 5000 من الضرايب .ولكن فالمقابل يعلي تسعيرة الغاز والكهربا والبنزين فالطريق وطبعا اسعار كل السلع. يعني ساعتها مش مراعي خالص اللي دخله اقل من 5000 .

فياريت تعالي حضرتك وادعائك بالفهم واتهام الاخرين بعدم الفهم يبقي بناء علي علم فعلا تعلمه وليس فقط تدعيه.

تحياتي.