الموضوع: "المالية": خفض دعم الطاقة فى الموازنة الجديدة بقيمة 40 مليار جنيه

المشاركة الأصلية كتبت بواسطة waleed0

مع احترامي ليك فى النقطة دي اغلب الدول بتفرض ضرائب علي الارباح من البورصة , ونقطة تانية انا وانت اينعم دارسين اقتصاد , وقاعدين بنحلل ونتناقش , مش معقولة يعني اللي بيفرضوا الضرائب دي قاعدين علي قهوة زي ما حضرتك بتقول , اكيد الناس دي خبراء اقتصاديين وعندهم علم اعلي مني ومنك , موضوع اننا نتفهه قرارتهم لمجرد اننا عندنا رأي مختلف ليهم دا مش سليم , الناس دي اكيد درست وفكرت كويس ودول مش قاعدين علي مصطبة , دول ناس دكاتره واصحاب خبرة .
كامل احترامي لحضرتك

استاذ وليد صدقنى انا لا اجادل للجدال و مليش فى السياسة انا لى فى حاجة واحدة علمى و شغلى بص قرارات مايو ٢٠٠٨ مع احترامى للدكاترة الى اخدوها كانت قرارات على مسطبة مش قهوة و كانت خسائرها بمئات المليارات على الاقتصاد المصرى و حديث مرسى فى الاستاد عام ٢٠١٢ كان حديث مصاطب و كان تاثيره مدمر على الاقنصاد المصرى و معظم القرارات الاقتصادية. الى اتاخدت خلال الاعوام من ٢٠٠٧ و حتى الان كانت بدون دراسة و انا عارف ده كويس و كنت بشتغل فيه مش متفرج و كنت بعترض دون الدخول فى تفاصيل و لكن القرار بيتاخد لان فى توجيهات بكده مش علشان اتدرس و مع احترامى لسيادتك لا هما مش اعلم منى لان احنا مش بنخترع الذرة دى تجارب طبقتها دول العالم من عشرات السنين و نتائجها معروفة و هاتلى دولة نامية حجم التداول اليومى فى بورصتها اقل من ٢٠٠ مليون دولار بتفرض ضرائب على البورصة او حتى هتلى دولة واحدة فى المنطقة كلها بتفرض ضرائب على البورصة

المشاركة الأصلية كتبت بواسطة mfe

ملحوظة الحد الاقصى للجزء المعفى من الضريبة العامة على الدخل هو ١٢ الف جنيه. سنويا طبقا لتعديلات القانون سبتمبر ٢٠١٣ و ليس ٥٠٠٠ جنيه شهريا و ممكن انتم تطلعوا على القانون قبل م حد يكتب رقم غلط و اعتقد اننا معظمنا موظفين و عارفين بيتخصم مننا كام ضرائب

هو ضاف جزء خاص بالاعباء العائلية بقيمة 7 الاف جنية بالاضافة ل 5000 الاف السابقة يبقي الاجمالي 12000 سنويا

المشاركة الأصلية كتبت بواسطة mfe

استاذ وليد صدقنى انا لا اجادل للجدال و مليش فى السياسة انا لى فى حاجة واحدة علمى و شغلى بص قرارات مايو ٢٠٠٨ مع احترامى للدكاترة الى اخدوها كانت قرارات على مسطبة مش قهوة و كانت خسائرها بمئات المليارات على الاقتصاد المصرى و حديث مرسى فى الاستاد عام ٢٠١٢ كان حديث مصاطب و كان تاثيره مدمر على الاقنصاد المصرى و معظم القرارات الاقتصادية. الى اتاخدت خلال الاعوام من ٢٠٠٧ و حتى الان كانت بدون دراسة و انا عارف ده كويس و كنت بشتغل فيه مش متفرج و كنت بعترض دون الدخول فى تفاصيل و لكن القرار بيتاخد لان فى توجيهات بكده مش علشان اتدرس و مع احترامى لسيادتك لا هما مش اعلم منى لان احنا مش بنخترع الذرة دى تجارب طبقتها دول العالم من عشرات السنين و نتائجها معروفة و هاتلى دولة نامية حجم التداول اليومى فى بورصتها اقل من ٢٠٠ مليون دولار بتفرض ضرائب على البورصة او حتى هتلى دولة واحدة فى المنطقة كلها بتفرض ضرائب على البورصة

السعودية علي سبيل المثال وليس الحصر بتفرض ضرائب 5% علي توزيعات الارباح للاجانب

في النهاية كلنا عايزين صالح البلد دي وزي ما قلتلك فى مشاركة سابقة المنظومة كلها محتاجه اعادة هيكلة .
تقبل تحياتي وتقديري

المشاركة الأصلية كتبت بواسطة waleed0

كل الكلام دا ومنجرفتش لاسلوبي وشخصنه الحوار , يا راجل :)

انت شايف اني متعالي دا لاني قولت لحضرتك انك مش علي علم , انا مغلطش فيك علي فكرة , انا وصفت حضرتك لانك فعلا مستمر فى الكلام بدون ادني علم وصدقني اكره شئ فى حياتي اني الاقي حد بيفتي في حاجة مبيفهمش فيها .
ومداخلتك دي برضوا تثبت للمرة المليون كلامي انك مصمم تاخد حقك فى الكلام بالفتي وبدون علم لمجرد انك عايز تاخد حقك مني وخلاص .

بتتكلم عن اعفاء اللي هو اقل من 5000 جنية سنويا من الضرائب وفي المقابل يعلي تسعيرة الغاز والكهربا والبنزين فى الطريق ,لو حضرتك كلفت نفسك برضوا وقريت شويه حتعرف ان حتي تسعيره الغاز والكهربا متقسمه شرائح والشرائح اللي استهلاكها ضعيف دي بتحصل علي دعم للطاقة .
والحكومة بتقول وبتردد لا مساس بمحدودي الدخل ولكن طبعا حضرتك مش بتصدق الكلام دا انت بتصدق كلام القهاوي بتاع الحكومة بتسرق من جيوب الغلابة .
للمرة المليون ليك ولغيرك اقري الاول قبل ما تيجي تتكلم في حال البلد .

واعذرني لو كان اسلوبي مش عجبك بس بصراحة زي ما قلتلك موتي وسمي الفتي بدون علم .

اخد حقي منك وخلاص !!!!! مع كامل احترامي لشخصك. لكن من انت حتي اريد الانتقام منك واخذ حقي ؟؟؟؟

فلو انا في نظرك شخص يتكلم عن شيء يجهله او يفتي فحضرتك في نظري وبناء عن تعريفك بنفسك مجرد محاسب في شركة مفلسة خاسرة تدعي العلم وتتعالي بشيء لا تملكه فقط لانك مسكت ميزانية شركتك ( الخاسرة ). فما تملك انت من مؤهلات غير بكالوريوس يحصل عليه الالاف سنويا وتعمل في شركة خاسرة حتي تدعي شيء. العضو الحاصل علي دكتوراه سرد الموضوع في نقاط واضحة ومازلت تجادل انت وتتهم الاخرين بعدم الفهم.

ولو انا بصدق كلام القهاوي فحضرتك بقي يتقال عليك ايه لما مصدق كلام الحكومة اللي بتقوله من ايام مبارك ( لا مساس بمحدودي الدخل ) اقفل القناة الاولي الحكومية اللي حضرتك متابعها ده وانزل شوف حال محدودي الدخل اللي الحكومة قالت ووعدت ورددت وكررت انه لا مساس به.

واخيرا مهما كان كلامي في ظاهره انجرار وراء اسلوبك فهو عندي مجرد رد علي كلامك احتراما للمنتدي وقوانينه واعضاء المحترمين. ولو فكرت او نويت اقابله بما ييستحق فصدقني ستقرء مالا تحبه ولكني لن اخسر منتدي واعضاء كرام بسبب مناقشة غير مجدية مع شخص يري في نفسه خبرات اقتصادية فقط لانه يعمل مجرد محاسب في شركة خاسرة.

تحياتي.

المشاركة الأصلية كتبت بواسطة mr_vampire

اخد حقي منك وخلاص !!!!! مع كامل احترامي لشخصك. لكن من انت حتي اريد الانتقام منك واخذ حقي ؟؟؟؟

فلو انا في نظرك شخص يتكلم عن شيء يجهله او يفتي فحضرتك في نظري وبناء عن تعريفك بنفسك مجرد محاسب في شركة مفلسة خاسرة تدعي العلم وتتعالي بشيء لا تملكه فقط لانك مسكت ميزانية شركتك ( الخاسرة ). فما تملك انت من مؤهلات غير بكالوريوس يحصل عليه الالاف سنويا وتعمل في شركة خاسرة حتي تدعي شيء. العضو الحاصل علي دكتوراه سرد الموضوع في نقاط واضحة ومازلت تجادل انت وتتهم الاخرين بعدم الفهم.

ولو انا بصدق كلام القهاوي فحضرتك بقي يتقال عليك ايه لما مصدق كلام الحكومة اللي بتقوله من ايام مبارك ( لا مساس بمحدودي الدخل ) اقفل القناة الاولي الحكومية اللي حضرتك متابعها ده وانزل شوف حال محدودي الدخل اللي الحكومة قالت ووعدت ورددت وكررت انه لا مساس به.

واخيرا مهما كان كلامي في ظاهره انجرار وراء اسلوبك فهو عندي مجرد رد علي كلامك احتراما للمنتدي وقوانينه واعضاء المحترمين. ولو فكرت او نويت اقابله بما ييستحق فصدقني ستقرء مالا تحبه ولكني لن اخسر منتدي واعضاء كرام بسبب مناقشة غير مجدية مع شخص يري في نفسه خبرات اقتصادية فقط لانه يعمل مجرد محاسب في شركة خاسرة.

تحياتي.

مفيش فايدة :)
يا عزيزي لعلم حضرتك الشركة اللي انت بتقلي كنت ماسك ميزانيتها انت تعرف كام محاسب شغال فيها ؟؟؟؟
ولا كام قسم في الشركة للمحاسبين ؟؟؟
ولا مين اللي اساسا بيحط ميزانية الشركات الكبيرة اللي زي دي ؟؟؟
ولا انت اساسا عرفت انا شغال فى انهو قسم ؟؟؟
ولا حتي انا قلت اني ماسك الميزانية وبديرها فى اي مشاركة من مشاركتي ؟؟؟
كل اللي انا قلته اني قريت الميزانية بتاعة الشركة
مصمم تحول الموضوع لانتقام شخصي مني لاني جهلتك بعلم الاقتصاد .

وبعدين يا سيدي انا بكالريوس تجارة زي الالاف اللي حاصلين عليه , سياتك بقي واحد من الالاف اللي حاصلين علي بكاريوس تجارة علشان تفتي في المحاسبة والاقتصاد ؟؟؟
انت بقي تملك ايه علشان تفتي وتتناقش معايا فى الاقتصاد ؟؟؟
وبعدين الراجل اللي اتكلم معايا فى الاقتصاد وفاهم اتناقشت معاه بكل ود واحترام علشان راجل فاهم مش بيفتي وخلاص زي حضرتك , علشان كدا بتجادل معاه وباخد وادي مش زي حضرتك جاي تفتي فى اللي مبتفهمش فيه .

اما بخصوص ردك علي بكلام لا احبه ولكن قوانين المنتدي تمنعك , احب اقول لحضرتك انك برضوا حتي دي مش حتقدر عليه ,لاني انا لدي المقدرة علي اعطيك كرسات فى الكلام اللي من نوع دا :)

المشاركة الأصلية كتبت بواسطة midnightman_74

انا لما قلت ان مثتثمر البورصة قاعد على اللابتوب ويكلم فى التليفون بيشترى وبييع فى الأسهم من غير مجهود دى حقيقة
يعنى الشركة المصنعة بتجيب مواد خام وبتدفع كهرباء ومية وعندها مشاكل مع العمال وبتدفع تأمينات وتطوير لخطوط الانتاج وتسويق ده غير سعر العملة اللى بيتغير كل شوية وبنود تانية كتير وفى الاخر الشركة المصنعة بتدفع ضرائب ...

فى الاخر يروح مثتثمر البورصة اللى قاعد بيشتري ويبيع فى سهم الشركة المصنعة مش عايز يدفع ١٠٪ على أر باحة !!

طبعا لضيق الوقت انا مش هرد على سيادتك رد مفصل بس هقولك احصائية عالمية
94% من مستثمرى البورصة خاسرين
البورصة هى المصدر الرئيسى للتمويل فى معظم دول العالم يعنى علشان تمول المواد الخام و الكهرباء و المكن محتاج المستثمر الى بيديك مدخراته فى صورة أسهم
طب ليه المستثمر بيخسر لانه مبيعرفش يختار السهم صح فى التوقيت الصح و دى قصة كبيرة قوى محتاجة علشان اشرحها الاف الساعات من الشرح و التحليل ، تصدق بالله انا ضيعت فيها من عمرى 20 سنة ما بين دراسة و شغل بره مصر و جوه مصر فى مؤسسات دولية علشان حضرتك تيجى فى الأخر تقول الناس تكسب من غير مجهود على كده دنا ضيعت عمرى كله فى حاجة ملهاش لازمة
علشان اريحك متوسط دخل مدير المحافظ ذوى الخبرة الى بيشتغل الشغلانة دى برضه من غير مجهود يصل فى امريكا الى حوالى 1.3 مليون دولار سنويا و ده متوسط مش اعلى حاجة تفتكر مين العبيط الى هيدي المبلغ ده لواحد كل مؤهلاته انه عنده تليفون و لاب توب و بيكلم سمسار ، ياسيدى لا أحد فى هذا الكون يجنى قرش واحد من غير مجهود فلا تستهين بعمل الأخرين لانك شايفه سهل اما تجرب صدقنى القصة هتختلف خالص .

ربنا يستر
العميلة مش مستحملة عبئ عالمواطن