النهاردة كانت صيانة ال 5000 كم لعربيتي ,, قمت نزلت الصبح من الساعة 8 مع ان معادى كان 8 و نص :Dو مكنتش عارفة ان الدنيا هتبقي زحمة كدة و الحتة اللى عند ترعة المريوطية دى طلعت عيني و وصلت التوكيل على 10 تقريبا :ack2:

اول ما وصلت دخلت العربية على طول على الحتة اللى بيرفعو فيها العربيات و اديتهالهم و جالى واحد قالى عندك ملاحظات قولتلته اه صوت تكتكتة فى العجل كله و ريحة مش كويسة من التكييف قاللى برده زى ما الاعضاء تكرمو و افادونى ان التكتكة دى زلط صغير بين النقوش و الريحة دى بسبب غسيل العربية و المية بتنزل على الفلتر تكمكم بس المهم سيبتها و رحت الreception نمت:D عشان مكنتش نمت خالص :ack2:و صحيت على 11 و نص كدة:D قلت اطلع اشوف في ايه

اول ما طلعت لقيت عربيتي جاية من ورا كدة من عند المغسلة و بتبرق و حلوة كدة مع انها كانت مطينة من المشوار المهم رحت دفعت تمن تغيير قلتر الزيت و الزيت و الصيانة العامة 128 جنيه و اخدت العربية اعدت اعاينها ..

العربية فى المجمل كانت جاية نضيفة اوى من برة و مستحمية كدة فتحتت التكييف اشوف اخبار الريحة ايه ملقتش اى حاجة الحمد لله بعدين خرجت بقا بالعربية عشان اشوف صوت العجل اخباره ايه و الحمد لله الصوت اختفي كمان حسيت ان العربية مسكت نفسها كدة بيتهيالى انهم ربطوا عفشة لان احساسي بيها على الطريق كان مختلف و احسن

مشيت الحمد لله مبسوطة من التوكيل مع انى كنت رايحة متحفزة بعد اللى حصل مع م احمد اسماعيل بس الحمد لله خيبو ظنى الوحش :k41: