الموضوع: أخوكم الصغير محتاج نصيحتكم في موضوع شخصي

يا أستاذ اصبر شوية جواز ايه و بتاع ايه في السن ده
انته متخيل ان الحياة وردي أوي مع الجواز ( بلا خيبة )
مش عايز أحبطك بس عايز أقول لك ان الفلوس و الامكانات مش كل حاجة في الجواز و صدقني تفكيرك هيتغير بعد الجامعة و الجيش و الحياة العملية تماما اصبر شوية و البنات المحترمات كتير و ربنا هيوفقك في الاختيار .
و على فكرة انا متزوج واحدة لا كان عمري شفتها و لا عرفتها كانت مصادفة بحتة أني أقابل حد من قرايبها و قعدنا نتكلم و سألته عن عروسة و دلني ع البيت و دخلت البيت فعلا و كان لي نصيب بس كان شرطي الوحيد هوه (التدين ) و ربنا وفقني في زوجة تحفظ القرآن كاملا و عندي (خالد) حاليا و تزوجت من 3 سنوات و الحمد لله عايشين و تمام بس كنت أكبر منك 12 سنة يعني انا سني 35 حاليا.
اصبر و ربنا يوفقك لأن فيه حاجات كتير هتتغير من غير ما تاخد بالك و كمان هيه قريبة منك جدا بالعمر و ده له آثار مستقبلية نفسية عليها و انته طبعا فاهم كلامي .
ربنا يوفقك لما يحبه و يرضاه .

انا هاقول رايى فى الموضوع و انا عارف انى هاتحدف بالطوب و يتقال عليا رجعى متحجر
1- العلاقات الانسانيه بين الراجل و المرأه مفيهاش حاجه اسمها صداقه
فى جيره, فى نسب و فيه زمايل عمل او دراسه. انما صداقه لا
2- ال3 اجيال الى قاعدين على القهاوى هيفضلوا قاعدين علشان هم عاجباهم القعده
3-الناس هتتكلم عن التوافق المادى و الاجتماعى و محدش هيكلمك عن التوافق النفسى بين االرجل والمرأه, لازم يكون فيه توافق نفسى
4- مش معنى ان واحد او واحده دخل تجربة خطوبه او حتى زواج و الموضوع متمش يبقى فيه حد غلطان, و مش معنى ان لو فيه 2 بيحبوا بعض و اتجوزوا الجوازه هتنجح
(نجاح الزواج له مقومات كثيره )
5- عمر ما كان السن مقياس للنضج, الاجيال الى فاتت (اجدادنا) كانوا بيتجوزوا اصغر من 20 سنه و كانت زيجات ناجحه, بص على الاحصائيات الان و شوف كام حالة طلاق, ده اساسه راجع لعدم النضج و قلة الخبرات و الاحتكاك بالحياه. كان زمان الناس بتشتغل فى الاجازه الدراسيه و كان برضه فى ناس بتشتغل اثناء الدراسه و كان فى احتكاك فى سن صغيره و ده كان بيدى خبرات فى التعامل مع الناس و المواقف, غير ان الناس كانت بتستشير الكبار
الان معظم الشباب خبراتهم من الدش و التلفزيون و بداية احتكاكه بالحياة بتبدأ بدخول الجيش او بالاتحاق بعمل, ده غير ان كل واحد بيعمل الى يريحه و ماياخدش بأراء الكبار بل بالعكس بيعند لما حد ينصحه علشان هو شايف ان كل الناس غلط و هو بس الى صح
6-مفيش حاجه اسمها (خايف تضيع من ايدي) لان انته اصلا لا تملكها, و ده برضه من اكبر الغلطات الى بيقعوا فيها المتزوجون انهم اول ما يتجوزوا بيتصرفوا على اساس ان الموضوع خلص على كده و انهم وصلوا لهدفهم و ياخدوا الموضوع for granted ده غلط. الجواز بداية المشوار السليم ل تكوين اسره و بيحتاج مجهود و شغل علشان ينجح
7-الخطبه القصيره مضره و الطويله برضه لها اضرار, و اوعى تفتكر ان كل ما الخطبه تطول ه تعرف شريك حياتك احسن, ده وهم(سمعت عن المثل بتاع تعرف فلان؟)
انت علشان تعرف الى قدامك على حقيقته لازم تحطه فى مواقف معينه و كتير و تشوف ردود افعاله و تصرفاته و قيس شخصيته على كده لان الطبع يغلب التطبع
8-زى ما الأخوه (مش اتحاد اشتراكى ولا حاجه) قالوا ان الزواج ده مش ارتباط بين شخصين لأ ده ارتباط بين عائلتين, و لما تيجي تختار اختار من بيت طيب و شوف الاب و الام بيعاملوا بعض و بيتعاملوا مع المواقف ازاى (الكلام لكلا الطرفين)
و متاخدش بالمظاهر (never judge a book by the cover).
9-انا شايف انه انت عندك فراغ عاطفى و عدم نضج نفسى و بتحاول تملاه بادخال زميلتك فى الكليه فى حياتك, اصبر شويه وزود خبرتك فى الحياه, و لازم تكون قوى و سيد قرارك و عقلك يعرف يسيطر و يوجه عواطفك فى الاتجاه السليم مش العكس و حياتك متقفش على حد
10-املأ الفراغ الى فى حياتك بالرياضه او بهوايه جميله او استفيد بوقتك فى تعلم حاجه مفيده و لازم يكون عندك اهداف في الحياه تعمل على تحقيقها واحد ورا واحد(كمل دراستك الاول), و يكون عندك يقين ان مصر فيها ناس محترمه و متدينين كثير و لوعزمت على جواز و صدقت النيه ربنا هيوفقك


11- و ده المهم عندى, ياريت الى يحدف طوب ينشن كويس و مالهوش دعوه بازاز العربيه علشان مش موجود

2- ال3 اجيال الى قاعدين على القهاوى هيفضلوا قاعدين علشان هم عاجباهم القعده


دي في الجون :)

اولا صلى صلاة استخاره للمولى عز و جل

ثانيا ابدأ بالكلام مع والدك بس لازم انك تكون مقتنع من جواك بالجواز

ثالثا الجواز و الاطفال بركه و نعمه وربنا يوفقك لما فيه الخير

المشاركة الأصلية كتبت بواسطة maka

+11111111111

انت قولت معظم اللى انا عاوز اقوله ووفرت عليا الكتابة علشان

مكنتش ناوى اكتب لانى تعبان جدا ومشغول جدا

هو كان فيه اكتر بس انا فعلا تعبت مع الحروف العربي
انا قلت فرصه الواحد يستفيد و ياخد فكره عن مكانهم فى الكيبورد
:D