الموضوع: كلب الجيران

للاسف دى مشكلة تدريب انا اعرف ناس كتير مربيين كلاب وكلابهم مبتعملش كدا بس فكرة ان حد يسم الكلب بلاش ياجماعه ...
حاول ياباشا تفهمه بالراحه انه مثلا يجيب مدرب يعلم الكلاب مش يهوهو باستمرار

المشاركة الأصلية كتبت بواسطة j a g u a r

والله مفيش حل غير تسمم الكلب ده ده اذا مات اصلا .... انا قبل كده كان فى كلب مزاج عند اللى خلفوه يهوهو على الساعه 5 الفجر ويصحينى من أحسن نومه وفضل يعمل معايا كده لفتره طويله قولت والله منا سايبك بس لما افوق من النوم بس وبعدين لما صحيت روحت مخصوص اشتريت سم وحظه حلو كان فى ورك فرخه حطيت السم على الورك وتمام التمام وخدت ورك الفرخه ومن البلكونه وبسبستله وخد يا معلم بالهنا والشفا وبعدت شويه علشان مفيش حد يكون شافنى ورجعت كمان 5 دقائق لقيته خلص الورك وبيمسح بلسانه زى ما يكون بيقولى ابعت ورك تانى قولت اسيبه شويه ممكن يكون تأثير السم مشتغلش وللأسف ولا كأنى عملت اى حاجه والموضوع بقاله سنه ولسه محصلهوش حاجه ابن الابلسه

حضرتك بتقول انك بعدت شوية عشان مفيش حد يكون شافك
هو لو حضرتك مقتنع ان فعلك صح كنت بعدت شوية عشان مفيش حد يشوفك ؟! وهل حضرتك خائف من البشر ومش خايف من اللي خلقك ؟!

المشاركة الأصلية كتبت بواسطة abokoko

حضرتك صح ده روح
وممنوع تعذيب الروح

وممنوع ايذاء الروح اقصد
لكن ايضا ممنوع الروح اللى هو الكلب ياذينا

ولا ايذاء الكلب للبنى ادمين اللى حواليه حلال
وايذاء البنى ادمين له دفاعا عن النفس - حرام
شوية انصاف


انت حر مل لم تضر

لو عندك فيلا ربي كلب وعشر كلاب كمان زى ما انت عايز
لو عندك شقه
فالامر مختلف

سؤال
ينفع اربي بط وفراخ فى الشقه
والريحه تطلع على الجيران

يبقى الانسان ف تلك الحالة يروح يعمل محضر فالقسم وتجيله معاينة مش يروح يموت الروح اللي ليس لها ذنب ولا قوة

الحيوان اتظلم من الانسان ظلم كبير....المشكلة في صاحبه علي فكرة حلها معاه والطرق كتير

المشاركة الأصلية كتبت بواسطة moody_687

يبقى الانسان ف تلك الحالة يروح يعمل محضر فالقسم وتجيله معاينة مش يروح يموت الروح اللي ليس لها ذنب ولا قوة

لو كل حاجة غلط اروح اعمل لها محضر
يبقي مفروض ااقضى حياتى جوة القسم
ولو القسم هيتحرك ويقضى على كل السلبيات
كان زماننا فى بلد الاحلام

حضرتك عارف ان المحضر فى القسم ممكن ينتهى على لاشيئ
وممكن كمان يتعمل محضر ضده باى تلكيكه
وكل واحد ونفوذه

الكلام مش على المحاضر
الكلام على الصح والخطأ
المفروض يتعمل و يتواجد كسلوك
او المفروض العكس يجب التخلص منه

طب ماتقترحوا علية يجيب كمامة يحطة في بقة
بس سؤال اية ولف دة نوع جديد
انا مربي بقالي كتيير اول مرة اسمع عنو

المشاركة الأصلية كتبت بواسطة abokoko

لو كل حاجة غلط اروح اعمل لها محضر
يبقي مفروض ااقضى حياتى جوة القسم
ولو القسم هيتحرك ويقضى على كل السلبيات
كان زماننا فى بلد الاحلام

حضرتك عارف ان المحضر فى القسم ممكن ينتهى على لاشيئ
وممكن كمان يتعمل محضر ضده باى تلكيكه
وكل واحد ونفوذه

الكلام مش على المحاضر
الكلام على الصح والخطأ
المفروض يتعمل و يتواجد كسلوك
او المفروض العكس يجب التخلص منه

يبقى اسهل حاجة اننا نتخلص من الحيوان !!! مااحنا شعب بيحب يستسهل اي حاجة