الموضوع: مشكله في فتيس a7 1600 2015

مهندس نور الدين الشريف بلغنا النهارده ان الجيربوكس كله هيتغير ولسه قدامه ٤٥ يوم علشان يوصل طبعا الكلام ده مش عجبنا وربنا يكرم وجهاز حمايه المستهلك يقدر يعمل لنا حاجه ويغير العربيه كلها

وكانوا عاوزنا ناخد العربيه لغايه الجيربوكس ما يجي وطبعا مارضناش وقولنلهم خلي العربيه عندكم

انا في قمه الاحباط من سكودا ان عربيه تطلع بعيب جيربوكس وطبعا بعد ما كنت بفكر بتغير الفانتازيا بيتاعتي بa7 طبعا مستحيل بعد الي شوفته من اسكودا وارتوك ونور الدين الشريف

قدر الله وما شاء فعل يا أفندم
حاول مع جهاز حمايه المستهلك انه يغيرلك العربيه كامله
لو ما نفعشى وانتهى الأمر بتغيير الجيربوكس يبقى لازم جهاز حمايه المستهلك يجبر الوكيل انه يديك تمديد للضمان للعربيه كلها مثلا يضاعف مده الضمان وربنا معاك.

الالماني بقيني نعطيه حجم اكبر من حجمه وده سر تفوق الكوري واليباني

لو لزم الامر نعملهم مظاهرة قدام الفرع بتاعهم (مالكي العربية شكودا )


دانا كنت ناوي اشتريها

والله زعلت بجد

المشاركة الأصلية كتبت بواسطة mabdou2005

مهندس نور الدين الشريف بلغنا النهارده ان الجيربوكس كله هيتغير ولسه قدامه ٤٥ يوم علشان يوصل طبعا الكلام ده مش عجبنا وربنا يكرم وجهاز حمايه المستهلك يقدر يعمل لنا حاجه ويغير العربيه كلها

وكانوا عاوزنا ناخد العربيه لغايه الجيربوكس ما يجي وطبعا مارضناش وقولنلهم خلي العربيه عندكم

انا في قمه الاحباط من سكودا ان عربيه تطلع بعيب جيربوكس وطبعا بعد ما كنت بفكر بتغير الفانتازيا بيتاعتي بa7 طبعا مستحيل بعد الي شوفته من اسكودا وارتوك ونور الدين الشريف

ربنا يخلفك في مصيبتك هذه خير

والله حاجة تزعل ..

على فكرة أنا متأكد إن إحنا بيجيلنا في مصر .. مش عربيات فرز ثالث بس ... المستوردين بيجيبولنا كل المنتجات فرز وحش أوووووووووووووي ... وده كله ليه ؟

علشان مافيش مواصفات قياسية للبضاعة المستوردة ويحافظ عليها القائمين على التنفيذ

وللأسف دول عربية تانية أقل مننا في المساحة والسكان ولكن عندهم حماية مستهلك جبارة ومواصفات إستيرادية جبااااااااااااااااااارة

كنت في دوله عربيه في شهر مايو وإجتمعنا مع أعضاء الغرفة التجارية هناك والناس بصراحة أخر إحترام ولما سألناهم عن المواصفات القياسية بتاعة كل منتج علشان لما نحب نصدر ليهم منتجاتنا المصرية
الناس بصراحة كلمتهم كانت واضحة وصريحة وهي:

بلدنا ليها مواصفات قياسية لكل منتج منصفل عن المنتج التاني وبتحافظ على الجودة بحيث تكون على أعلى مستوى ... ونصحونا بالحفاظ على الجودة العالية لمنتجاتنا لو كنا عاوزين نقدر ندخل السوق عندهم وإلا فإن الشحنة حترجع قبل ما تدخل بلادهم........

وده مش كلام خالص .. فعلا الناس رجعوا شحنة بضاعة جايالهم من فرنسا بعد ما وصلت للموانئ عندهم علشان كانت غير مطابقة للشروط وبالفعل رجعوها...

ليه إحنا في مصر منبقاش كده ؟؟؟؟؟؟؟؟؟؟؟؟؟؟؟؟

ليه المستهلك عندنا بيدفع كتير ؟؟؟؟؟؟؟؟؟؟ وبعد كده مبيعرفش ياخود أبسط حقوقه

ياجماعة الضمير مهم من كل واحد فينا في مكان عمله ...

يارب تتحل المشكلة وترجعلك عربيتك أحسن من الأول وتفرح بيها وكل إيلي حصل ده يكون في ميزان حسناتك إن شاء الله

يا ترى المشكلة اتحلت ان شاء الله