الموضوع: للدرجادى باور الالنترا خطر

للأسف شعب فشار
انا بسافر بالعربية و على سرعة 200 و بكون بعمل سندوتشات(مش باكل) و بصور بالموبايل و كمان انام و اصحى لمسافات 100 ك مستمر (بعض المنحنايات بنزل 140) و العربية استيبل خالص
شكرا

العربية استلام 15-5-2007 و عاملة حتى الأن 49965 كم

أنا كنت بعمل صيانة الـ 10000 في قليوب و المهندسين هناك بيؤكدوا إن الباور في الإلنترا زي ما هو كهربائي و لن يتم تغييره في 2009 أو غيرها بالعكس الإتجاه الآن لجميع العربيات الحديثة إستخدام هذه التكنولوجيا .

المشاركة الأصلية كتبت بواسطة Ahmad Allawy

ميزة الباور الكهربا ده انه مش بيسحب من الباور بتاع الموتور..
الاول كان الهيدروليك ده بيدور بطلمبة بتاخد الحركة بتاعتها من الموتور..
لكن دلوقتي الموتور ده بالكهربا.. بيوفر القوة المفقودة من الموتور ف الطلمبة دي..

مع احترامى الكلام ده مش مضبوط لأن الباور الكهربا بيحمل بردو على موتور العربيه عن طريق الدينامو و اللى دارس كهربا هيعرف ان كل ما الأحمال الكهربائيه بتزيد على الدينامو بتتقل حركته مع الموتور بيحمل على الموتور أكتر (وساعات لما سير الدينامو بيبقه مرخى شويه و تنور النور العالى أو المروحه تشتغل تلاقى السير بيتزحلق و يصرخ منك) مش كده بردو؟!!!!

فى حاجه كمان عاوز أقولها و هى ان الميزه الوحيده فى الباور الكهربا عن الهيدروليك ليست فى الأداء و لكن فى بساطه المكونات و اختصارها بشكل كبير مما يسهل عمليه التصنيع و التجميع و سهوله الصيانه بالنسبه للشركات المنتجه للسيارات أما بالنسبه للأداء و الدقه و الأمان فى الاستخدام أعتقد ان الهيدروليك أفضل و عندى دليل من واقع مواصفات بعض السيارات الحديثه مثل الانسر الشارك الجديده 1500 سىسى و الباور بتاعها كهربا أما ال2000 سىسى اللى مش بتزل مصر عشان الجمارك طبعا الباور بتاعها هيدروليك (يعنى الموديل الأعلى راكب فيه باور هيدروليك و الأقل راكب فيه الكهرباء و ممكن اى حد يشوف المواصفات بنفسه و يتأكد)

المشاركة الأصلية كتبت بواسطة ahmedfouad

اما الكهرباء
ابقى سلملى عليه لو البطارية سقطت
التكنولوجيا بردو مشاكلها كتييير

دي معلومة سمعتها من مهندس سيارات

الباور الكهربا لو باظ مفهوش خطر

كل اللي هيحصل ان العربية هتكون من غير باور

مش هتكون من غير دركسيون :k20:

المشاركة الأصلية كتبت بواسطة ahmedfouad

فليحيا الهيدروليك
يا جماعة طلمبة باور ايه اللى بتحمل على الموتور؟؟
احنا مش بنتكلم هنا عن كباس المكيف!!!!!!!!!!!!
اما الكهرباء
ابقى سلملى عليه لو البطارية سقطت
التكنولوجيا بردو مشاكلها كتييير

سيادتك لو البطارية سقطت العربية مش هتدور أصلاً !! هتعمل إيه بالباور ساعتها ؟؟؟!!!

و بعدين كباس التكيف بياخد من ١-٢ حصان مثلاً ، و طرمبه البور بتاخد من نصف إلى واحد حصان ، صحيح أقل لكن برضه حمل على الموتور ، هو الموتور فيه كام حصان يعني !!!