الموضوع: تقرير اولى عن السانديرو الشكل الجديد 2014

المشاركة الأصلية كتبت بواسطة hany saad

الزميل العزيز
الف مبروك الساندريو الجميلة و ان شاء الله تتهنا بيها انت و الاسرة الكريمة و ربنا يكفيك شرها
طبعاً حضرتك ليك حق فى كل اللى قولته بالنسبة للعيوب و لكنى حابب اوضح لحضرتك بعض النقاط بعد أذنك
السانديرو و اللوجان عربيات أقتصادية نتيجة انتاج مشترك ما بين رينو و داتشيا للخروج بعربية أقتصادية بأقل التكاليف و أقل الأعطال و ميكنش فيها تكنولوجيا معقدة و هى سيارات موجهة بالأساس للدول النامية و أكبر سوق ليها هو روسيا و رومانيا

طبعاً بغض النظر التوكيل هنا بيبعها بكام و لكن لما نيجى نحكم عليها لازم نحكم من هذا المنطلق و هل رينو نجحت فى الوصول للهدف بتاعها ولا لأ

الموتور فيه نحره و لكنها هتقل بعد ال 3000 كم و طبعاً لازم نكون صادقين ان اكيد عزل حوض الموتور عن الكابينة مش ممتاز
اماكن الزراير غريبة طبعاً و لكن لاحظ الأتى:
- مثبت السرعة يستخدم فى السفر فقط و لا يستخدم بشكل يومى فنعديلهم النقطة دى
- زرار ضبط مستوى الكشافات اعتقد هو مكانه شمال الدريكسيون فى كتير من العربيات....هو يمكن نازل تحت شوية بس برده الطبيعى انك مش بتغير المستوى كتير....
- مكان الكلاكس ده من ايام الكليو و هما فعلاً لتقليل التكلفة مستخدمين بعض الأجزاء من الكليو القديمة و منها دراع الكشافات بالكلاكس و دراع الأشارات
- بالنسبة لدراع الكرسى...لازم حضرتك ترفع نفسك و انت بترفع الدراع لفوق....و لو مرفعش يبقى طبعاً التوكيل
- بالنسبة لرفض المكالمات....من نفس زرار الأستقبال افضل دايس عليه فترة قصيرة لما مكالمة تيجى هتلاقيه رفضها يعنى دوسة قصيرة يستقبل دوسة طويلة يرفض....جرب حضرتك و قولى

الف مبروك مرة أخرى

تحياتى

ربنا يبارك فى حضرتك.. هى فعلا اعتقد انها نجحت فى الوصول للهدف ..ملاحظاتك فعلا صحيحة واتمنى صوت الموتور يهدا زى ما حضرتك بتقول. اما ذراع الكرسي فواضح انه هناك عيب لانى جريت بكل الاوضاع ، وعلى فكرة فى الكرسيين ، وطبعا انا اول ما نزل هاجرب موضوع التليفون ..واخيرا الف شكر على ملاحظاتك

صوت الموتور بيهدي فعلا بعد ال ٣٠٠٠ كم الاولي و من وجهه نظري من الاسباب القويه لصوت الموتور العالي هو زيت توتال اللي متمسكين به باستماته مش عارف ليه في كل الموديلات

المشاركة الأصلية كتبت بواسطة land_cruiser

صوت الموتور بيهدي فعلا بعد ال ٣٠٠٠ كم الاولي و من وجهه نظري من الاسباب القويه لصوت الموتور العالي هو زيت توتال اللي متمسكين به باستماته مش عارف ليه في كل الموديلات

هل ممكن اغير الزيت ولا كده ابقى برة الضمان

المشاركة الأصلية كتبت بواسطة ahmedfouad

1000 1000 مبروك يا باشا
اختيار موفق ان شاء الله

كل الشكر ليك ..وان شاء الله نتقابل فى تقرير ال5000 ونشوف اوضاع العربية هاتبقى ازاى

مقابلتش الاستيب واى فى طريقك يا معتز ؟؟؟

كنت عايز اعرف انهى تكيف فيهوم احسن ، اوكتافيا ولا رينو ؟

استاذ moataz1313
علشان تعلي كرسي السواق لازم حضرتك تنزل من العربية علشان ما ينفعش يتعمل و حضرتك قاعد عليه.

بالنسبة للمكالمات و انت متصل بالبلوتوث من زراير الكاسي فا ديه سهلة..
اول ما تستقبل مكالمة الكسيت هيظهر الاسم او الرقم المتصل و تحتيه صورتين لسماعة تليفون واحدة للرد او لاغلاق الكالمة و عدم الرض عليها و علشان تختار منهم هتستخدم بكرة الراديو اللي في النص يمين و شمال

او ذي ما زميل قال هنا تدوس دوسه مطولة علي الذرار اللي بترد منه في دراع المالتي فانكشن.

مبروك العربية و بنا يباركلك فيها :)