تقرير اولى عن السانديرو الشكل الجديد 2014

**moataz1313** · 25-06-2014 02:51 PM

الحمد لله استلمت العربية السانديرو من الليثى منذ اول هذا الشهر .. والعربية جميله وواسعة من الداخل بالنسبة الى انها هاتشباك..وارجوا ان اكون منصف للعربية برغم ان عربيتى هى الاوكتافيا ودى للمدام..
فممكن اكون بدون قصد وقعت فى خطأ المقارنة بينهما..عموما عيوب العربية فى وجهة نظرى اللتى لا يمكن اغفالها ..اولا فى نحرة واضحة فى صوت المورتو.. مش من السهل التعايش معها ..خاصة انها موديل السنة ..تقفيل العربية متواضع داخليا وتحس انهم عايزين يحطوا الاوبشن بس مش عارفين الاماكن المناسبة فين..يعنى مثلا زراير المحدد السرعة تلاقيها تحت التكييف ودة بعيد عن مستوى الايد وانت سايق ..زرار التحكم فى ارتفاع الفوانيس الخارجية اسمل شمال الدركسيون وتحتاج انك تنزله بجسمك عشان تستخدمه , لغاية دلوقت مش فاهم حكاية الكلاكس اللى فى الدراع الشمال , ولغاية دلوقت برده مش عارف ارفع مسوتى الكرسي رغم ان فى دراع لكن لايستجيب ابدا..
حاجة تانيه برده لو مش عايز تستقبل مكالمة متعرفش تلغيها كل الزراير اللى ف الكاسيت او الذراع تؤدى الى استقبال المكالة...ماشي مش مشكلة.
تيجى بقى لما تفتح الابواب وانت قاعد فى العربية وبالذات الابواب الامامية تشوف بكل سهولة المسامير اللى رابطة الرفرف بجسم السيارة بصراحه كأن العربية مجمعها على ايدك ..
فيى بقى شوية حاجات كده ممكن التعايش معاها زى صوت ورا وانت ماشي سات تسمعه فى الشنطه زى تزييق ..الباور تقيل ..الطلعة بتاعة العربية تقيلة ويمكن لانى لسه فى اول الف كيلو..خامات التابلوه مقبولة.
الايجابيات الاوبشن جيد ..الوسع معقول بما فيها الشنطة.. شكل العربية جميل وجديد..وفى السانديرو احسن من اللوجان مش عارف ليه او ده اعتقادى... دى تقريبا كل اللى حسيته ولغاية ما اعمل صيانة ال5000 كيلو ..السلام عليكم ولكم

**Omar2017** · 25-06-2014 03:14 PM

مشكوووووووور
و صوت الموتور بعد ال10 الاف كيلو بيهدا

**ahmed.Elashy** · 25-06-2014 05:53 PM

كنت ف نفس مشكلتك برده اني بقارن بالاسكودا
انت كدا بتظلم الرينو لان الاسكودا فئه تانيه خالص
مبروك ع العربيه واستمتع بيها

**Amr Axel** · 25-06-2014 06:07 PM

الف مبروك ع العربية ربنا يديك خيرها و يكفيك شرها
بس مش هتقدر تحكم ع العربية الا بعد 3000 ك هتلاقي اختلاف و بعد الـ10000 ك ان شاء الله هتلاقي اختلاف كمان بالنسبة الزراير انا لما جربتها لقيت كل حاجة سهل الوصول اليها و موضوع الكلاكس في الدراع بالرغم انه بيحسسك راكب تاكس او ميكروباص بس شايف انه اسهل ع الاقل بالنسبة ليا خاصة ان ايدي الشمال دايما ع الدراع في اي عربية عشان الاشارات و النور ( انا مش سواق تاكس ع فكرة هههههه )
بالنسبة صوت التزييق ممكن يكون تربيط عفشة
بالنسبة لدراع الكرسي هترفعه لفوق هيرفعك تنزله لتحت هينزل الكرسي لو برده مش شغال يبقي توكيل برده
يفضل تجيب ورقة تكتب فيها اي ملاحظة تلاقيها في العربية عشان لما تروح التوكيل متنساش حاجة و تتحفهم بالقايمة :)

**windofchange** · 25-06-2014 06:14 PM

المشاركة الأصلية كتبت بواسطة moataz1313

يعنى مثلا زراير المحدد السرعة تلاقيها تحت التكييف ودة بعيد عن مستوى الايد وانت سايق

هي العربية فيها مثبت سرعة يا معتز؟

**Hany Saad** · 25-06-2014 06:59 PM

الزميل العزيز
الف مبروك الساندريو الجميلة و ان شاء الله تتهنا بيها انت و الاسرة الكريمة و ربنا يكفيك شرها
طبعاً حضرتك ليك حق فى كل اللى قولته بالنسبة للعيوب و لكنى حابب اوضح لحضرتك بعض النقاط بعد أذنك
السانديرو و اللوجان عربيات أقتصادية نتيجة انتاج مشترك ما بين رينو و داتشيا للخروج بعربية أقتصادية بأقل التكاليف و أقل الأعطال و ميكنش فيها تكنولوجيا معقدة و هى سيارات موجهة بالأساس للدول النامية و أكبر سوق ليها هو روسيا و رومانيا

طبعاً بغض النظر التوكيل هنا بيبعها بكام و لكن لما نيجى نحكم عليها لازم نحكم من هذا المنطلق و هل رينو نجحت فى الوصول للهدف بتاعها ولا لأ

الموتور فيه نحره و لكنها هتقل بعد ال 3000 كم و طبعاً لازم نكون صادقين ان اكيد عزل حوض الموتور عن الكابينة مش ممتاز
اماكن الزراير غريبة طبعاً و لكن لاحظ الأتى:
- مثبت السرعة يستخدم فى السفر فقط و لا يستخدم بشكل يومى فنعديلهم النقطة دى
- زرار ضبط مستوى الكشافات اعتقد هو مكانه شمال الدريكسيون فى كتير من العربيات....هو يمكن نازل تحت شوية بس برده الطبيعى انك مش بتغير المستوى كتير....
- مكان الكلاكس ده من ايام الكليو و هما فعلاً لتقليل التكلفة مستخدمين بعض الأجزاء من الكليو القديمة و منها دراع الكشافات بالكلاكس و دراع الأشارات
- بالنسبة لدراع الكرسى...لازم حضرتك ترفع نفسك و انت بترفع الدراع لفوق....و لو مرفعش يبقى طبعاً التوكيل
- بالنسبة لرفض المكالمات....من نفس زرار الأستقبال افضل دايس عليه فترة قصيرة لما مكالمة تيجى هتلاقيه رفضها يعنى دوسة قصيرة يستقبل دوسة طويلة يرفض....جرب حضرتك و قولى

الف مبروك مرة أخرى

تحياتى

**moataz1313** · 25-06-2014 07:13 PM

المشاركة الأصلية كتبت بواسطة amr axel

الف مبروك ع العربية ربنا يديك خيرها و يكفيك شرها
بس مش هتقدر تحكم ع العربية الا بعد 3000 ك هتلاقي اختلاف و بعد الـ10000 ك ان شاء الله هتلاقي اختلاف كمان بالنسبة الزراير انا لما جربتها لقيت كل حاجة سهل الوصول اليها و موضوع الكلاكس في الدراع بالرغم انه بيحسسك راكب تاكس او ميكروباص بس شايف انه اسهل ع الاقل بالنسبة ليا خاصة ان ايدي الشمال دايما ع الدراع في اي عربية عشان الاشارات و النور ( انا مش سواق تاكس ع فكرة هههههه )
بالنسبة صوت التزييق ممكن يكون تربيط عفشة
بالنسبة لدراع الكرسي هترفعه لفوق هيرفعك تنزله لتحت هينزل الكرسي لو برده مش شغال يبقي توكيل برده
يفضل تجيب ورقة تكتب فيها اي ملاحظة تلاقيها في العربية عشان لما تروح التوكيل متنساش حاجة و تتحفهم بالقايمة :)

ربنا يكرمك ..وانا قعلا بدات اعمل كده بس انازحاسس انى هاروح التوكيل بكشكول...

**moataz1313** · 25-06-2014 07:15 PM

المشاركة الأصلية كتبت بواسطة raklove

مبروك يا ريس وربنا يباركلك فيها
بالنسبة للزراير ومكان الكماليات زي ما قولت عادي يمكن التعايش معاها ومع الوقت التعود هيجي

بس اللي يقلق الصوت هو صوت واضح اوى يعني ولا يدوب نسبة بسيطة ؟؟
سمعت كتير من ملاكها ان الصوت بيهدا بعد الـ 5 الاف كيلو وكمان السحب بيبقى حلو واحسن من الاول

بنا يبارك فيك ..بس بصراحة انا بحس انها متور سيات القديم بصوت النحرة دى

الموضوع: تقرير اولى عن السانديرو الشكل الجديد 2014

LinkBack

أدوات الموضوع

عرض

-

-

-

-

-

المواضيع المتشابهه

تقرير عن نيسان صنى سوبر صالون 2014 الشكل الجديد

I 10 2014 الشكل الجديد

كورولا 2014 الشكل الجديد ولا سيراتو 2014 الشكل الجديد

كيا كارينز 2014 الشكل الجديد

كيا كارينز 2014 الشكل الجديد

الكلمات الدلالية لهذا الموضوع

المفضلات

المفضلات

ضوابط المشاركة