ياااااااااااه كل دة
مبروك اولا عليك الرخصة
ثانيا شكرا على المعلومات القيمة
تقبل خالص تحياتى
رقم العضوية : 84541
تاريخ التسجيل : 29Dec2010
المشاركات : 73
النوع : ذكر
الاقامة : الأسكندرية
السيارة: لا توجد
السيارة[2]: سيريون
دراجة بخارية: لا توجد
الحالة :
النهارده الأربعاء 25/6/2014 روحت مرور أبيس عشان أجدد رخصة العربية . وهي المفروض كانت تنتهي في 9/7/2014 . و كانت الخطوات كالآتي :-
************************************************** ******************
1- روحت على الخزينة أشتريت دوسيه ب 43 جنيه عشان تجديد الرخصة ل 3 سنوات . و لقيت فيه 4 ورقات و دمغات . منهم 3 ورقات نفس النموذج ( عشان التجديد 3 سنين ) و ورقة رابعة نموذج لوحده . المهم مليت بيانات الأسم و العنوان و رقم التليفون و ماركة العربية و موديل العربية و سنة الصنع في ال 3 ورقات و مليت بيانات الأسم و العنوان في الورقة الرابعة
2- روحت علي خزينة تانيه أشتريت من عندهم ورقة نموذج الفحص الفني و ورقة فحص الطفاية ب 6 جنيه . المهم أني أكتشفت عندهم نفس الدوسيه اللي كان في الخزينة الأولى . يعني الموضوع كله كان ممكن يخلص من الخزينة التانيه . بالنسبة لنموذج الفحص الفني و ورقة الطفاية يتم ملئها بمعرفة المرور .
3- روحت على غرفة للكمبيوتر خاصة بالبدء في أستخراج شهادة المخالفات . أديته الرخصة و بعد البحث أداني قصاصة ورق كتب عليها بيانات السيارة .
4- خدت قصاصة الورق ورحت علي مبنى نيابة المرور . أديته الورقة مع البطاقة مع رخصة العربية . و بعدين قالولنا أركنوا على جنب و حنبقى ننده عليكوا .
5- بعد البحث بدؤا يندهوا على واحد واحد و يسلموه شهادة المخالفات الخاصة بيه . و الحمد لله ما طلعشي عليا مخالفات .
6- خدت شهادة المخالفات ورحت سلمتها في شباك تاني في نفس المبنى عشان تتختم بختم النسر ب 5 جنيه .
7- بعد الختم خدت شهادة المخالفات و سلمتها في شباك تالت مجاور للشباك السابق عشان وكيل النيابة يمضيها . المهم أنهم جمعوا الشهادات و قالولنا أركنوا على جنب و حنبقى ننده عليكوا . و بعد فترة بدؤا يندهوا على الناس و يسلموا كل واحد الشهاده بتاعته . كده الشهادة بقت مستوفية لختم النسر و توقيع وكيل النيابة .
8- بعد كده روحت على مكتب لشركة مصر للتأمين داخل المرور أشتريت وثيقة تأمين أجباري ل 3 سنوات بمبلغ 264 جنيه .
9- بعد كده خدت الطفاية وروحت على مكتب فحص الطفاية . و ده بجوار ساحة الفحص الفني . أديته الطفاية بص عليها ثم ختم ورقة فحص الطفاية ( يستحب 5 جنيه قهوة بس أنا ما دفعتش حاجة ) . و أنا الطفاية عندي عمرها 3 سنوات من تاريخ شراء السيارة . و هي الطفاية مكتوب عليها صالحة لمدة 10 سنوات مع عمل صيانة لها بعد 5 سنوات . يعني الطفاية عندي كانت تعتبر داخل فترة الصلاحية المنصوص عليها .
10- بعد كده خدت المثلث العاكس و شنطة الأسعافات و روحت لمكتب تاني بجوار مكتب فحص الطفاية . و بجوار ساحة الفحص الفني . المهم أنهم بصوا على الحاجة و أدوني ورقة من عندهم بوجود هذه الأشياء ( يستحب قهوة واجبة 5 جنيه ) .
11- بعد كده دخلت على ساحة الفحص و قبل ما أقف في الطابور بيبقى فيه عامل بيآخد بصمة الموتور و رقم الشاسيه . و ده بيبقى بيتنقل بين العربيات و عليك أنك تستلقطه . و هو بيجي على طول ما بيتأخرش ( يستحب قهوة واجبة 5 جنيه ) .
12- بعد كده دخلت بالعربية على طابور الفحص و فضلت أطفي و أدور و أتقدم لحد ما جيت قدام مهندس الفحص في مكتبه . بص على العربية و طلب أضاءة الأنوار و أطفاءها . و طبعا لأن العربية جديدة موديل 2011 مضى الورق و ختمه على طول ( مفيش هنا قهوة )
13- بعد كده خدت العربية و ركنتها بعيد و بقى معايا الدوسيه فيه 3 ورقات نفس النموذج + ورقة نموذج لوحده + الدمغات اللي جايه مع الملف + شهادة المخالفات مختومة بختم النسر و ممضية من وكيل النيابة + ورقة فحص الطفاية + ورقة أثبات المثلث العاكس و شنطة الأسعافات + ورقة الفحص الفني للسيارة
14- بعد كده روحت على مكتب الظابط ( نقيب شرطة ) و ده مكتبه داخل ساحة أختبارات القيادة . و دخلنا واحد واحد نمضي نموذج الفحص الفني منه و نطلع .
15- بعد كده روحت على مبنى تجديد رخص الملاكي . دخلت على شباك تقدير الضريبة . خد مني الرخصة و كتب قيمة الضريبة المستحقة على حتة ورقة بيضا و قالي روح أدفع في الخزينة ( الخزينة خارج المبنى )
16- روحت الخزينة دفعت 500 جنيه قيمة الضريبة عن 3 سنوات عشان العربية 1300 سم
17- حطيت أيصال السداد في الدوسيه و رجعت تاني لمبنى تجديد رخص الملاكي . سلمت الرخصة القديمة في شباك تاني . خد بيانات الرخصة في ورقة عنده و قالي أستريح على جنب لحد ما نجيب الملف بتاعك من الأرشيف و الموظفة اللي حينزلها ملفك حتبقى تنده عليك .
18- بعد حوالي 40 دقبقة لقيت موظفة بتنده على أسمي من أحد الشبابيك . خدت الملف و الرخصة القديمة و طلبت تصوير بطاقة الرقم القومي صورتين . خرجت صورتهم من ماكينة التصوير ( كشك خارج المبنى ) .
19- رجعت بصورتين البطاقة للموظفة حطتهم في الملف و راحت بعتاه لمكتب موظفة تانيه وراها للمراجعة .
20- لفيت من ورا الشبابيك لمكتب الموظفة التانيه و كل الناس بتعمل كده . و هي بتآخد الملفات الموضوعة أمامها بالترتيب . لحد ما جه دور الملف بتاعي . راجعته و راحت مدياني أستمارة قالتلي روح بيها علي شباك أستخراج الرخصة .
21- روحت على شباك أستخراج الرخصة و دي آخر مرحلة . سلمت الأستمارة للموظفة مع أستمارات ناس تانيه كانوا واقفين . و قالتلنا أستنوا شوية و حنبقى ننده عليكم .
22- بعد 15 دقيقة تقريبا لقيت موظف من شباك مجاور للموظفة بينده على أسمي و بيسلمني الرخصة الجديدة تاريخ أنتهائها في 9/7/1014 أي بعد 3 سنين من تاريخ أنتهاء الرخصة القديمة .
23- خرجت من المرور و أنا حاسس أني عملت أنجاز عظيم فقررت أكافئ نفسي أنا و زوجتي روحنا رايحين على كارفور خدنا أتنين آيس كريم . جالي دور برد بسببه . و حاليا أنا بردان بس معايا رخصة جديدة .
****************************************
تحياتي لكم جميعا و أرجو ألا أكون أطلت عليكم ،،،
رقم العضوية : 129510
تاريخ التسجيل : 19Sep2012
المشاركات : 1,567
النوع : ذكر
الاقامة : amsterdam
السيارة: ople vectra 2002 cdx
السيارة[2]: fait 128
الحالة :
ياااااااااااه كل دة
مبروك اولا عليك الرخصة
ثانيا شكرا على المعلومات القيمة
تقبل خالص تحياتى
{رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ}
رقم العضوية : 147768
تاريخ التسجيل : 26Aug2013
المشاركات : 120
النوع : ذكر
الاقامة : بنها
السيارة: اوبل فيكترا b2
السيارة[2]: مرسيدس
الحالة :
اولا مبروك يا ريس و عقبالى قريب ان شاء الله
ثانيا التعامل مع اى جهة حكوميه و بالذات المرور (مش كلهم) يخلو الواحد يكره اليوم اللى فكر فيه يركب عربيه
و يخلونا نفكر نبيعها من القرف اللى بنشوفه
بس انت غلطان كنت جددت 5 سنين عشان تأخر العلقه دى سنتين كمان
رقم العضوية : 161912
تاريخ التسجيل : 24Jun2014
المشاركات : 14
النوع : ذكر
الاقامة : الاسكندريه
السيارة: لما اشترى الاولى
السيارة[2]: ربنا يكرمنى
الحالة :
مبروك الرخصه
رقم العضوية : 84541
تاريخ التسجيل : 29Dec2010
المشاركات : 73
النوع : ذكر
الاقامة : الأسكندرية
السيارة: لا توجد
السيارة[2]: سيريون
دراجة بخارية: لا توجد
الحالة :
ألف مبروك عليكم جميعا . و عقبال عندكووو . الحقيقة مفيش تجديد ل 5 سنين و أقصى حاجة مسموح بيها هي 3 سنين بس . ياريت كان فيه 10 سنين كنا عملناها 10 سنين بدل وجع القلب ده . معلهش فيه خطأ بسيط في المقال الرئيسي نتيجة السرعة في الكتابة و هو أن تاريخ أنتهاء الرخصة الجديدة في 2017/7/9 مش 2014/7/9 .. تحياتي لكم جميعا ،،،
رقم العضوية : 130444
تاريخ التسجيل : 20Oct2012
المشاركات : 463
النوع : ذكر
الاقامة : ايتاى البارود
السيارة: قريب ان شاء الله
السيارة[2]: ACCENT RB 2012
الحالة :
عقبالى يارب
بس احب اقولك ان بعد اللى عملته دا انا مش رايح المرور لانى مش حستحمل اللى انت استحملته دا
رقم العضوية : 161987
تاريخ التسجيل : 26Jun2014
المشاركات : 3
النوع : ذكر
الاقامة : cairo
السيارة: لا يوجد
السيارة[2]: 128
الحالة :
رقم العضوية : 29057
تاريخ التسجيل : 02Jan2009
المشاركات : 54
النوع : ذكر
الاقامة : القاهرة
السيارة: مرسيدس
السيارة[2]: مرسيدس
الحالة :
عندنا فى الامارات تجديد الرخصة عن طريق ماكينة زى ماكينة atm
تدخل الرخصة القديمة و تدفع الرسوم تطبعلك الرخصة الجديدة و تنزلها تستلمها فى دقيقتين
رقم العضوية : 128834
تاريخ التسجيل : 20Aug2012
المشاركات : 904
النوع : ذكر
الاقامة : الأسكندرية
السيارة: Kia Picanto
السيارة[2]: Honda Civic 2013
دراجة بخارية: معرفش أسوقها و بخاف منها
الحالة :
ألف مبروك يا معلم .
أنا الحمد لله نجوت من مرور أبيس و البهدلة بتاعته من سنة 2003. أنا فى مرور المنتزة و العملية أسهل شوية من أبيس ( مجرب التلاتة و حياتك لإن رخصة القيادة من محرم بك).
بالمناسبة أحب أحكيلك عن تجربة التجديد فى السعودية ( لسة ما جابوش مستوى الإمارات)
1-إستأذنت من العمل الساعة 10ص .
2-رحت على المرور وقفت طابور بالسيارة طبعا و دفعت الرسوم و أنا فى السيارة و أخدت إيصال و كملت سواقة لغاية خط الفحص
3-نزلت من السيارة و سلمت الإيصال للفنى و مشيت لآخر الخط .
4-العامل جابلى السيارة و شهادة الفحص و أنا فى آخر الخط و الحمد لله مافيش ملاحظات
5-رحت على التأمين جددت
6-رحت للضابط فى مبنى ملاصق سلمته الرخصة القديمة و كشف على الكمبيوتر و نادانى بعد 5 دقائق أستلم الرخصة الجديدة.
7-أخدت العربية و لحقت الغدا الساعة 12
هاااااااااااااااااااااااا ح
إمتى بقى نوصل للمستوى ده مش حقول الإمارات . لكن طول ما فيه سبوبة مش حنتقدم.
رقم العضوية : 84541
تاريخ التسجيل : 29Dec2010
المشاركات : 73
النوع : ذكر
الاقامة : الأسكندرية
السيارة: لا توجد
السيارة[2]: سيريون
دراجة بخارية: لا توجد
الحالة :
شكرا لمشاركات حضراتكم جميعا . أحب أأكد أولا على أن مفيش مدة بتروح على الواحد من فترة الرخصة القديمة لأن دي فترة كان متسدد عليها الضريبة من المرة السابقة . أنصح أي حد ناوي يجدد أنه يكون في المرور من الساعة 8 و يبدأ بشراء الملف أول ما الخزينة تفتح ثم يبدأ في أستخراج شهادة المخالفات لأن بعد كده الدنيا بتتزحم و ممكن ما تلاقيش مكان تركن فيه العربية داخل المرور نفسه فتضطر تركنها في الشارع بره . ممكن الموضوع كله يآخد من 3 ألي 4 ساعات بشرط الذهاب بدري . أنا مع حضراتكوا أن الطقوس المتبعة هي من القرون الوسطى خصوصا أن أماكن تجميع مطلوبات التجديد من مكاتب متفرقة في أكثر من مبنى ( مبنى الخزينة - مبنى نيابة المرور - مبنى فحص الطفاية و المثلث و شنطة الأسعاف - مبنى الفحص الفني - مبنى مكتب الظابط - مبنى الأرشيف - مبنى تجديد رخص الملاكي - كشك التصوير ) . لكن حنعمل أيييه هي دي مصر . لسه بدري علينا مش عشان نبقى زي أوروبا و أمريكا و لكن عشان نبقى زي الأمارات و السعودية ،،،
المفضلات