الموضوع: كيا سبورتاج ٢٠١٥ ام اوبل استرا كوزمو ٢٠١٤

المشاركة الأصلية كتبت بواسطة internalspirit

ياباشا طبعاً انا شاكر جداً للنصيحة بس انا حاسس انك متحامل حبتين علي السبورتاج مع انها محققة مبيعات ولا في الخيال والريسيل بتعها وهمي وده اكيد حاجة مش مستخبية ، وانا طبعاً كنت متأكد من الاول انها مقارنة فيها ظلم شوية عشان بقارن كوري بالماني بس اللي انا شايفه ان الكوري دلوقتي بقي سهمه في العالي لعدة مميزات اولها الريسيل زي مقولتلك في البداية وطبعاً قطع الغيار المتوفرة بشدة غير ثمنها اللي اقل من الالماني طبعاً
طبعاً حضرتك ممكن تقول مدام انت مقتنع اوي كده بالسبورتاج متروح تجيبها ومتوجعش دماغنا

http://www.akhbarak.net/articles/157...src=جريدة البورصة

السبورتاج ف المركز الرابع ( بعد التيجو الصيني المانوال ) ب 13% بس !
أما بالنسبة للمقارنة فرأيي أسترا طبعا .. والله أعلم.

المشاركة الأصلية كتبت بواسطة ashouhdy

هو الموضوع يجيب بولندى ولا المانى :)

شوف حضرتك

انت عايز اية من العربية

دة اهم سؤال تسألة لنفسك


لو عايز عربية عفية تلعب بيها في الصيف في الرملة وتطلع رصفان وتدخل على الرملة شوية وتحمل فيها ناس كتيير وميهمكش الدنيا

يبقي اكيد السبورتاج


لو عايز عربية ركوبة

يعنى راحة جلوس كرسي مفرود رياضي اداء عزل ثبات و تشيل 4 مستريحين وتحس بمتعة السواقة بس تخليك عالاسفلت بس يبقي الاسترا


لية بقولك كدة عشان فرق كبير بين ركوبة ال suv والسيدان ... الsuv بتبقي بالبلدى قاعد فوق التابلوة يعنى قاعد على كرسي سفرة وعالى والتابلوة والدنيا تحتك

السيدان بالذات الاسترا بيبقي التابلوة محتويك تحس انك جواة وقاعد مريح ومفرود

بالنسبة ليا في السفر الطويل السيدان لا يعلى علية ... قاعدة ال suv متعبة بالذات مع قلة الثبات


انت واحتياجاتك

علي فكره انا دايما بحترم رايك ومقالاتك بس كمان عايز اضيف ان الاسبورتاج وال ix35 مش كوري الاتنين تقفيل تشيكي اتحاد اوربي برضوا