الموضوع: تنبية لمالكى المواتير الحديثة و gm مثل الكروز و الاسترا بالنسبة للزيوت المستخدمة

المشاركة الأصلية كتبت بواسطة amrelsaqqa

اعتقادى الشخصى ان مفيش حاجة اسمها حرارة الموتور واحدة في الصيف والشتاء
في فرق والموتور بيتحرك في رينج مش حرارته دايما ثابتة
ابسط دليل على كدة ان الزيت متعدد اللزوجة وبنقول رقم للشتاء ورقم للصيف


النقطة التانية بقى والاهم
اننا الاول لازم نعرف حرارة الموتور اصلا

حرارة المية ودورة المية اللى هى في منطقة وش السلندر ، غير حرارة الموتور ككل ، المية مش بتبرد كل اجزاء الموتور والزيت عليه عامل كبير في التبريد زيه زي المية ، بس انت مش بتشوف درجة حرارة الاجزاء اللى الزيت بيبردها بتبقى عاملة ازاى ومفيش حاجة تضمنلك ان الحرارة ثابتة ولا حاجة ده بالعكس اكيد الحرارة بتختلف لان مفيش حاجة بتحكم الموضوع ده بالنسبة للاجزاء اللى الزيت بيبردها (غير سرعة الموتور وسرعة طرمبة الزيت ) يعنى ولا مروحة ولا ترموستات زي دورة المية .. كمان ليه اداء الموتور بيختلف لما يمشى في السلانسيه والزحمة كتير وبعدها تشد على سرعة عالية تلاقى الموتور نعم جدا مع ان في الحالتين حرارة المية ثابتة على 90 ؟ ، السبب ان الزيت بيشتغل احسن ويشتت حرارة اكتر ف الموتور بيفوق معاك


نقطة كمان
كتالوج عربيتى نفسه ( بيجو 301 ) بينصح بـ 5w30 و 5w40 ورابط الموضوع بدرجات الحرارة يعنى 5w30 على ما اتذكر مكتوب انه لحد درجة حرارة 35 مئوية ، وبعد كدة لازم نستخدم 5w40 وده كلام كتالوجات مش هيبقى فيه فتي واعتقد بيقطع الشك باليقين :)


اما ان الزيت بيبقى تقيل اوى ومش بيوصل لكل الاجزاء الدقيقة للموتور لما يكون 5w40 فمعلش برضه ليا وجهة نظر مختلفة والله اعلم ايه اللى صح، هو كلام حضرتك صح لو بنتكلم عن زيت احادى الدرجة بتاع مواتير الديزل اما الزيوت التخليقية بتبقى زي ما احنا عارفين متعددة الدرجات فمعنى كدة ان الزيت بيشتغل 5 و 10 و 15 ..... لحد 40 او لحد 30 .... يعنى هو فيه لزوجات متعددة حسب الحرارة والظروف اللى هو شغال فيها مش لزوجة واحدة ، يعنى 5w40 انا شايف انه يتضمن ويغطى اداء 5w30 لكن العكس غير صحيح (والله اعلم )


اخر حاجة طبعا اغلب تجارب الناس اكدت ان 40 احسن في ظروف السواقة والجو عندنا
وتحياتى للموضوع الجميل والنقاش المميز :)

موضوع حرارة الجو دة محير

لأن ال 30 من كل شركات الزيوت مبتفرقش معاة

بالذات ان قياس اللذوجة بيكون فى درجة حرارة صفر للشتا و 100 درجة مئوية للصيف