الموضوع: تقييم جماعي للسيارة ec7

المشاركة الأصلية كتبت بواسطة m i d o

بسم الله الرحمن الرحيم

المحرك السحب في البداية مش قوي يعني ياخد 5/10 بعد عدد لفات 2500 لفة في الدقيقة بيكون العزم كويس جدا وياخد 8/10 ودة بفضل خاصية ال cvvt الموجودة في المحرك وتقييمي الشخصي للمحرك انة كويس مش قوي اوي ولا ضعيف اوي هوة متوسط وكنت افضل يكون 1600 سي سي بس برضو ال 1500 مش وحش وسحب العربية في الاول ضعيف و الثاني قوي و الثالث و الرابع قوي جدا و الخامس قبل سرعة 110 بيكون ضعيف اوي اوي اوي بعد سرعة 110 او بمعني اصح بعد عدد لفات اكتر من 2500 لفة بيكون سحبة جيد
سحب الاول 3/10
الثاني 5/10
الثالث 8/10
الرابع 8/10
الخامس 6/10
دة تقييمي للمحرك وفي انتظار تقييم باقي الملاك وبكرة ان شاء الله تقييم اخر لجزء اخر في السيارة

سحب الاول 3/10 ازاي ؟ حضرتك الغيار الاول معروف هو اللي ليه اكبر قوة تسارع في اي سيارة ! اكيد انت بتكون لسه دايس دبرياج شوية وانت ع الاول عشان كده بتلاقي السحب ضعيف ، انت بعد ماتوصل لسرعة 10 كلم او 15 كلم ع الاولاني شيل رجليك من ع الدبرياج خالص، ولما تنقل تدوس وتشيل رجليك خالص برضه كأنك سايق عربية اوتوماتيك ، لان لما تدوس ع الدبرياج طول مانت ماشي حتى لو ضغط خفيف ده بيأثر على قوة التسارع وبيخلي المحرك يبذل مجهود اكبر للسحب = استهلاك بنزين اكبر + انهاك للمحرك


بالمناسبة ، ماتنقلش ع الخامس قبل الوصول ل 4000-4500 لفة ع الرابع، لان ده برضه فيه انهاك للمحرك لما تنقل من الرابع للخامس وتسحب بالخامس على 2000 لفة ! خايف على استخدام البزين؟ خاف على المحرك اكتر..

بالنسبة للاولاني ، ده يعتبر غيار لتحريك السيارة فقط ، يعني تنقل ع التاني وانت على 20-25 كلم كحد اقصي :) تنقل ع التالت من على 40-45 كلم/ٍساعة ، الرابع 70-80 ، الخامس 110-120، ياريت ماتكررش النقل ع الخامس وانت على 2000 لفة/دقيقة ، حرام عليك :3 المحرك المسكين ده انت كده بتعذبه :(