مواصفات زوجة 2009

**kero25** · 17-10-2008 02:15 PM

انا عن نفسى رافض ان البنت تتجوز ومعاكى يا بوسى&نهى انها ممكنم قبل الجواز تشتغل عادى لكن بعد الجواز لا عشان انا كمان زى ميمو شغلى 20 يوم برد البيت ويدة بيبقى صعب اوى ان يخرج الاب والام من البيت وكدا مش هيكون فى بيت اصلا
هو الصح لام تربى والاب يشتغل عشان الام تعرف تربى صح ولازم طبعا يشارك الزوج مش كل حاجة يقول دة تربيتك با مدام لا انا شايف الكلمة دة غلط لان حتى لو الراجل بعيد عن البيت فمن الممكن انوة يشارك فى تربية الاولاد
بس موضع الشغل للبنت انا مش بحبظة خالص وبحس انة بهدلة ليها وتعب
الراجل يشتغل والست البيت دة مملكتها تعمل فبة الى هيا عيزاة والراجل على قد ميقدر لازم يوفرلها الى هيا محتجاة عشان تربى اولادة صح وتحافظ على بيتة فى غيابة
وربنا يكرم وكل واحد فينا يلاقى النص التانى الى بيكمله

**محمد أنور** · 17-10-2008 02:24 PM

انا مع نظرية ان الدكتورة متتجوزش غير دكتور و المهندسة متتجوزش غير مهندسة والصيدلانية متاخدش غير صيدلي .. 100% صح لأن تفكير الطبيبة عمره ما هيعلى عن الطبيب و لكن هيعلى عن غيره
و بقول كدة لأني فعلا شفت تجربة لبنت عمي .. طبيبة و تزوجت ظابط فالجيش .. وللأسف تفكيره عمره ما وصل لتفكيرها .. بالعكس ده هي تحس انها الاول كانت عاقلة و رزينة و بعد الجواز بدأ تفكيرها يتغير للأسوأ و تتصرف تصرفات مش مضبوطة .. و ده كله بسبب زوجها الظابط ..و للأسف انتهى بيهم المطاف للانفصال ..
و بجد نصيحتي بلاش اي طبيبة او صيدلانية او مهندسة تاخد حد اقل من تفكيرها !!!

**kero25** · 17-10-2008 02:29 PM

وانا معاك يارود مستر بس هزود على كلامك
هى كمان لو حبيت تشتغل
لو متجوزة صيدلى زيها او دكتور او مهندس ....الخ
بس يكون نفس الوظيفة هيقدر طبيعة عملها اكتر من اى واحد تانى والمشاكل هتقل ودة عن تجربة مع جران لينا الاتنين دكترة والدكتورة مسفرة ايعارة برة لاكتر من 3 سنين وبتيجى زيارة بس جوزها مقدرها جدا وبيسرفلها كل شوية وهى بتيجى والحياة ماشيى مشاء الله

**mohamed ibiza** · 17-10-2008 03:02 PM

ممكن الناس تقول اني من العصر الحجري بس اللي هتجوزها لو هيبقي في اتفاق من الاول انها تبقي متفرغة لبيتها و جوزها و الاولاد غير كده مع السلامة:):)

**Dr Ahmed** · 17-10-2008 03:14 PM

دكتور + دكتورة + الإتنين بيشتغلوا = أطفال فى مهب الريح

**Dr Ahmed** · 17-10-2008 03:17 PM

المشاركة الأصلية كتبت بواسطة mohamed ibiza

ممكن الناس تقول اني من العصر الحجري بس اللي هتجوزها لو هيبقي في اتفاق من الاول انها تبقي متفرغة لبيتها و جوزها و الاولاد غير كده مع السلامة:):)

+1111111
إيه العقل دا يابو حميد

بس على فكرة شكلك كده مش هتتجوز :ack2:

**mohamed ibiza** · 17-10-2008 03:39 PM

المشاركة الأصلية كتبت بواسطة Dr Ahmed

+1111111
إيه العقل دا يابو حميد

بس على فكرة شكلك كده مش هتتجوز :ack2:

هههه مش مشكلة يا باشا اهو نوفر عشان اجيب كل موديلات Seat :D

**mat7oon** · 17-10-2008 04:07 PM

المشاركة الأصلية كتبت بواسطة Dr Ahmed

دكتور + دكتورة + الإتنين بيشتغلوا = أطفال فى مهب الريح

يعنى انا كده فى مهب الريح؟
انا والدى و والدتى اساتذة فى طب و انا و اخويا صيادلة مظنش اننا فى مهب الريح.

**Dr Ahmed** · 17-10-2008 04:26 PM

المشاركة الأصلية كتبت بواسطة mat7oon

يعنى انا كده فى مهب الريح؟
انا والدى و والدتى اساتذة فى طب و انا و اخويا صيادلة مظنش اننا فى مهب الريح.

بسم الله ما شاء الله
طبعا أحيي أسرتك على مجهودها الغير عادى
لكن فى الظروف الحالية والعادية وفى ظل الأحوال المحيطة بعمل الأطباء من إستمرار للدراسات العليا سنوات طويلة وقضاء ساعات طوال خارج المنزل فعلا يتأثر الأطفال (وحتى لو كانوا فى كليات قمة فأكيد هناك مطالب أخرى للأبناء)
إلا فى حالات كون تخصص الأم غير عملى يعنى مثلا تحاليل أو أكاديمى ، وفى الحالة دى بتقدر تدى بيتها زى - بل أفضل- من الأم العادية لخبرتها الطبية
لكن فى أغلب الحالات بالذات شباب الأطباء الباحثين عن المستوى المادى والعلمى الأعلى بتكون المهمة أكثر من شاقة خاصة فى حال عدم التمكن من الحصول على مساعدة الجدة والجد فى رعاية الأطفال بسبب بعد المكان أو غيره
ودا للأسف واقع ملموس فى معظم الأسر الطبية

سؤال بقى كده على الماشى.. ليه حضرتك مختار إسم مطحون؟

**elassar2010** · 17-10-2008 04:47 PM

اول حاجة حضرتكم تفضلتم بتناول الموضوع من جوانب عدة واهم جانب اغفلتوة وهو
الست الى بتنزل للشغل بعد الزواج بيكون بهدف المال يعنى بتساعد فى المنزل او لضيق يد جوزها وبتنزل الشغل علشان تصرف على نفسها لانى متاكد ان اى واحدة جوزها يقدر يصرف عليها وعلى المنزل مش هتفكر انها تتبهدل فى الشوارع واشارات المرور ومعاملة الناس الى بقت حاجة تقرف مهما كانت وظيفتها ومركزها وبعدين لو الزوج ميسور ومش محتاج ان مراتة تشتغل طبعا لازم تقعد فى البيت لان ولادى لازم امهم هى الى تربيهم فقط مش هجيب شغالة تربيهم تحت اى ظروف وحتى لو فكرت فدو لازم يكون تحت اشراف الام لانى لايمكن انى اسيب ولادى لو احدة معرفهاش تربيهم وبعدين كفاية الحوادث والمشاكل الى بتسببها الشغالات
يعنى من النهاية انا مع الراى الى بيقول ان لةو البيت مش محتاج دخل اكتر من دخل الزوج يبقى الزوجة تستثمر علمها ودينها ان تنشا اولاد متعلمين محترمين لان الشغل هينساها مهما عملت فية من انجاز
اما لو ولادها اتعلمو تحت اشرفها وعلمتهم دينهم صح الناس كلها هتفتكر مجهودها لما تتشرف بولادها وطبعا ثوابها عند ربنا وشكر لكل الاراء المتفقة مع راى والمختلفة معاة

الموضوع: مواصفات زوجة 2009

LinkBack

أدوات الموضوع

عرض

-

-

-

-

-

-

المواضيع المتشابهه

مواصفات الرومستر 2009

مواصفات و صور فــورد كا الجديدة - 2009

اخر اسعار و مواصفات الجيتا 2009؟

مواصفات السيفيك 2009

.::حصريا:. هوندا جاز 2009 - Honda Jazz (Fit) 2009 (صور+مواصفات شرق أوسط ) ::..

الكلمات الدلالية لهذا الموضوع

المفضلات

المفضلات

ضوابط المشاركة