الموضوع: مواصفات زوجة 2009

ياسيدى متزعلش و مسيرك تقع تحت ايدى بس لو اتعلقت و اترنفت متبقاش تزعل

على العموم انا من خبرتى فى الحياة شايف انه لسه بدرى عليك
بينى و بينكوا, هو ايه مطلب اى بنت مهما وصلت لدرجه علميه غير انها تلاقى شريك حياتها الى يحترمها و يقدرهاو تحس معاه بالامان و الحنان و تخلف منه اطفال و تربيهم(و يكونوا شبهه و تسميهم كمان على اسمه)؟ لأن هى دى الفطره و تكوين المرأه, لو حد شايف انى غلطان يقول (حد خد باله من كلمة شريك حياه؟)

كل ميسر لما خلق له, و الاسره بالضبط زى الشركه كل واحد فيها له دور معين و مينفعش حد يعمل دور الاخر و مينفعش نهمش او نعظم دور فرد على حساب الاخر
و ياريت مننساش ان وراء كل عظيم امرأه, سواء كانت ام ابتدات معاه من الصغر, او زوجه تسانده و تدفعه للامام
و الى مش هيلاقى راحته فى بيته هيدور عليها فى مكان ثانى (راجل او امرأه)
و برده مينفعش اننا نخوض فى موضوع مهم بالسطحيه دى

الشغل والطموح للراجل فرض عليه ..اما للبنت فهو مكمل لا اكثر
ازاي بتقارن طموح الراجل وشغله بالبنت...ده فرض على الراجل انوا ينزل الشغل ويتعب ويشقى ويوفر لقمة العيش!!

هو ده أهم شىء فى كلامك
ليه غيرت أهمية الشغل و الطموح بين الراجل و الست؟ ... ليه الشغل و الطموح للست ميبقاش فرض عليها ..... يا أستاذى الشغل و الطموح مش هو المشكلة اللى هتخلى الواحد يقصر من ناحية بيته .... دى بتبقى غلطة من الشخص نفسه إنه بيبالغ فى طموحاته دون توازن مع مسئوليته تجاه البيت .... و على فكرة الراجل المفروض تواجده فى البيت يكون قد الست بالظبط و إلا يبقى مقصر تجاه أسرته ... هتقولى طب و يجيب لقمة العيش منين؟ ... أقولك ما هو لما الست تشتغل هتساعده فى الجزء ده و هو يساعدها فى مسئولية البيت .... يعنى يحاولوا مع بعض يوصلوا لتوازن بين الحاجتين ... عشان ولا يبقى الأب بعيد عن البيت فترة طويلة و لا الأم تكون بعيدة.

اللى عاوز أوصلهولك إن يكون فيه مشاركة فى المسئوليات بين الزوجين و بلاش نلقى بمسئولية كاملة على الأب أو على الأم.

و الاسره بالضبط زى الشركه كل واحد فيها له دور معين و مينفعش حد يعمل دور الاخر و مينفعش نهمش او نعظم دور فرد على حساب الاخر

طب فيه أدوار ينفع فيها المشاركة بين الزوجين ... ليه ميشتركوش فيها؟
تربية الأولاد مثلاً ... ليه الأم هى اللى تقوم بيها و الأب يسافر بره مثلاً عشان يجيبلهم فلوس ... طب ما هو كده مقصر تجاه بيته ... هو صحيح عوض التقصير ده بإنه شال مسئولية زيادة لكن التقصير ده ممكن الأم متقدرش تعوضه لوحدها.

الطبيييخ برضه :d ..... عشان محدش يقولى بس إن ده دور المرأة و هى مولودة بتطبخ بالفطرة !!! :d .... أنا برضه بعرف أطبخ و معنديش مانع إنى لو جيب بدرى من الشغل أو عندى يوم أجازة إنى أعملهم الغدا إلنهاردة ما دام أعرف ... لو معرفش أتصرف و أساعد بأى حاجة بدل ما أنا قاعد فاضى.

المشاركة الأصلية كتبت بواسطة meza

طب فيه أدوار ينفع فيها المشاركة بين الزوجين ... ليه ميشتركوش فيها؟
تربية الأولاد مثلاً ... ليه الأم هى اللى تقوم بيها و الأب يسافر بره مثلاً عشان يجيبلهم فلوس ... طب ما هو كده مقصر تجاه بيته ... هو صحيح عوض التقصير ده بإنه شال مسئولية زيادة لكن التقصير ده ممكن الأم متقدرش تعوضه لوحدها.

ونسافر بره ليه؟ ما عبد الرحمن اهه جوه مصر بس برضه بعيد عن بيته زيه زى غيره من زمايله او الضباط او اى مهنه الرجل بيضطر انه يبعد عن بيته علشان هى دى طبيعة شغله!
كل واحد و ظروفه, و متفتكريش ان الرجل بيكون سعيد و مرتاح و هو بعيد عن بيته و اولاده بالعكس دى اصعب حاجه علينا
و جود الرجل في حياة اولاده و اسرته مهم, لكن مش معنى ان الرجل كل يوم يبات فى بيته انه موجود بالعكس, التواجد مش بالجسد و بس, التواجد بالفكر و الروح مهم برضه
و لما يتقدم واحد لحد ظروف شغله صعبه وانتى شايفه انك مش هتقدرى انك تساعديه فى تكوين اسره, يرفضه بزوق

حبيبي lonewolf ياريت انا جوه مصر انا سواح في البلاد........انا حاليا في عمان وكنت من 4 اشهور في امريكا.........اي مكان فيه بترول او غاز هاتلاقيني ...البركه في ديك تشيني ........ههههههههههههه...اكيد فهمتني
وبرضه مش هاديك فرصه ترنفني .....وبرضه مش هاتعرف تعمل الريبورت لوحدك.

كلامك 100% لانك عايش نفس واقع العمل ونفس الظروف

meza صدقني انا لو اطول اشوف شغلانه اروح بيتي فيها كل يوم ...صدقني هاروح من بكره
العائد المادي في مجالنا من المستحيل انك تلاقيه في مجال تاني في السن دي ....علشان كده بنضحي بنص عمرنا او اكتر في الشغل علشان خاطر نوفر حياه كريمه لاهلنا ولاسرتنا

طبعا ده يحط عبئ اكبر على الزوجه لانها وانت في اجازتك هي زوجه ..ولما تكون في شغلك هي بتكون ام وأب في نفس الوقت.
الشغل مش عيب والطموح مش عيب للبنت ..بس بحيث ما يأثرش على البيت ..وده لا ينطبق على اي وظيفه في مصر...للاسف الشديد

عيب عليك با مان
مسيرك تقع تحت ايدى و تلبس الافارول الاحمر
و صدقنى لو حصلك حاجه مش هتكون اول ربورت اعمله
بس اتمنى انى معملش ريبورتات و ربنا يحفظ الجميع