التقرير المنتظر لسيارات سوزوكي 2015 المرتقبة

**Shiemaa** · 07-08-2014 09:46 PM

معلش انا اقصد بتدفع كام علشان تحجزها

**Ahmed Shams** · 07-08-2014 10:29 PM

المشاركة الأصلية كتبت بواسطة d . A .\ ayman

تسلم إيدك ياباشا ... ما أنا عملتله لايك

هو مافيش كدة فعلا أنا أول مرة أشوف حجز 6 شهور ... بس فعلا أنا كنت عندهم أمس وبفضل الله استلمت العربية السويفت الهاتش باك قبل الميعاد اللى قاللي عليه بشهر ... هو كان قايلي شهرين وأنا بحجزها

وأنا هناك وراني فعلا أسماء الناس اللى حاجزة على الكمبيوتر وعددها كبير جدا .. بس هو قالي بإذن الله يتسلموا قبل مواعيدهم

والحمد لله برضه على كل شيء قدر الله وما شاء فعل .. إتخبطت إنهاردة على محور المشير من فيرنا جاي من ورايا طيران وأنا ماشي على 60 - 70 وعربيته فلتت منه وراح لابس في العجلة الشمال ورايا كسر الإكصدام وخبط الرفرف والجنط طبعا ... وبفضل الله العربية ما لفتش مني ولا اتقلبت ولا حاجة كملت طريقي لحد ما وقفت على جنب .. وهو عربيته الربع اليمين بتاعها كله مابقالوش معالم والكاوتش بتاعه اتعجن في حديد الجنط

بس من خلال المشوار اللى لحقت أعمله بالعربية لغاية ما اتخبطت

... ما شاء الله العربية تحفة وقيادتها ممتعة وعالية عن الأرض .. وأنا نازل منها كنت متوقع أني هاقوم أقف على رجلي زي ما بعمل في أي عربية سيدان ... لكن لاقيت نفسي بنزل واقف زي ما أكون نازل من جيب أو كروس

استاذ ايمن قدر الله ماشاء فعل و الحمد لله على سلمتك بس حضرتك كنت حاجز بتاريخ كام عشان اعرف انا قربت استلم ولا لسه

**D . a .\ AYMAN** · 07-08-2014 11:56 PM

المشاركة الأصلية كتبت بواسطة shiemaa

معلش انا اقصد بتدفع كام علشان تحجزها

هو كان عايز 5000 جنيه ... بس أنا وقتها ما كانش معايا غير 4000 ... وهم اللى حجزت بيهم ... الحجز كان عند الأستاذ / احمد حسام وهو رجل قمة في الذوق .. ربنا يباركله

المشاركة الأصلية كتبت بواسطة ahmed shams

استاذ ايمن قدر الله ماشاء فعل و الحمد لله على سلمتك بس حضرتك كنت حاجز بتاريخ كام عشان اعرف انا قربت استلم ولا لسه

كنت حاجز تقريبا في أول يومين ثلاثة في شهر رمضان بس مش متذكر التاريخ تحديدا ... وكان أول يوم العربية نزلت فيه في المعارض

**Shiemaa** · 08-08-2014 09:29 AM

حلو اوي مبروك عليك يعني في اكل استلام يكون اقل من ٦ شهور

بس اعتقد هو قال لحضرتك ان الاستلام في خلال شهرين مش ٦ زينا ؟

طيب بما ان حضرتك قديم مع سوزوكي ومع التوكيل ايه رايك فيه دلوقتي حاسس بفرق ولا الوكيل زي مهو وهيطلع عنينا بعد كده

**شريف** · 08-08-2014 11:58 AM

المشاركة الأصلية كتبت بواسطة d . A .\ ayman

هو كان عايز 5000 جنيه ... بس أنا وقتها ما كانش معايا غير 4000 ... وهم اللى حجزت بيهم ... الحجز كان عند الأستاذ / احمد حسام وهو رجل قمة في الذوق .. ربنا يباركله

كنت حاجز تقريبا في أول يومين ثلاثة في شهر رمضان بس مش متذكر التاريخ تحديدا ... وكان أول يوم العربية نزلت فيه في المعارض

هو استاذ احمد حسام في انهي فرع و ياريت لو نمرتة في رسالة خاصة اقدر استفسر معاة علي حجزي بعد اذنك

**Ahmed Shams** · 08-08-2014 02:56 PM

استاذ ايمن معلش هى الكنبة الخلفية قابلة للطى ولا لا و جزء واحد ولا جزئين و هل فعلا الكتينة بتعتها جنزير مش سيور ولا ديه اشاعة

**D . a .\ AYMAN** · 08-08-2014 04:21 PM

المشاركة الأصلية كتبت بواسطة shiemaa

حلو اوي مبروك عليك يعني في اكل استلام يكون اقل من ٦ شهور

بس اعتقد هو قال لحضرتك ان الاستلام في خلال شهرين مش ٦ زينا ؟

طيب بما ان حضرتك قديم مع سوزوكي ومع التوكيل ايه رايك فيه دلوقتي حاسس بفرق ولا الوكيل زي مهو وهيطلع عنينا بعد كده

هو كان قايلي فعلا الاستلام في خلال شهرين لأني كنت من أول الحاجزين أول ما العربية نزلت والدفعات اللى كانت موجودة كانت حاجزاها المعارض عشان كدة قالي إن بداية التسليم للعملاء من أول الدفعة اللى جاية كمان شهر ونص أو شهرين

بالنسبة للصيانة في التوكيل ... أنا أصلا ماقابلتش مشاكل قبل كدة مع التوكيل في صيانة الألتو غير إنه مضيعة للوقت والفلوس بدون فائدة ... بس لما اتعاملت مع توكيلات تانية بعد كدة زي توكيل ميتسوبيشي وعز العرب اللى واخد 7 ماركات من أفظع وأجمل ماركات العربيات في الدنيا عرفت أن مودرن موتورز ناس طيبين قوي جنبهم

وكمان من القصص اللى الواحد بيقراها هنا في المنتدى يبان إن كل التوكيلات في مصر شغالة بمزاجها بدون أي احترافية في شغلها ... وهدفها الأول والأخير هو سرقة العميل فقط لاغير ... وبتختلف بقى درجة الذوق اللى بيسرقوا بيها العميل

في ناس عندهم ذوق وهم بيسرقوكي زي توكيل كيا مثلا ... وفي ناس وقحين وهم بيسرقوكي زي منصور .. وفي ناس هبل وهم بيسرقوكي زي غبور ... وفي ناس أصلا حرامية وهم بيسرقوكي زي عز العرب اللى بياخد قطع أصلية من عربيات زيرو ويركب بدالها قطع مستخدمة أو استيراد أو مضروبة وبعلم العميل ورضاه ... وفي ... وفي ...

ولما بيكون في مشكلة حقيقية في الضمان يجب أن يتحملوها بيكون التصرف على حسب حجم المشكلة ... لأنها لو كبيرة هايعمل من بنها ويبقى الغلط عند العميل بقى سوء استخدام أو استهلاك طبيعي أو أي حاجة

ده أنا شوفت مرة توكيل من التوكيلات بيقول على الطنابير اللى عايزة تتغير إن ده استهلاك طبيعي بعد 10000 كيلو فقط مشيتهم العربية!!!!!!!!!!!!!!!!!!!!! وعايز يحمل قيمتها على العميل ... وكمان ممكن قوي ياخد القديمة يخرطها ويركبها لعميل تاني وياخد ثمنها منه برضه

المشاركة الأصلية كتبت بواسطة شريف

هو استاذ احمد حسام في انهي فرع و ياريت لو نمرتة في رسالة خاصة اقدر استفسر معاة علي حجزي بعد اذنك

أ/ احمد حسام في فرع ابو رواش .. رقم تليفونه : 01100939373

المشاركة الأصلية كتبت بواسطة ahmed shams

استاذ ايمن معلش هى الكنبة الخلفية قابلة للطى ولا لا و جزء واحد ولا جزئين و هل فعلا الكتينة بتعتها جنزير مش سيور ولا ديه اشاعة

الكنبة الخلفية بتفتح كلها جزء واحد ... وسير الكاتينة جنزير فعلا ... وده مؤكد عشان هاتلاقي ناس كتير بتفتي في النقطة وهي مش عارفة حتى الموظفين الإداريين في التوكيل

لأن كله فاكر إن الكاتينة هي السير بتاع الدينامو والتكييف اللى من برة

**Shiemaa** · 08-08-2014 05:44 PM

يعني ايه سير الكاتينة جنزير ؟

حاجة حلوة ولا وحشة يعني من غير تريقه لو سمحت هههههه

**D . a .\ AYMAN** · 08-08-2014 06:10 PM

المشاركة الأصلية كتبت بواسطة shiemaa

يعني ايه سير الكاتينة جنزير ؟

حاجة حلوة ولا وحشة يعني من غير تريقه لو سمحت هههههه

سير الكاتينة هو السير اللى بيكون رابط بين جزء الموتور السقلي عمود الكرنك مع الجزء العلوي عمود الكامة اللى بيكون راكب عليه الصبابات ... وده مكانه بيكون جوة الموتور أساسا مش ظاهر للعين ... وكان في العربيات القديمة جدا قبل موديلات التسعينيات عبارة عن جنزير حديد ومش بيتعمله أي صيانة

بعد كدة معظم الشركات اتجهت إنها تعمله من المطاط الكاوتش لتقليل النفقات وكمان لتقليل الضوضاء الناجمة عن صوت المحرك أثناء عملية التشغيل

بس طبعا لأن السير بقى مطاط وليه عمر افتراضي قليل جدا بالمقارنة بالحديد بتاع زمان فلازم يتغير كل فترة قريبة من الزمن زي مثلا كل 60 ألف كيلو متر في معظم العربيات

وتكمن خطورته في إنه لو ما اتعملوش الصيانة بتاعته واتقطع والعربية ماشية أو دايرة ممكن الأمر يوصل لنص عمرة أو عمرة كاملة .. لأنه بيفصل جزئين الموتور السفلي عن العلوي اللى هو بيحركهم مع بعض بنظام وكدة هايخبطوا ويكسروا في بعض بدون نظام وممكن توصل لتلف الموتور بالكامل والاضطرار لتغييره لو الأمر حصل على سرعة عالية

في شركات كتير بقالها سنة ولا اثنين رجعت تعمل سيور الكاتينة بتاعتها في معظم موديلاتها جنزير حديد تاني .. وده أفضل بكتير للمستهلك من ناحية الاطمئنان إنه مش هاقطع وهو ماشي بإذن الله