الموضوع: التقرير المنتظر لسيارات سوزوكي 2015 المرتقبة

المشاركة الأصلية كتبت بواسطة Karim_Monir

موضوع جامد جدا يا ايمن باشا
نشرتهولك علي صفحتنا بقاله كام يوم عامل مشاهدات عالية
الله ينور :-)

تسلم إيدك ياباشا ... ما أنا عملتله لايك

المشاركة الأصلية كتبت بواسطة Shiemaa

انصلت انهارده قالي الاستلام بعد ٦ شهور ٩٩ الف هو في كده

هو مافيش كدة فعلا أنا أول مرة أشوف حجز 6 شهور ... بس فعلا أنا كنت عندهم أمس وبفضل الله استلمت العربية السويفت الهاتش باك قبل الميعاد اللى قاللي عليه بشهر ... هو كان قايلي شهرين وأنا بحجزها


وأنا هناك وراني فعلا أسماء الناس اللى حاجزة على الكمبيوتر وعددها كبير جدا .. بس هو قالي بإذن الله يتسلموا قبل مواعيدهم


والحمد لله برضه على كل شيء قدر الله وما شاء فعل .. إتخبطت إنهاردة على محور المشير من فيرنا جاي من ورايا طيران وأنا ماشي على 60 - 70 وعربيته فلتت منه وراح لابس في العجلة الشمال ورايا كسر الإكصدام وخبط الرفرف والجنط طبعا ... وبفضل الله العربية ما لفتش مني ولا اتقلبت ولا حاجة كملت طريقي لحد ما وقفت على جنب .. وهو عربيته الربع اليمين بتاعها كله مابقالوش معالم والكاوتش بتاعه اتعجن في حديد الجنط


بس من خلال المشوار اللى لحقت أعمله بالعربية لغاية ما اتخبطت ... ما شاء الله العربية تحفة وقيادتها ممتعة وعالية عن الأرض .. وأنا نازل منها كنت متوقع أني هاقوم أقف على رجلي زي ما بعمل في أي عربية سيدان ... لكن لاقيت نفسي بنزل واقف زي ما أكون نازل من جيب أو كروس

المشاركة الأصلية كتبت بواسطة ahmedarefsaad

موضوع شيق جدا و مفيد جدا و معلومات تشكى عليها و جزاك الله كل خير و فى أنتظار اى معلومات لو نزلت عن الجراند فيتارا لانى قاعد بدور على اى حاجه ليها و مش لاقى ولا سعر ليها ولا حتى اماكن لانى اتفرج عليها وشكرا

الفيتارا .. على حسب كلام المبيعات لسة مالهاش سعر ... ومش قبل شهر ديسمبر عقبال ما يجيبوها أو أول السنة الجاية